|
ທ່ານເວີ່ນເຈ່ຍປາວຝາກໂທລະເລກອວຍພອນກອງປະຊຸມລະລຶກ"ວັນສາກົນສະໜັບສະໜູນປະຊາຊົນປາເລັສຕີນ"ຈັດຂຶ້ນ
cri
Author: cai
ຕາມໜັງສືພິມ《ເຢີນມິນຢື້ປ້າວ》:ວັນທີ 29 ພະຈິກ,ກອງປະຊຸມລະລຶກ"ວັນສາກົນສະໜັບສະໜູນປະຊາຊົນປາເລັສຕີນ"ໄດ້ໄຂຂຶ້ນຢູ່ສຳນັກງານໃຫຍ່ສະຫະປະຊາຊາດທີ່ນີວຢອກ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ຝາກໂທລະເລກອວຍພອນ.
ໃນໂທລະເລກອວຍພອນຂຽນວ່າ,ປີນີ້,ຜູ້ນຳປາເລັສຕີນກັບອິສຣາແອນໄດ້ພົບປະກັນ,ການພົວພັນລະຫວ່າງສອງຝ່າຍໄດ້ປົວແປງໃຫ້ດີຂຶ້ນຢ່າງບໍ່ຢຸດຢັ້ງ.ອິສຣາແອນຖອນອອກຈາກແຖບກາຊາແລະເຂດສ່ວນໜຶ່ງຢູ່ຝັ່ງຕາເວັນຕົກແມ່ນ້ຳຈໍແດນ,ເປັນຂີດໝາຍສະແດງໃຫ້ເຫັນວ່າ,ບັນຫາປາເລັສຕີນອິສຣາແອນໄດ້ຢ່ວງບາດກ້າວສຳຄັນໄປສູ່ທິດທີ່ຖືກຕ້ອງ.ພວກຂ້າພະເຈົ້າສະແດງຄວາມຍ້ອງຍໍຕໍ່ເລື່ອງນີ້,ຫວັງໃຫ້ປາເລັສຕີນອິສຣາແອນກຳໂອກາດໃຫ້ດີ,ປັດເຂ່ຍການລົບກວນ,ພ້ອມກັນຊຸກຍູ້ຂະບວນວິວັດສັນຕິພາບໃຫ້ຂະຫຍາຍໄປໜ້າ.ຈີນຍິນດີພ້ອມກັນກັບປະຊາຄົມໂລກ,ສືບຕໍ່ທຳຄວາມພະຍາຍາມຢ່າງບໍ່ລົດລະເພື່ອຊຸກຍູ້ໃຫ້ເຂດຕາເວັນອອກກາງມີສັນຕິພາບແລະສະຖຽນລະພາບໂດຍໄວເທົ່າທີ່ຈະໄວໄດ້.
|
|
