|
|
 |
| (GMT+08:00)
2005-11-30 18:49:31
|
 |
|
ທ່ານຈາງອີສານຕາງໜ້າອົງການຮ່ວມມືຊຽງໄຮ້ອະທິບາຍຫຼັກໝັ້ນໃນບັນຫາອັຟການີສະຖານ
cri
ຕາມຂ່າວcri,ວັນທີ29ພະຈິກ,ໃນເວລາສະມັດຊາໃຫຍ່ສະຫະປະຊາຊາດຄັ້ງທີ60ພິຈາລະນາຫົວຂໍ້ອັຟການີສະຖານ,ທ່ານຈາງອີສານ ຮອງເອກອັກຄະລັດຖະທູດຈີນປະຈຳອົງການສະຫະປະຊາຊາດໄດ້ຕາງໜ້າອົງການຮ່ວມມືຊຽງໄຮ້ກ່າວຄຳປາໄສ,ອະທິບາຍຫຼັກໝັ້ນທີ່ກ່ຽວຂ້ອງ.
ທ່ານຈາງອີສານກ່າວວ່າ,ອັຟການີສະຖານບັນລຸສັນຕິພາບ,ສະຖຽນລະພາບແລະການພັດທະນາສອດຄ່ອງກັບຜົນປະໂຫຍດຂອງປະຊາຊົນອັຟການີສະຖານ,ກໍ່ສອດຄ່ອງກັບຜົນປະໂຫຍດຮ່ວມຂອງບັນດາປະເທດໃນພາກພຶ້ນແຫ່ງນີ້ແລະທົ່ວໂລກ.ປະຊາຄົມໂລກຄວນເຄົາລົບອະທິປະໄຕແລະຜືນແຜ່ນດິນອັນຄົບຖ້ວນ ຄວາມເປັນເອກະພາບແຫ່ງຊາດຂອງອັຟການີສະຖານ,ເຄົາລົບລະບອບສັງຄົມແລະເບົ້າແບບພັດທະນາທີ່ປະຊາຊົນອັຟການີສະຖານເລືອກເອົາໂດຍເປັນເຈົ້າຕົນເອງ,ບໍ່ແຊກແຊງວຽກງານພາຍໃນຂອງອັຟການີສະຖານ.ສະຫະພັນຕ້ານການກໍ່ການຮ້າຍສາກົນຄວນຮ່ວມມືກັບລັດຖະບານອັຟການີສະຖານຢ່າງສະໜິດແໜ້ນ,ເຮັດວຽກຕາມສິດທີ່ສະພາຄວາມໝັ້ນຄົງສະຫະປະຊາຊາດມອບໃຫ້,ແລະຕ້ອງໄດ້ຮັບຄວາມເຫັນດີຂອງອຳນາດການປົກຄອງທີ່ຊອບກົດໝາຍຂອງອັຟການີສະຖານ.
ທ່ານຈາງອີສານຍັງຊີ້ອອກວ່າ,ອັຟການີສະຖານຖ້າຢາກບັນລຸສັນຕິພາບຖາວອນແລະເສດຖະກິດສັງຄົມພັດທະນາຢ່າງຮອບດ້ານ,ກໍ່ຕ້ອງສ້າງສາອັຟການີສະຖານໃຫ້ມີສະຖຽນລະພາບ,ສ້າງສະພາບແວດລ້ອມອ້ອມຂ້າງທີ່ມີໄມຕິຈິດແລະການຮ່ວມມື,ແລະສືບຕໍ່ສະແຫວງຫາຄວາມສະໜັບສະໜູນແລະການຊ່ອຍເຫຼືອຂອງປະຊາຄົມໂລກທີ່ນຳພາໂດຍອົງການສະຫະປະຊາຊາດ
|
|
|
