|
ທ່ານອູປາງກົວະພົບປະທ່ານນາມບາລີນ ເອັນເຮິບາຢາ
ຕາມຂ່າວCRI:ວັນທີ29ພະຈິກ,ຢູ່ທີ່ປັກກິ່ງ,ທ່ານອູປາງກົວະ ປະທານຄະນະປະຈຳສະພາ ປະຊາຊົນແຫ່ງຊາດຈີນແລະທ່ານເຈຍຊີ້ງລີນ ປະທານສະພາປຶກສາການເມືອງແຫ່ງຊາດຈີນຕ່າງໄດ້ພົບປະທ່ານນາມບາລີນ ເອັນເຮິບາຢາ ປະທານາທິບໍດີມົງໂກລີທີ່ມາຢ້ຽມຢາມ. ຜູ້ນຳຈີນກ່າວວ່າ,ຝ່າຍຈີນຍິນດີພ້ອມກັບຝ່າຍມົງໂກລີ,ເປີດກວ້າງການສົນທະນາແລະການຮ່ວມມືກັນໃນບັນດາຂົງເຂດລະຫວ່າງສອງປະເທດ,ຍົກການພົວພັນຄູ່ຂາຖານບ້ານໃກ້ເຮືອນຄຽງແລະຕ່າງໄວ້ເນື້ອເຊື່ອໃຈກັນລະຫວ່າງຈີນກັບມົງໂກລີຂຶ້ນສູ່ລະດັບໃໝ່.
ທ່ານເຈຍຊີ້ງລີນພົບປະທ່ານນາມບາລີນ ເອັນເຮິບາຢາ
ທ່ານນາມບາລີນ ເອັນເຮິບາຢາກ່າວວ່າ,ມົງໂກລີຫວັງເພີ່ມທະວີການຮ່ວມມືກັບຈີນໃນຂົງເຂດເສດຖະກິດການຄ້າເປັນຕົ້ນ,ບັນລຸການພັດທະນາພ້ອມກັນ.
ໃນມື້ດຽວກັນ,ຈີນກັບມົງໂກລີຍັງໄດ້ອອກຖະແຫຼງການຮ່ວມ,ໂດຍກ່າວວ່າ,ຈະຊຸກຍູ້ການພົວລະຫວ່າງສອງປະເທດຂະຫຍາຍຕົວຕື່ມອີກ.ສອງຝ່າຍກ່າວລື້ມວ່າ,ຕ່າງໂຄລົບຄວາມເປັນເອກະລາດ ອະທິປະໄຕ ຜືນແຜ່ນດິນອັນຄົບຖ້ວນແລະເສັ້ນທາງພັດທະນາທີ່ຕ່າງເລືອກເອົາ,ບໍ່ເຂົ້າຮ່ວມກຸ່ມການທະຫານແລະການເມືອງໃດໆທີ່ແນໃສ່ຝ່າຍກົງກັນຂ້າມ,ບໍ່ ເຊັນສົນທິສັນຍາແລະສັນຍາທີ່ມີຜົນຮ້າຍຕໍ່ສິດແລະຜົນປະໂຫຍດຂອງຝ່າຍກົງກັນຂ້າມ. ຝ່າຍມົງໂກລີກ່າວລື້ມວ່າ,ບັນຫາໄຕ້ຫວັນແມ່ນວຽກງານພາຍໃນຂອງຈີນ,ຝ່າຍມົງໂກລີເດັດດ່ຽວປະຕິບັດຕາມນະໂຍບາຍປະເທດຈີນດຽວ,ສະໜັບສະໜູນການໂຮມຈີນເຂົ້າເປັນເອກະພາບກັນໂດຍສັນຕິ.
|
