|
ໂຄສົກກະຊວງການຕ່າງປະເທດຈີນກ່າວວ່າ,ຈີນບໍ່ໄດ້ຄອບງຳອັດຕາແລກປ່ຽນເງິນຢວນຈີນ
cri
Author: zhangshuo
ຕາມຂ່າວCRI:ວັນທີ29ພະຈິກ,ຢູ່ທີ່ປັກກິ່ງ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ຈີນບໍ່ມີນະໂຍບາຍທີ່ຄອບງຳອັດຕາແລກປ່ຽນເງິນຢວນຈີນ.
ວັນທີ28ພະຈິກ,ກະຊວງການເງິນອາເມລິກາໄດ້ຍື່ນບົດລາຍງານໃຫ້ລັດຖະສະພາ,ໂດຍໄດ້ຮັບຮອງຢ່າງຄັກແນ່ອີກເທື່ອໜຶ່ງວ່າ,ລັດຖະບານຈີນບໍ່ໄດ້ຄອບງຳອັດຕາແລກປ່ຽນເງິນຢວນຈີນ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວໃນງານຊຸມນຸມນັກຂ່າວປະຈຳທີ່ຈັດຂຶ້ນໃນວັນທີ29ພະຈິກ,ທ່ານລິວຈ້ຽນຊ່າວເວົ້າວ່າ,ໃນບັນຫາອັດຕາແລກປ່ຽນເງິນຢວນຈີນ,ຈີນແມ່ນວາງນະໂຍບາຍອັດຕາແລກປ່ຽນແລະຊຸກຍູ້ການປະຕິຮູບອັດຕາແລກປ່ຽນໂດຍອີງຕາມສະພາບຕົວຈິງຂອງປະເທດຕົນແລະຢູ່ບົນຫຼັກການທີ່ມີຜົນດີຕໍ່ປະເທດຕົນແລະຕໍ່ໂລກ.
|
|
