|
ທ່ານເວີນເຈ່ຍປາວກ່າວວ່າ, ຈີນຈະໃຫ້ການຊ່ອຍເຫຼືອດ້ານການສຶກສາແກ່ປະເທດພວມພັດທະນາຫຼາຍຂຶ້ນຕື່ມອີກ
cri
|
ຕາມຂ່າວCRI: ວັນທີ 28 ພະຈິກ, ກອງປະຊຸມຂັ້ນສູງກ່ຽວກັບການສຶກສາທົ່ວປວງຄັ້ງທີ5ທີ່ດຳເນີນເປັນເວລາ 3 ມື້ໄດ້ຈັດຂຶ້ນຢູ່ປັກກິ່ງ. ໃນເວລາກ່າວຄຳປາໄສທ່ານເວີນເຈ່ຍປາວ ນາຍົກລັດຖະມົນຕີຈີນກ່າວວ່າ, ຈີນຈະໃຫ້ການຊ່ອຍເຫຼືອດ້ານການສຶກສາແກ່ປະເທດພວມພັດທະນາຫຼາຍຂຶ້ນຕື່ມອີກ,ປະກອບສ່ວນຫຼາຍກວ່າເກົ່າໃນວຽກງານການສຶກສາທົ່ວປວງຊົນໂລກ.
ທ່ານເວີນເຈ່ຍປາວເວົ້າວ່າ, ອົງການຢູເນັສໂກສະຫະປະຊາຊາດຈັດເອົາແຜນການການສຶກສາທົ່ວປວງຊົນເປັນໂຄງການບູລິມະສິດ,ແມ່ນສອດຄ່ອງກັບຄວາມປາຖະໜາຂອງບັນດາປະເທດໃນໂລກແລະປະຊາຄົມໂລກ. ກອງປະຊຸມເທື່ອນີ້ມີວັດຖຸປະສົງຊຸກຍູ້ການສຶກສາທົ່ວປວງຊົນໃນຂອບເຂດທົ່ວໂລກ, ເອົາການລົບລ້າງຄວາມຖືກໜັງສືແລະການສຶກສາຊົນນະບົດເປັນຫົວຂໍ້, ໄດ້ສະແດງໃຫ້ເຫັນວ່າປະຊາຄົມໂລກເອົາໃຈໃສ່ໃນລະດັບສູງນຳການສຶກສາໃນຊົນນະບົດແລະເຂດດ້ອຍພັດທະນາ.
ກອງປະຊຸມຂັ້ນສູງກ່ຽວກັບການສຶກສາທົ່ວປວງຊົນຄັ້ງທີ5ແມ່ນຈັດຂຶ້ນຢູ່ຈີນພາຍໃຕ້ການຊຸກຍູ້ຂອງອົງການຢູເນັສໂກສະຫະປະຊາຊາດ. ສຸດທ້າຍ, ກອງປະຊຸມຈະອອກ"ປະກາດແຈ້ງການປັກກິ່ງ"ແລະ"ແຜນການເຄື່ອນໄຫວຮ່ວມ" ອອກແຮງຊຸກຍູ້ໃຫ້ວາງມາດຕະການທີ່ປະຕິບັດໄດ້ແທ້ຈິງໃນດ້ານພັດທະນາການສຶກສາທົ່ວປວງຊົນ.
|
|
