|
|
 |
| (GMT+08:00)
2005-11-30 17:22:29
|
 |
|
ທ່ານວາງໄຈ້ຊີຮຽກຮ້ອງໃຫ້ຊາວຈີນພົ້ນທະເລປະກອບສ່ວນເຂົ້າໃນການຕ້ານການແບ່ງແຍກໄຕ້ຫວັນເປັນເອກະລາດແລະຊຸກຍູ້ການທ້ອນໂຮມຈີນເຂົ້າເປັນເອກະພາບ
cri
ຕາມຂ່າວສານຊີນຮວາ,ວັນທີ29ພະຈິກຢູ່ນິວຢອກ,ທ່ານວາງໄຈ້ຊີຮອງຫົວໜ້າຫ້ອງການວຽກງານໄຕ້ຫວັນຂອງລັດຖະບານຈີນຮຽກຮ້ອງໃຫ້ຊາວຈີນອາໄສຢູ່ອາເມລິກາຈົ່ງປະກອບສ່ວນໃຫ້ຫຼາຍເຂົ້າໃນການຕ້ານການແບ່ງແຍກໄຕ້ຫວັນເປັນເອກະລາດແລະຊຸກຍູ້ການທ້ອນໂຮມຈີນເຂົ້າເປັນເອກະພາບ.
ທ່ານວາງໄຈ້ຊີແມ່ນກ່າວຄຳດັ່ງກ່າວໃນເວລາສົນທະນາກັບວົງການຕ່າງໆຄືວົງການຊາວຈີນຕ່າງດ້າວ,ວົງການວິຊາການເປັນຕົ້ນຢູ່ນີວຢອກໃນວັນທີ29ພະຈິກ.ທ່ານຊີ້ອອກວ່າ,ເຖິງວ່າສະເພາະໜ້ານີ້,ສະຖານະການຊ່ອງແຄບທະເລໄຕ້ຫວັນໄດ້ມີການໂຍະຍານລົງກໍ່ຕາມ,ແຕ່ຫຼັກໝັ້ນຂອງ ເຈົ້າໜ້າທີ່ໄຕ້ຫວັນທີ່ແບ່ງແຍກໄຕ້ຫວັນເປັນເອກະລາດພັດຍັງບໍ່ທັນໄດ້ປ່ຽນແປງ,ອິດທິກຳລັງແບ່ງແຍກໄຕ້ຫວັນເປັນເອກະລາດກໍ່ບໍ່ໄດ້ເຊົາການເຄື່ອນໄຫວແບ່ງແຍກຈັກເທື່ອ.ການຕ້ານແລະສະກັດກັ້ນການແບ່ງແຍກໄຕ້ຫວັນເປັນເອກະລາດຍັງແມ່ນໜ້າທີ່ສຳຄັນລາຍໜຶ່ງຂອງພີ່ນ້ອງຮ່ວມຊາດສອງຝັ່ງຊ່ອງແຄບແລະລູກຫຼານປະຊາຊາດຈີນທັງປວງໃນໄລຍະຂ້າງໜ້ານີ້.ສະນັ້ນທ່ານຈຶ່ງຮຽກຮ້ອງໃຫ້ຊາວຈີນທີ່ອາໄສຢູ່ອາເມລິກາຈົ່ງປະກອບສ່ວນໃຫ້ຫຼາຍ ເຂົ້າໃນການຕ້ານການແບ່ງແຍກໄຕ້ຫວັນເປັນເອກະລາດແລະຊຸກຍູ້ການທ້ອນໂຮມຈີນເຂົ້າເປັນເອກະພາບ.
ທ່ານວາງໄຈ້ຊີກ່າວວ່າ,ພີ່ນ້ອງຮ່ວມຊາດພົ້ນທະເລອັນກວ້າງໃຫຍ່ໄພສານແມ່ນອິດທິກຳລັງສຳຄັນທີ່ຂະຫຍາຍການພົວພັນສອງຝັ່ງຊ່ອງແຄບແລະຊຸກຍູ້ການທ້ອນໂຮມປະເທດຊາດເຂົ້າເປັນເອກະພາບກັນ.
|
|
|
