|
ທ່ານນາງອູອີເວົ້າວ່າ ຈີນຈະລົງເລິກເຮັດວຽກປ້ອງກັນແລະປົວພະຍາດໂຣກເອດສ໌ໃຫ້ດີ
cri
Author: da
ຕາມຂ່າວCRI: ວັນທີ 28 ພະຈິກ ຢູ່ທີ່ປັກກິ່ງ ທ່ານນາງອູອີ ຮອງນາຍົກລັດຖະມົນຕີຈີນເວົ້າວ່າ, ວຽກງານປ້ອງກັນແລະປົວພະຍາດໂຣກເອດສ໌ຂອງຈີນໄດ້ມີຄວາມຄືບໜ້າຢ່າງຕັ້ງໜ້າ,ແຕ່ສະຖານະການພະຍາດໂຣກເອດສ໌ແລະວຽກງານປ້ອງກັນແລະປົວພະຍາດຍັງຂ້ຽວຂາດຢູ່, ຈີນຈະລົງເລິກເຮັດວຽກປ້ອງກັນແລະປົວພະຍາດໂຣກເອດສ໌ໃຫ້ດີ.
ໃນກອງປະຊຸມວຽກງານປ້ອງກັນແລະປົວພະຍາດໂຣກເອດສ໌ທີ່ຈັດຂຶ້ນໃນມື້ດຽວກັນ ທ່ານນາງອູອີເວົ້າວ່າ,ໃນໄລຍະສະເພາະໜ້ານີ້ແລະຕໍ່ໄປພາຍໜ້າ,ຈີນຈະອອກແຮງໂຄສະນາການສຶກສາ,ສຳຫຼວດສະພາບໂຣກເອດສ໌ໃຫ້ແຈ່ມແຈ້ງຕື່ມອີກ,ປະຕິບັດມາດຕະການປ້ອງກັນແລະປົວພະຍາດ,ເດັດດ່ຽວສະກັດກັ້ນທ່ວງທ່າໂຣກເອດສ໌ແຜ່ລາມ.
ປະຈຸບັນ, ຕາມການລາຍງານ ນັບລວມເຂົ້າກັນແລ້ວ ຜູ້ຕິດພະຍາດໂຣກເອດສ໌ຢູ່ຈີນມີ 1 ແສນ 3 ໝື່ນກວ່າຄົນ,ການສັກຢາເສບຕິດແມ່ນຊ່ອງທາງເຜີຍແຜ່ຕົ້ນຕໍ.
|
|
