|
ຮອງລັດຖະມົນຕີກະຊວງການຕ່າງປະເທດຈີນໄດ້ສະເໜີການຕໍ່ວ່າຕໍ່ຂານຕໍ່ມາເລເຊຍກ່ຽວກັບເຫດການທີ່ພົນລະເມືອງຈີນຖືກທຳຮ້າຍຢູ່ມາເລເຊຍ
cri
ຕາມຂ່າວCRI:ວັນທີ30ພະຈິກ,ຢູ່ທີ່ປັກກິ່ງ,ທ່ານອູຕ້າເຫວີຍ ຮອງລັດຖະມົນຕີກະຊວງການຕ່າງປະເທດຈີນໄດ້ນັດພົບທ່ານແຊດ ໂນລູຊາມານ ເອກອັກຄະລັດຖະທູດມາເລເຊຍປະຈຳຈີນ,ສະເໜີການຕໍ່ວ່າຕໍ່ຂານຢ່າງເຂັ້ມງວດຢູ່ມາເລເຊຍ ໄດ້ເກີດເຫດການພົນລະເມືອງຈີນຖືກຢຽດຫຍາມແລະທຳຮ້າຍຢ່າງລຽນຕິດ.
ທ່ານອູຕ້າເຫວີຍກ່າວວ່າ,ລັດຖະບານຈີນສຸດທິເອົາໃຈໃສ່ນຳການປົກປັກຮັກສາກຽດສັກສີແລະຄວາມປອດໄພຂອງພົນລະເມືອງຈີນ,ທວງໃຫ້ຝ່າຍມາເລເຊຍສືບສວນຕັດສິນຄະດີທີ່ກ່ຽວ ຂ້ອງດ້ວຍທ່າທີເອົາຈິງເອົາຈັງແລະຮັບຜິດຊອບ,ແລະໃຊ້ມາດຕະການທີ່ຕິດແທດຕົວຈິງແລະບັງເກີດຜົນ,ຫຼີກເວັ້ນບໍ່ໃຫ້ເຫດການຄ້າຍຄືກັນນີ້ເກີດຂຶ້ນອີກ.
ທ່ານແຊດ ໂນລູຊາມານກ່າວວ່າ,ລັດຖະບານແລະບຸກຄົນວົງການຕ່າງໆຂອງມາເລເຊຍ ລ້ວນແຕ່ຮູ້ສຶກຕື່ນເຕັ້ນໃຈຕໍ່ການເກີດເຫດການຮ້າຍແຮງດັ່ງກ່າວ,ທ່ານນາຍົກລັດຖະມົນຕີບາດາວີໄດ້ມີການຊີ້ແຈ້ງຢ່າງແຈ່ມແຈ້ງຕໍ່ການຊຳລະຄະດີ,ລັດຖະບານມາເລເຊຍຈະສືບສວນຕັດສິນເຫດການຢ່າງເຂັ້ມງວດ.ລັດຖະບານມາເລເຊຍເອົາໃຈໃສ່ໃນລະດັບສູງຕໍ່ການພົວພັນມາເລເຊຍຈີນ,ຫວັງໃຫ້ການຮ່ວມມືທີ່ມີໄມຕີຈິດລະຫວ່າງສອງປະເທດບໍ່ຖືກກະທົບກະເທືອນ.
|
|
