|
|
 |
| (GMT+08:00)
2005-12-01 14:20:34
|
 |
|
ຜູ້ນຳຈີນຝາກໂທລະເລກອວຍພອນວັນຊາດລາວຄົບຮອບ 30 ປີ
cri
Author: da
ຕາມຂ່າວCRI: ວັນທີ 2 ທັນວາແມ່ນວັນຊາດລາວ. ວັນທີ 1 ທັນວາ,ທ່ານຫູຈິນທາວ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນ,ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນແລະທ່ານເວີນເຈຍປາວ ນາຍົກລັດຖະມົນຕີຈີນຕ່າງໄດ້ຝາກໂທລະເລກໄປຍັງທ່ານຄຳໄຕ ສີພັນດອນ ປະທານຄະນະກຳມະການສູນກາງພັກປະຊາຊົນປະຕິວັດລາວ ປະທານປະເທດລາວ,ທ່ານສະໝານ ວິຍາເກດ ປະທານສະພາແຫ່ງຊາດລາວແລະທ່ານບຸນຍັນ ວໍລະຈິດ ນາຍົກລັດຖະມົນຕີລາວ, ອວຍພອນວັນຊາດລາວຄົບຮອບ 30 ປີ.
ໂທລະເລກອວຍພອນຂຽນວ່າ,ໃຕ້ການນຳພາຂອງພັກປະຊາຊົນປະຕິວັດລາວ,ປະຊາຊົນລາວໄດ້ຮັບຜົນສຳເລັດໃໝ່ຢ່າງບໍ່ຢຸດຢັ້ງໃນພາລະກິດສ້າງສາປະເທດແລະປ່ຽນແປງໃໝ່ໄຂປະຕູສູ່ພາຍນອກ. ສັງຄົມການເມືອງໝັ້ນທ່ຽງ,ເສດຖະກິດພັດທະນາຢ່າງຕໍ່ເນື່ອງ,ຊີວິດການເປັນຢູ່ຂອງປະຊາຊົນຮັບການປົວແປງໃຫ້ດີຂຶ້ນຢ່າງບໍ່ຢຸດຢັ້ງ,ຖານະສາກົນນັບມື້ນັບສູງຂຶ້ນ,ປະຊາຊົນຈີນຮູ້ສຶກປິຕິຊົມຊື່ນດ້ວຍຄວາມຈິງໃຈ.
ໂທລະເລກອວຍພອນຂຽນວ່າ,ຈີນຍິນດີພ້ອມກັນຝ່າຍລາວ,ລົງເລິກຮ່ວມມືກັນທີ່ຕ່າງຝ່າຍຕ່າງມີຜົນປະໂຫຍດ,ຊຸກຍູ້ການພົວພັນຮ່ວມມືຮອບດ້ານລະຫວ່າງຈີນ ລາວຂະຫຍາຍຕົວລົງສູ່ລວງເລິກຢ່າງບໍ່ຢຸດຢັ້ງ.
ມື້ດຽວກັນ,ທ່ານຫຼີຈ້າວຊິງ ລັດຖະມົນຕີການຕ່າງປະເທດຈີນກໍໄດ້ຝາກໂທລະເລກອວຍພອນໄປຍັງທ່ານສົມສະຫວາດ ເລັ່ງສະຫວັດ ລັດຖະມົນຕີການຕ່າງປະເທດລາວ.
|
|
|
