|
|
 |
| (GMT+08:00)
2005-11-30 19:02:49
|
 |
|
ຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າຈະອອກແຮງສຸດຂີດບໍ່ໃຫ້ການເຊື່ອມພິດແມ່ນ້ຳຊົ່ງຮວ່າຂ້າມຊາຍແດນ
cri
ຕາມຂ່າວສານຊີນຮວາ,ວັນທີ30ພະຈິກຢູ່ປັກກິ່ງ,ທ່ານເຊ້ເຈີ້ນຮວາ ຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າ,ຈະອອກແຮງຄວບຄຸມການເຊື່ອມພິດແມ່ນ້ຳຊົ່ງຮວ່າຢູ່ພາຍໃນເຂດແດນຈີນ,ໃຊ້ທຸກວິທີຫຼຸດຜົນເສຍຫາຍແລະຜົນສະທ້ອນທາງລົບໃຫ້ລົງຮອດລະດັບຕ່ຳສຸດ.
ທ່ານເຊ້ເຈີ້ຮວາກ່າວວ່າ,ເຫດການແມ່ນ້ຳຊົ່ງຮວ່າຖືກເຊື່ອມພິດກ່ຽວພັນເຖິງຄວາມປອດໄພນ້ຳກິນຂອງປະຊາຊົນສອງຊາດຈີນລັດເຊຍ,ຕ້ອງຕິດຕາມກວດກາປ້ອງກັນແລະຄວບຄຸມສິ່ງເຊື່ອມພິດແລະການປະເມີນຊີວະພາບແລະວຽກປົວແປງຄືນໃໝ່ດ້ວຍທ່າທີຮັບຜິດຊອບຕໍ່ປະຊາຊົນ,ຮັບຜິດຊອບຕໍ່ປະເທດໃກ້ຄຽງ,ຮັບຜິດຊອບຕໍ່ສະພາບແວດລ້ອມຊີວະພາບ.
ກົມໃຫຍ່ອະນຸລັກສິ່ງແວດລ້ອມໄດ້ແຈ້ງບັນຊີສານເຊື່ອມພິດໃນແມ່ນ້ຳຊົ່ງຮວ່າໃຫ້ສະຖານທູດລັດເຊຍປະຈຳຈີນຊາບໃນວັນທີ29ພະຈິກ.
ນອກນີ້,ຕາມໄດ້ຊາບ,ນະຄອນຮາບີນພາກຕາເວັນອອກສຽງເໜືອຂອງຈີນທີ່ຖືກຜົນກະທົບແຫ່ງການເຊື່ອມພິດແມ່ນ້ຳຊົ່ງຮວ່າຂ້ອນຂ້າງຫຼາຍໄດ້ຟື້ນຟູການສະໜອງນ້ຳປະປາຢ່າງເປັນປົກກະຕິໃນຂັ້ນພື້ນຖານ,ແລະທາດນ້ຳໄດ້ບັນລຸມາດຖານນ້ຳກິນທີ່ລັດຖະບານກຳນົດ.ວັນທີ30ນັກຮຽນປະຖົມແລະມັດທະຍົມ4ແສນຄົນຢູ່ນະຄອນຮາບີນໄດ້ຟື້ນຟູການຮຽນຕາມເວລາກຳນົດ.ວິສາຫະກິດທີ່ຈຳເປັນຕ້ອງຫຼຸດຜະລິດຜົນຫຼືຢຸດຜະລິດຜົນຍ້ອນນະຄອນຮາບີນຢຸດການສະໜອງນ້ຳປະປາກໍ່ໄດ້ທະຍອຍກັນຟື້ນຟູການຜະລິດຜົນໃນຫວ່າງມໍ່ໆນີ້.
ປັດຈຸບັນ,ສິ່ງເຊື່ອມພິດຂຸ້ນໃນແມ່ນ້ຳຊົ່ງຮວ່າພວມໄຫຼໄປຍ່ານໃຕ້.
|
|
|
