|
|
 |
| (GMT+08:00)
2005-11-25 21:40:34
|
 |
|
ພາກສ່ວນທີ່ກ່ຽວຂ້ອງຂອງຈີນໃຊ້ມາດຕະການ ອອກແຮງສຸດຂີດຫຼຸດຜ່ອນຜົນສະທ້ອນຍ້ອນແມ່ນ້ຳຊົ່ງຮວ່າຖືກຊື່ອມພິດ
cri
Author: da
ຕາມຂ່າວສານຊິນຮວາ: ພາຍຫຼັງເກີດອຸບັດເຫດແມ່ນ້ຳຊົ່ງຮວ່າຖືກເຊື່ອມພິດຢ່າງຮ້າຍແຮງແລ້ວ,ກະຊວງຊົນລະປະທານຈີນແລະເມືອງຮາບິນ ພາກຕາເວັນອອກສຽງເໜືອຂອງຈີນໄດ້ໃຊ້ມາດຕະການອັນຕັ້ງໜ້າ,ອອກແຮງສຸດຂີດຫຼຸດຜ່ອນຜົນສະທ້ອນຕໍ່ເຂດແຄມແມ່ນ້ຳ ຍ້ອນແມ່ນ້ຳຊົ່ງຮວ່າຖືກເຊື່ອມພິດ.
ວັນທີ 25 ພະຈິກ ນັກຂ່າວໄດ້ຊາບວ່າ,ມາດຕະການດ່ວນຂອງກະຊວງຊົນລະປະທານລວມທັງ:ການໃຫ້ອ່າງເກັບນ້ຳຢູ່ຍ່ານເໜືອເປີດໃຫ້ນ້ຳໄຫຼແຮງ,ເພື່ອຜ່າໃຫ້ນ້ຳທີ່ເຊື່ອມພິດຈາງລົງ; ຕິດຕາມວັດແທກແມ່ນ້ຳຊົ່ງຮວ່າທີ່ຖືກເຊື່ອມພິດໃນທຸກເວລາ,ລາຍງານສະພາບການປ່ຽນແປງຂອງແມ່ນ້ຳທີ່ຖືກເຊື່ອມພິດຢ່າງທັນການ;ແຕ່ງໜ່ວຍງານຊ່ອຍເຫຼືອທ້ອງຖິ່ນເຮັດວຽກທີ່ກ່ຽວຂ້ອງໃຫ້ດີ;ແຈ້ງເຫດການແມ່ນ້ຳຊົ່ງຮວ່າໃຫ້ລັດເຊຍທີ່ຢູ່ຍ່ານໃຕ້ແມ່ນ້ຳຊົ່ງຮວ່ານັ້ນຊາບ.
ເມືອງຮາບິນໄດ້ເບີກເງິນ 4 ລ້ານ 8 ແສນຢວນໂດຍດ່ວນ,ໃຊ້ເຂົ້າໃນການສະໜອງນ້ຳດື່ມໃຫ້ໄທເມືອງທີ່ມີຄວາມຫຍຸ້ງຍາກດ້ານເສດຖະກິດ,ຕັ້ງບ່ອນສະໜອງນ້ຳແລະຈຳໜ່າຍນ້ຳດື່ມລາຄາຖືກເປັນຕົ້ນ.ວິສາຫະກິດສະໜອງແລະລະບາຍນ້ຳທີ່ສຳຄັນກໍພວມໃຊ້ມາດຕະການ,ກັ່ນຕອງນ້ຳໃຫ້ສະອາດ,ຍົກຄຸນນະພາບຂອງນ້ຳໃຫ້ສູງຂຶ້ນ.
ຕອນບ່າຍວັນທີ 25 ພະຈິກ,ໜ່ວຍງານຂອງຄະນະລັດຖະບານຈີນທີ່ປະກອບດ້ວຍຜູ້ຮັບຜິດຊອບຂອງຫົວໜ່ວຍຕ່າງໆຄືກົມໃຫຍ່ອະນຸລັກສິ່ງແວດລ້ອມແຫ່ງຊາດເປັນຕົ້ນໄດ້ເດີນທາງໄປສຳຫຼວດບັນຫາເຊື່ອມພິດຂອງແມ່ນ້ຳຊົ່ງຮວ່າຢູ່ເມືອງຮາບິນ.
|
|
|
