|
|
 |
| (GMT+08:00)
2005-11-25 20:19:25
|
 |
|
ຈີນຈະສືບຕໍ່ຮັກສາຄວາມສືບເນື່ອງແລະຄວາມໝັ້ນທ່ຽງຂອງນະໂຍບາຍເສດຖະກິດມະຫາພາກ
cri
Author: da
ຕາມຂ່າວສານຊິນຮວາ: ວັນທີ 25 ພະຈິກ ຢູ່ປັກກິ່ງ ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນໄດ້ເປັນປະທານຈັດກອງປະຊຸມກົມການເມືອງສູນກາງພັກກອມມູນິດຈີນ,ວິເຄາະສະຖານະການເສດຖະກິດຈີນໃນສະເພາະໜ້ານີ້,ຄົ້ນຄວ້າວຽກງານເສດຖະກິດໃນປີໜ້າ.ກອງປະຊຸມເຫັນວ່າ,ຕ້ອງເຮັດວຽກງານເສດຖະກິດປີໜ້າໃຫ້ດີ,ຮັກສາຄວາມສືບເນື່ອງແລະຄວາມໝັ້ນທ່ຽງຂອງນະໂຍບາຍເສດຖະກິດມະຫາພາກ.
ກອງປະຊຸມເຫັນວ່າ,ແຕ່ຕົ້ນປີມານີ້,ເສດຖະກິດແຫ່ງຊາດຂອງຈີນໄດ້ຮັກສາການເຕີບໂຕຂ້ອນຂ້າງໄວ,ຕໍ່ມາ ພາລະກິດສັງຄົມທຸກລາຍໄດ້ຮັບການເພີ່ມທະວີຂຶ້ນ,ຊີວິດການເປັນຢູ່ຂອງປະຊາຊົນກໍໄດ້ຮັບການປົວແປງໃຫ້ດີຂຶ້ນຕໍ່ມາ.ກອງປະຊຸມຊີ້ອອກວ່າ,ວຽກ ເສດຖະກິດໃນປີໜ້າ,ຕ້ອງອອກແຮງເພີ່ມທະວີການປະຕິຮູບແລະໄຂປະຕູສູ່ພາຍນອກ,ເພີ່ມຄວາມສາມາດປະດິດສ້າງໂດຍຕົນເອງ,ຍົກຄຸນນະພາບແລະປະສິດທິຜົນຂອງການເຕີບໂຕທາງເສດຖະກິດໃຫ້ສູງຂຶ້ນ,ໃຫ້ເສດຖະກິດແຫ່ງຊາດພັດທະນາຢ່າງສືບເນື່ອງ ວ່ອງໄວ ກົມກຽວກັນແລະປອດໃສແລະສັງຄົມກ້າວໜ້າຢ່າງຮອບດ້ານ.
ກອງປະຊຸມກ່າວເນັ້ນວ່າ,ຕ້ອງສືບຕໍ່ຍົກຄຸນນະພາບແລະລະດັບການໄຂປະຕູສູ່ພາຍນອກໃຫ້ສູງຂຶ້ນ,ພ້ອມກັນນັ້ນ ຕ້ອງເຮັດວຽກດ້ານອື່ນໆໃຫ້ດີເຊັ່ນ ເປີດກວ້າງການປະກອບອາຊີບ ປົວແປງລະບົບປະກັນສັງຄົມໃຫ້ດີ ບຸກເບີກພັດທະນາບຳບັດຄວາມທຸກຍາກ ເພີ່ມທະວີຄວາມປອດໄພດ້ານການຜະລິດເປັນຕົ້ນ.
|
|
|
