|
|
 |
| (GMT+08:00)
2005-11-25 17:38:03
|
 |
|
ຄະນະທະນາຍຄວາມຂອງທ່ານຊັດດາມຈະຂຶ້ນສານຕາມເວລາກຳນົດ
cri
ຕາມຂ່າວສານຊີນຮວາ,ວັນທີ24ພະຈິກ,ຄະນະທະນາຍຄວາມຂອງທ່ານຊັດດາມອະດີດປະທານາທິບໍດີອີຣັກທີ່ຕັ້ງສຳນັກງານໃຫຍ່ຢູ່ອຳມານກ່າວວ່າ,ເຖິງວ່າຄວາມປອດໄພຂອງຕົນບໍ່ໄດ້ຮັບການຮັບປະກັນກໍຕາມ,ແຕ່ພວກເຂົາເຈົ້າຈະບໍ່ຂວ້ຳບາດສານພິເສດຂອງອີຣັກອີກ,ຈະເຂົ້າຮ່ວມການສືບສວນຄັ້ງທີ2ທີ່ຈັດຂຶ້ນໃນວັນທີ28ພະຈິກຕາມເວລາກຳນົດ.
ພາຍຫຼັງໄຂສານສືບສວນຄະດີຊັດດາມເປັນຄັ້ງທຳອິດໃນວັນທີ19ຕຸລາແລ້ວ,ສະມາຊິກສອງຄົນຂອງຄະນະທະນາຍຄວາມຂອງທ່ານຊັດດາມໄດ້ຖືກຂ້າຕາຍ.ວັນທີ9ພະຈິກ,ທ່ານດູເລມີ ຫົວໜ້າທະນາຍຄວາມຂອງຄະດີຊັດດາມໄດ້ອອກຖະແຫຼງການປະກາດວ່າ,ຍ້ອນຖືກຂົ່ມຂູ່ໃນດ້ານຄວາມປອດໄພ,ທະນາຍຄວາມທີ່ວ່າຄວາມຊ່ວຍທ່ານຊັດດາມແລະຈຳເລີຍອີກ7ຄົນໃນຄະດີດຽວກັນຈະຢຸດຕິການສຳຜັດທັງໝົດກັບສານພິເສດຂອງອີຣັກ.
ວັນທີ23ພະຈິກ,ເຈົ້າໜ້າທີ່ອາເມລິກາຜູ້ໜຶ່ງເວົ້າວ່າ,ການສືບສວນທ່ານຊັດດາມແລະຈຳເລີຍອີກ7ຄົນຄັ້ງທີ2ຈະຈັດຂຶ້ນໃນວັນທີ28ພະຈິກຕາມເວລາກຳນົດ.ເພິ່ນຍັງກ່າວວ່າ,ຝ່າຍທີ່ກ່ຽວຂ້ອງໄດ້ໃຊ້ມາດຕະການເພື່ອຮັບປະກັນຄວາມປອດໄພຂອງທະນາຍຄວາມ.
|
|
|
