|
|
 |
| (GMT+08:00)
2005-11-25 17:37:20
|
 |
|
ຄວາມຊີນເຄີຍດ້ານອາຫານການກິນທີ່ບໍ່ດີ 9 ຢ່າງ(ພາກປາຍ)
cri
 ຄວາມຊິນເຄີຍທີ່ບໍ່ດີປະເພດທີ 5 ແມ່ນກິນເຫຼົ້າຫຼາຍເກີນໄປ.
ຖ້າກິນເຫຼົ້າຫຼາຍຫຼືກິນເຫຼົ້າເລື້ອຍໆ,ຈະພາໃຫ້ຕັບເບື່ອອັງໂກນແລ້ວອັກເສບ,ບວມ,ກະທົບກະເທືອນເຖິງລະບົບສືບພັນແລະລະບົບປັດສາວະ.
ຖ້າຢາກກິນເຫຼົ້າກໍຕ້ອງຮຽນກິນແນວໃດກ່ອນ,ເຫຼົ້າທີ່ດີກວ່າໝູ່ມີເຫຼົ້າຂາວ,ເບຍແລະເຫຼົ້າໝາກໄມ້,ຖ້າເວົ້າໃນດ້ານສຸຂະພາບແລ້ວເຫັນວ່າ,ເຫຼົ້າແວງເຫຼົ້າໝາກໄມ້ຊະນິດໜຶ່ງແມ່ນດີກວ່າໝູ່.ຊາວຝັ່ງມີຜູ້ເປັນໂຣກຫົວໃຈບໍ່ຫຼາຍກໍແມ່ນຍ້ອນພວກເຂົາເຈົ້າມັກກິນເຫຼົ້າອະງຸ່ນແດງ. ຜູ້ຄົ້ນຄວ້າແນະນຳວ່າ,ຖ້າກິນເຫຼົ້າອະງຸ່ນແດງເລື້ອຍໆ,ອັດຕາເປັນໂຣກຫົວໃຈຈະຫຼຸດລົງເຄິ່ງໜຶ່ງ. ເວລາເໝາະສົມທີ່ສຸດແມ່ນກິນຕອນບ່າຍຫຼັງຈາກ 2 ໂມງຈະປອດໄພກວ່າ.
ເພາະວ່າຫຼາຍຊົ່ວໂມງໃນຕອນເຊົ້າ,ເຊື້ອໝັກທີ່ແຍກທາດອັງໂກນໃນກະເພາະຍັງຈາງ,ຖ້າກິນເຫຼົ້າປະລິມານທໍ່ກັນ,ຕອນເຊົ້າກະເພາະຈະຮັບເອົາງ່າຍກວ່າຕອນບ່າຍ,ເຮັດໃຫ້ໃນເລືອດມີອັງໂກນຫຼາຍຂຶ້ນ. ເປັນໂທດແຮງຕໍ່ອະໄວຍະວະຕ່າງໆເຊັ່ນຕັບແລະສະໝອງເປັນຕົ້ນ. ນອກນີ້,ເວລາທ້ອງເປົ່າ,ກ່ອນນອນ,ເປັນຫວັດຫຼືອາລົມຕື່ນເຕັ້ນກໍບໍ່ຄວນກິນເຫຼົ້າ,ໂດຍສະເພາະແມ່ນເຫຼົ້າຂາວ,ເພື່ອບໍ່ໃຫ້ມັນເປັນໂທດຕໍ່ສາຍເລືອດຫົວໃຈ. ປະລິມານເຫຼົ້າທີ່ເໝາະສົມທີ່ສຸດຍົກຕົວຢ່າງສຳລັບຜູ້ທີ່ມີນ້ຳໜັກ 60 ກິໂລກິນແຕ່ລະມື້ຄວນຈຳກັດບໍ່ໃຫ້ເກີນ 60 ກຼາມ. ຜູ້ທີ່ນ້ຳໜັກຕ່ຳກວ່າ 60 ກິໂລນັ້ນຄວນກິນໜ້ອຍລົງຕາມຄວນ,ດີທີ່ສຸດແມ່ນປະມານ 45 ກຼາມ. ຖ້າຄິດໄລ່ເປັນເຫຼົ້າຊະນິດຕ່າງໆແລ້ວ: ເຫຼົ້າຂາວ 60 ອົງສາໃຫ້ກິນບໍ່ກາຍ 50 ກຼາມ,ເບຍ 1 ກິໂລ,ວິສກີ 250 ມີລີລິດ.
ເຖິງວ່າເຫຼົ້າອະງຸ່ນແດງມີປະໂຫຍດຕໍ່ສຸຂະພາບ,ແຕ່ກໍບໍ່ຄວນກິນຫຼາຍເກີນໄປ, ມື້ລະສອງສາມຈອກພໍດີພໍງາມ. ເມື່ອເບິ່ງຈາກກົດເກນຂັບຖ່າຍອານໂກນແລ້ວເຫັນວ່າ,ຂອງແກ້ມທີ່ດີກວ່າໝູ່ແມ່ນອາຫານທີ່ມີໂປຼຕິນຫຼາຍແລະວິຕາມິນຫຼາຍ,ຕົວຢ່າງຄືຜັກສົດ,ປາສົດ,ຊີ້ນບໍ່ມັນ,ໝາກຖົ່ວແລະໄຂ່ເປັນຕົ້ນ. ຕ້ອງລະວັງຢ່າກິນປາເຄັມ,ໄສ້ກອກແລະໝູແຕ໋ວເປັນຂອງແກ້ມ,ເພາະວ່າໃນອາຫານປະເພດນີ້ມີທາດສີແລະນີໂຕຼຊາມິນ,ຈະເກີດປະຕິກິລິຍາກັບອັງໂກນ,ບໍ່ພຽງແຕ່ເປັນໂທດຕໍ່ຕັບທໍ່ນັ້ນ,ຫາກຍັງເປັນໂທດຕໍ່ປາກແລະເຈ້ຍເມືອກຫຼອດອາຫານ,ຈົນກະທັ້ງພາໃຫ້ເປັນມະເຮັງ.
ຄວາມຊີນເຄີຍດ້ານອາຫານການກິນທີ່ບໍ່ດີປະເພດທີ 6 ແມ່ນສູບຢາຫຼັງອາຫານ,ເຮັດໃຫ້ວັດຖຸທີ່ມີຜົນຮ້າຍເຂົ້າສູ່ຮ່າງກາຍຄົນເຮົາໄດ້ງ່າຍ.
ສູບຢາກອກໜຶ່ງຫຼັງອາຫານ,ຈະຖືກພິດທໍ່ກັບຢາ 10 ກອກທີ່ສູບໃນຍາມປົກກະຕິ. ເພາະວ່າພາຍຫຼັງກິນເຂົ້າແລ້ວ,ກະເພາະແລະລຳໄສ້ຈະຄັ້ນຮູດແຮງຂຶ້ນ,ເລືອດໝູນວຽນໄວເຂົ້າ,ເວລານີ້ຮ່າງກາຍສາມາດຮັບເອົາຂວັນຢາສູບໄດ້ດີທີ່ສຸດ,ວັດຖຸມີພິດໃນຢາຈະເຂົ້າສູ່ຮ່າງກາຍໄດ້ງ່າຍກວ່າຍາມທຳມະດາ,ແລ້ວເປັນໂທດຕໍ່ສຸຂະພາບແຮງຂຶ້ນ.
ຄວາມຊິນເຄີຍດ້ານອາຫານການກິນທີ່ບໍ່ດີປະເພດທີເຈັດແມ່ນມັກກິນຂອງດິບ,ພາໃຫ້ເປັນພະຍາດກາຝາກຊະນິດຕ່າງໆ.
ປາແຊວມອນ,ປາລູອີ,ປາມຶກ,ຊີ້ນປາດິບ,ງູແລະປູເປັນຕົ້ນແມ່ນອາຫານທີ່ຜູ້ເຮັດວຽກຫ້ອງການມັກເລືອກສັ່ງກິນເລື້ອຍໆໃນເວລາຈັດງານລ້ຽງ,ຈຶ່ງມັກມີແມ່ທ້ອງແລະຕິດເຊື້ອພະຍາດ,ບວກກັບພໍ່ຄົວຄົວພໍສຸກດິບເພື່ອໃຫ້ເນື່ອອ່ອນກິນແຊບ,ຈຶ່ງເຮັດໃຫ້ພະຍາດເຂົ້າທາງປາກ.
ວັດຖຸທີ່ມີອິນຊີໃນຜັກດິບແມ່ນມໍ່ກັບຮ່າງກາຍ,ສາມາດເຮັດໃຫ້ເມັດເລືອດຂາວຢູ່ໃນສະພາວະປົກກະຕິ,ຍັງສາມາດເຮັດໃຫ້ພູມຕ້ານທານທີ່ຖືກອາຫານສຸກທຳລາຍນັ້ນຟື້ນຄືນໄດ້. ພິຈາລະນາເຖິງຜົນປະໂຫຍດເຫຼົ່ານີ້,ທ່ານຄວນຄິດວ່າຈະກິນອາຫານດິບແນວໃດ. ເພາະວ່າ,ອາຫານດິບກໍຕ້ອງມີວິທີກິນຄື
ໜຶ່ງ,ກິນນ້ຳຜັກສົດແລະນ້ຳໝາກໄມ້ສົດຊູ່ມື້.
ສອງ,ເອົາຜັກສົດເຮັດຍຳ,ໃສ່ນ້ຳສົ້ມໜ້ອຍໜຶ່ງ,ຢ່າໃສ່ເກືອຫຼາຍ.
ສາມ,ມະນຸດແມ່ນອາໃສກິນອາຫານສຸກມາຮັກສາການເຄື່ອນໄຫວຂອງຊີວິດ,ຖ້າກິນອາຫານດິບກ່ອນເຊັ່ນໝາກໄມ້,ແລ້ວຈຶ່ງກິນອາຫານສຸກ,ກໍຈະບໍ່ມີປະກົດການທີ່ເມັດເລືອດຂາວເພີ່ມຂຶ້ນ.
ສີ່,ບໍ່ກິນອາຫານປຸງແຕ່ງ,ຕົວຢ່າງຄືເຄື່ອງກະບ໋ອງພ້ອມທັງອາຫານທີ່ໄດ້ໃສ່ຢາກັນບູດ,ເຈືອສີ,ໃສ່ວັດຖຸເຄມີເປັນຕົ້ນ.
ຄວາມຊິນເຄີຍທີ່ບໍ່ດີໃນດ້ານອາຫານການກິນປະເພດທີແປດແມ່ນກິນໝາກໄມ້ຕາງເຂົ້າ,ເຮັດໃຫ້ຮ່າງກາຍຂາດວັດຖຸຕ່າງໆເຊັ່ນໂປຼຕິນເປັນຕົ້ນ,ທາດບຳລຸງເສຍຄວາມດຸນດ່ຽງ,ຈົນກະທັ້ງພາໃຫ້ເປັນພະຍາດ.
ຜູ້ເຮັດວຽກຢູ່ຫ້ອງການຫຼາຍຄົນຍ້ອນວ່າມີແຕ່ນັ່ງເຮັດວຽກດົນແລ້ວກໍພາໃຫ້ອາຫານບໍ່ຍ່ອຍ,ໄຂມັນເລືອດເພີ່ມຂຶ້ນ,ສາຍເລືອດແຂງແລະພະຍາດອື່ນໆ,ຕ້ອງການທາດບຳລຸງໃນໝາກໄມ້ມາແຍກທາດ. ແຕ່ວ່າ,ຈະກິນໝາກໄມ້ຕາງອາຫານຫຼັກບໍ່ໄດ້. ເພາະວ່າເຖິງວ່າໃນໝາກໄມ້ມີວິຕາມິນແລະນ້ຳຕານຫຼາຍກໍຕາມ,ແຕ່ພັດຂາດໂປຼຕິນແລະຈຸນລະສານບາງຢ່າງທີ່ຮ່າງກາຍຕ້ອງການ.
ຄວາມຊິນເຄີຍທີ່ບໍ່ດີປະເພດທີ 9 ໃນດ້ານອາຫານການກິນແມ່ນກິນເຂົ້າໄວໂພດ.
ມັກຈະພາໃຫ້ກະເພາະລຳໄສ້ຫາບແບກໜັກ,ພາໃຫ້ອ້ວນພີ. ຜູ້ເຮັດວຽກໃນຫ້ອງການ
ສ່ວນຫຼາຍໃນເວລາກິນອາຫານທ່ຽງຍ້ອນມີເວລາໜ້ອຍຈຶ່ງກິນຟ້າວ. ຖ້າກິນເຂົ້າໄວເກີນໄປ,ອາຫານຫຍ້ຳເຊື້ອໝັກທາດແປ້ງໃນນ້ຳລາຍບໍ່ສາມາດຢອຍອາຫານໃນເບື້ອງຕົ້ນ,ເຮັດໃຫ້ກະເພາະລຳໄສ້ຫາບແບກໜັກຂຶ້ນ; ກິນຂອງຫຍ້ຳບໍ່ແຫຼກ,ຟ້າວກິນຟ້າວກືນຈະພາໃຫ້ກິນຫຼາຍແລ້ວພາໃຫ້ອ້ວນພີ.
|
|
|
