|
ໃນລາຍການພາກກ່ອນ,ພວກເຮົາໄດ້ຕອບຄຳຖາມຂໍ້ທີໜຶ່ງໃນຈົດໝາຍຂອງທ້າວວັນນະຈິດ ກິດຕິຄຸນທີ່ຢູ່ແຂວງໄຊຍະບູລີ,ທ່ານຮູ້ສຶກພໍໃຈບໍ່?ໃນລາຍການພາກນີ້,ພວກເຮົາຈະຕອບຄຳຖາມຂໍ້ທີສອງໃນຈົດໝາຍຂອງຜູ້ກ່ຽວຄື:ລາຍໄດ້ສະເລ່ຍຕໍ່ຄົນຕໍ່ປີຂອງຈີນມີເທົ່າໃດ?
ນັບມາຮອດທ້າຍປີ 2004,ຍອດຈຳນວນປະຊາກອນທົ່ວປະເທດຈີນມີ 1 ຕື້ 299 ລ້ານ 8 ແສນ 8 ໝື່ນຄົນ.ປະຊາກອນທີ່ເກີດໃໝ່ໃນປີ 2004 ມີ 15 ລ້ານ 9 ແສນ 3 ໝື່ນຄົນ,ອັດຕາການເກີດແມ່ນ 12,29‰;ຈຳນວນຄົນຕາຍມີ 8 ລ້ານ 3 ແສນ 2 ໝື່ນຄົນ,ອັດຕາການຕາຍແມ່ນ 6,42‰;ໃນໝົດປີ,ປະຊາກອນໄດ້ເພີ່ມຂຶ້ນສຸດທິ 7 ລ້ານ 6 ແສນ 1 ໝື່ນຄົນ,ອັດຕາເພີ່ມຂຶ້ນຕາມທຳມະຊາດແມ່ນ 5,87‰,ໄດ້ຫຼຸດລົງໜ້ອຍກວ່າປີ 2003 0,14‰.
ລາຍໄດ້ສຸດທິສະເລ່ຍຕາມຫົວຄົນຂອງປະຊາກອນໃນຊົນນະບົດຈີນໃນປີ 2004 ມີ 2936 ຢວນ,ເທົ່າກັບປະມານ 363 ໂດລາສະຫະລັດ,ຖ້າບໍ່ຄິດໄລ່ປັດໄຈລາຄາສິນຄ້າແພງຂຶ້ນ,ໄດ້ເພີ່ມຂຶ້ນຕົວຈິງ 6,8%,ແມ່ນປີໜຶ່ງທີ່ເພີ່ມຂຶ້ນໄວກວ່າໝູ່ແຕ່ປີ 1997 ມານີ້;ລາຍໄດ້ທີ່ຈັບຈ່າຍໄດ້ຄິດສະເລ່ຍຕາມຫົວຄົນຂອງໄທເມືອງແມ່ນ 9422 ຢວນ,ເທົ່າກັບປະມານ 1165 ໂດລາສະຫະລັດ,ເພີ່ມຂຶ້ນຕົວຈິງ 7,7%.ຈຳນວນສຳປະສິດອັງເກີຂອງຄອບຄົວຊົນນະບົດ（ຄືອັດຕາສ່ວນທີ່ລາຍຈ່າຍດ້ານອາຫານການກິນກວມລາຍຈ່າຍທັງໝົດຂອງຄອບຄົວພົນລະເມືອງ）ແມ່ນ 47,2%,ສ່ວນຂອງຄອບຄົວໃນຕົວເມືອງແມ່ນ 37,7%.ຕາມມາດຖານລາຍໄດ້ສຸດທິສະເລ່ຍຕໍ່ຫົວຄົນຕໍ່ປີຕ່ຳກວ່າ 668 ຢວນ(ເທົ່າກັບປະມານ83ໂດລາສະຫະລັດ),ນັບມາຮອດທ້າຍປີ 2004,ປະຊາກອນທີ່ທຸກຍາກເດັດຖານໃນຊົນນະບົດຈີນມີ 26 ລ້ານ 1 ແສນຄົນ,ຫຼຸດລົງໜ້ອຍກວ່າທ້າຍປີ 2003 2 ລ້ານ 9 ແສນຄົນ;ຕາມມາດຖານລາຍໄດ້ສຸດທິສະເລ່ຍຕໍ່ຫົວຄົນຕໍ່ປີແຕ່ 669 ຢວນຫາ 924 ຢວນ(ເທົ່າກັບປະມານ83ຫາ114ໂດລາສະຫະລັດ),ນັບມາຮອດທ້າຍປີ 2004,ປະຊາກອນທີ່ມີລາຍໄດ້ຕ່ຳໃນຊົນນະບົດຈີນມີ 49 ລ້ານ 7 ແສນ 7 ໝື່ນຄົນ,ຫຼຸດລົງໜ້ອຍກວ່າທ້າຍປີ 2003 6 ລ້ານ 4 ແສນຄົນ.
ຈຳນວນຄົນເຂົ້າຮ່ວມການປະກັນບຳເໜັດພື້ນຖານຂອງຈີນມີ 163 ລ້ານ 4 ແສນ 2 ໝື່ນຄົນ,ເພີ່ມຂຶ້ນຫຼາຍກວ່າປີ 2003 8 ລ້ານ 3 ແສນ 6 ໝື່ນຄົນ.ໃນນັ້ນ,ກຳມະກອນທີ່ເຂົ້າຮ່ວມການປະກັນມີ 122 ລ້ານ 4 ແສນ 2 ໝື່ນຄົນ,ຜູ້ອອກກິນເບ້ຍບຳນານທີ່ເຂົ້າຮ່ວມການປະກັນມີ 41 ລ້ານຄົນ.ຈຳນວນຄົນເຂົ້າຮ່ວມການປະກັນຫວ່າງງານຂອງຈີນມີ 105 ລ້ານ 8 ແສນ 4 ໝື່ນຄົນ,ເພີ່ມຂຶ້ນ 2 ລ້ານ 1 ແສນ 1 ໝື່ນຄົນ.ຈຳນວນຄົນເຂົ້າຮ່ວມການປະກັນປິ່ນປົວຂອງຈີນມີ 123 ລ້ານ 8 ແສນ 6 ໝື່ນຄົນ,ເພີ່ມຂຶ້ນ 14 ລ້ານ 8 ແສນ 4 ໝື່ນຄົນ.ໃນນັ້ນ,ກຳມະກອນທີ່ເຂົ້າຮ່ວມການປະກັນມີ 90 ລ້ານ 3 ແສນ 3 ໝື່ນຄົນ,ຜູ້ອອກກິນເບ້ຍບຳນານທີ່ເຂົ້າຮ່ວມການປະກັນມີ 33 ລ້ານ 5 ແສນ 3 ໝື່ນຄົນ.ໃນທ້າຍປີ 2004,ຜູ້ອອກກິນເບ້ຍບຳນານທີ່ເຂົ້າຮ່ວມການປະກັນບຳເໜັດພື້ນຖານຂອງວິສາຫະກິດຈີນມີ 37 ລ້ານ 7 ແສນຄົນ,ໄດ້ບັນລຸການເບີກເງິນຄ່າບຳເໜັດເຕັມອັດຕາຕາມເວລາກຳນົດທັງໝົດ,ໃນທ້າຍປີ 2004,ຈຳນວນຜູ້ຕົກງານຂອງລັດວິສາຫະກິດຍັງມີ 1 ລ້ານ 5 ແສນ 3 ໝື່ນຄົນ,ຜູ້ຕົກງານທີ່ໄດ້ເຂົ້າສູນບໍລິການປະກອບອາຊີບຄືນໃໝ່ໝົດທຸກຄົນໄດ້ຮັບຄ່າຄອງຊີບຕ່ຳສຸດເຕັມອັດຕາຕາມເວລາກຳນົດ,ທາງສູນບໍລິການກໍ່ໄດ້ຈ່າຍຄ່າປະກັນສັງຄົມໃຫ້ແລ້ວ;ຈຳນວນຄົນທີ່ໄດ້ຮັບເງິນປະກັນຫວ່າງງານຂອງຈີນມີ 4 ລ້ານ 1 ແສນ 9 ໝື່ນຄົນ,ທໍ່ກັບທ້າຍປີ 2003 ໂດຍພື້ນຖານ;ທົ່ວປະເທດມີປະຊາຊົນໃນຕົວເມືອງ 22 ລ້ານ 1 ໝື່ນຄົນໄດ້ຮັບຄ່າຄອງຊີບຕ່ຳສຸດຈາກລັດຖະບານ,ໜ້ອຍກວ່າປີ 2003 4 ແສນ 6 ໝື່ນຄົນ.
ຫົວໜ່ວຍສະຫວັດດີການສັງຄົມປະເພດຮັບລ້ຽງໃນທົ່ວປະເທດຈີນມີ 1 ລ້ານ 3 ແສນ 3 ໝື່ນຕຽງ,ໄດ້ຮັບລ້ຽງຄົນປະເພດຕ່າງໆ 1 ລ້ານ 2 ໝື່ນ 3 ພັນຄົນ.ໃນຕົວເມືອງໄດ້ສ້າງສິ່ງກໍ່ສ້າງບໍລິການໃນຄຸ້ມຊຸມຊົນຊະນິດຕ່າງໆ 1 ແສນ 7 ໝື່ນ 4 ພັນຄົນ,ໃນນັ້ນ,ມີສູນບໍລິການສັງລວມໃນຄຸ້ມຊຸມຊົນ 9888 ແຫ່ງ.ປີ 2004,ຈີນໄດ້ຈຳໜ່າຍຫວຍສະຫວັດດີການສັງຄົມເປັນມູນຄ່າ 22 ຕື້ 64 ລ້ານຢວນ,ຫ້າງຫາທຶນສະຫວັດດີການສັງຄົມ 7 ຕື້ 92 ລ້ານຢວນ,ໄດ້ຮັບເງິນບໍລິຈາກໂດຍກົງຈາກສັງຄົມ 1 ຕື້ 42 ລ້ານຢວນ.
ທ້າວວັນນະຈິດ ກິດຕິຄຸນແລະທ່ານຜູ້ຟັງທັງຫຼາຍທີ່ພວມຟັງລາຍການຂອງພວກເຮົາ,ກ່ຽວກັບສະພາບລາຍໄດ້ສະເລ່ຍຕໍ່ຄົນຕໍ່ປີຂອງປະຊາຊົນຈີນ,ພວກເຮົາກໍ່ຂໍແນະນຳຮອດທໍ່ນີ້ກ່ອນ,ໃນລາຍການຕໍ່ໄປ,ພວກເຮົາຈະຕອບຄຳຖາມອີກຫຼາຍຂໍ້ຢ່າງເປັນລຳດັບ,ຊົມເຊີຍທ່ານຕິດຕາມຮັບຟັງ.ພ້ອມກັນນັ້ນ,ກໍຊົມເຊີຍທ່ານຕັ້ງໜ້າເຂົ້າຮ່ວມການເສັງຄວາມຮູ້ກ່ຽວກັບໄຕ້ຫວັນ——ເກາະປະເສີດຂອງຈີນທີ່ວິທະຍຸພວກເຮົາຈັດຂຶ້ນ,ແລະຫວັງໃຫ້ທ່ານຝາກຈົດໝາຍມາຍັງພວກເຮົາໃຫ້ຫຼາຍໆ,ສະເໜີຂໍ້ສະເໜີອັນລ້ຳຄ່າຕໍ່ລາຍການຂອງພວກເຮົາ.ນອກນີ້,ເພື່ອຊ່ອຍບັນດາທ່ານຮຽນພາສາຈີນໃຫ້ດີກວ່າເກົ່າ,ປະຈຸບັນ,ປື້ມຮຽນແລະຊີດີຮຽນພາສາຈີນຂອງພວກເຮົາໄດ້ເຮັດສຳເລັດແລ້ວ,ຖ້າທ່ານຕ້ອງການ,ເຊີນທ່ານຝາກຈົດໝາຍມາບອກທີ່ຢູ່ຂອງທ່ານຢ່າງລະອຽດ,ພວກເຮົາຈະຝາກປື້ນຮຽນແລະຊີດີໄປຮອດມືຂອງທ່ານໂດຍໄວເທົ່າທີ່ຈະໄວໄດ້.
|
