|
ທ່ານເວີ່ນເຈ່ຍປາວກ່າວວ່າ,ຝ່າຍຈີນຍິນດີພ້ອມກັບຝ່າຍມົງໂກລີຊຸກຍູ້ການພົວພັນຄູ່ຂາຖານບ້ານໃກ້ເຮືອນຄຽງແລະຕ່າງໄວ້ເນື້ອເຊື່ອໃຈກັນລະຫວ່າງສອງປະເທດ
cri
Author: zhangshuo
|
ຕາມຂ່າວCRI:ວັນທີ28ພະຈິກ,ຢູ່ທີ່ປັກກິ່ງ,ໃນເວລາພົບປະທ່ານນາມບາລິນເອັນເຮິບາຢາ ປະທານາທິບໍດີປະເທດມົງໂກລີທີ່ມາຢ້ຽມຢາມ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນກ່າວວ່າ,ຝ່າຍຈີນຍິນດີສືບຕໍ່ຍຶດໝັ້ນນະໂຍບາຍການຕ່າງປະເທດອ້ອມຂ້າງທີ່ມີໄມຕີຈິດຕໍ່ປະເທດໃກ້ຄຽງແລະຖືປະເທດໃກ້ຄຽງເປັນເພື່ອນ,ພ້ອມກັນກັບຝ່າຍມົງໂກລີຊຸກຍູ້ການພົວພົນຄູ່ຂາຖານບ້ານໃກ້ເຮືອນຄຽງແລະຕ່າງໄວ້ເນື້ອເຊື່ອໃຈເຊິ່ງກັນແລະກັນລະຫວ່າງສອງປະເທດຢ່າງຮອບດ້ານ.
ທ່ານເວີ່ນເຈ່ຍປາວເວົ້າວ່າ,ທັງສອງຝ່າຍຈີນມົງໂກລີໄດ້ດຳເນີນການຮ່ວມມືອັນບັງເກີດຜົນໃນຂົງເຂດຕ່າງໆ ເຊັ່ນ ການຄ້າ ການລົງທຶນແລະການຮັບເໝົາໂຄງການເປັນຕົ້ນ,ການຮ່ວມມືມີພາບອະນາຄົດອັນກວ້າງຂວາງ.ທ່ານຫວັງໃຫ້ສອງຝ່າຍຊຸກຍູ້ການຮ່ວມມືລະຫວ່າງສອງປະເທດໃນຂົງເຂດພັດທະນາພະລັງງານແລະການກໍ່ສ້າງພື້ນຖານໂຄງລ່າງເປັນຕົ້ນຢ່າງແທດເໝາະ.
ທ່ານນາມບາລິນ ເອັນເຮິບາຢາ ກ່າວວ່າ,ລັດຖະບານແລະປະຊາຊົນມົງໂກລີສະແດງຄວາມຂອບອົກຂອບໃຈນຳຝ່າຍຈີນທີ່ໄດ້ຮ່ວມມືກັບມົງໂກລີໃນການສ້າງສາເສດຖະກິດຂອງມົງໂກລີ,ຫວັງໃຫ້ເພີ່ມທະວີການຄ້າສອງຕໍ່ສອງ,ຊົມເຊີຍຝ່າຍຈີນຕັ້ງໜ້າເຂົ້າຮ່ວມການສ້າງສາໃນດ້ານຕ່າງໆຂອງມົງໂກລີ ເຊັ່ນການພັດທະນາກະສິກຳ ການລ້ຽງສັດ ການພັດທະນາ ໄຟຟ້າແລະບໍ່ແຮ່ເປັນຕົ້ນ.
|
|
