|
ເຈົ້າໜ້າທີ່ສະຫະປະຊາຊາດກ່າວວ່າ ຈີນໄດ້ເສີມຂະຫຍາຍບົດບາດນຳພາຂອງປະເທດໃຫຍ່ໃນການບັນລຸການສຶກສາທົ່ວປວງຊົນໃນໂລກ
cri
ຕາມຂ່າວcri,ວັນທີ28ພະຈິກຢູ່ປັກກິ່ງ,ທ່ານບີເດີ ສມິສ ຜູ້ຊ່ວຍຜູ້ອຳນວຍການໃຫຍ່ດ້ານການສຶກສາຂອງອົງການຢູເນສໂກສະຫະປະຊາຊາດກ່າວວ່າ,ຈີນໄດ້ເສີມຂະຫຍາຍບົດບາດນຳພາຂອງປະເທດໃຫຍ່ໃນການບັນລຸການສຶກສາທົ່ວປວງຊົນໃນໂລກ.
ທ່ານສມິສແມ່ນໃຫ້ສຳພາດຕໍ່ນັກຂ່າວໃນເວລາເຂົ້າຮ່ວມກອງປະຊຸມຂັ້ນສູງການສຶກສາທົ່ວປວງຊົນຄັ້ງທີ5ຂອງອົງການຢູເນສໂກສະຫະປະຊາຊາດ.ທ່ານກ່າວວ່າ,ຈີນໄດ້ວາງຍຸດທະສາດພັດທະນາອັນຈະແຈ້ງແລະແຜນດຳເນີນງານອັນລະອຽດໃນດ້ານການບັນລຸການສຶກສາທົ່ວປວງຊົນ.
ທ່ານສມິສກ່າວວ່າ,ຈີນເອົາການຂະຫຍາຍການສຶກສາ,ການພັດທະນາ ເສດຖະກິດຢ່າງວ່ອງໄວແລະສັງຄົມພັດທະນາແບບຍືນຍົງທັງສາມຢ່າງປະສານກັນ,ເຮັດແນວນີ້ທັງມີຜົນດີຕໍ່ຜົນປະໂຫຍດກົກຮາກຂອງປະຊາຊົນຈີນ,ທັງເປັນແບບຢ່າງໃຫ້ທົ່ວໂລກໃນການຊຸກຍູ້ການສຶກສາທົ່ວປວງຊົນ.
|
|
