|
|
 |
| (GMT+08:00)
2005-12-01 15:01:14
|
 |
|
ໃນ 3 ໄຕມາດຕົ້ນປີນີ້ ຈີນລົງທຶນຢູ່ຕ່າງປະເທດໂດຍກົງເພີ່ມຂຶ້ນຢ່າງຫຼວງຫຼາຍ
cri
Author: da
ຕາມຂ່າວCRI: ສະຖິຕິຫຼ້າສຸດຂອງກະຊວງການຄ້າຈີນສະແດງໃຫ້ເຫັນວ່າ, ໃນ 3 ໄຕມາດຕົ້ນປີນີ້ ຈີນລົງທຶນຢູ່ຕ່າງປະເທດໂດຍກົງໄດ້ເພີ່ມຂຶ້ນຢ່າງວ່ອງໄວ,ຫຼາຍກວ່າເວລາດຽວກັນໃນປີກາຍ 138%,ບັນລຸ 5 ຕື້ 100 ລ້ານໂດລາສະຫະລັດ.
ການຈຳແນກຕົວເລກສະແດງໃຫ້ເຫັນວ່າ, ໃນ 3 ໄຕມາດຕົ້ນປີນີ້ ໂຄງການຂະໜາດໃຫຍ່ທີ່ຈີນລົງທຶນຢູ່ຕ່າງປະເທດໂດຍກົງໄດ້ເພີ່ມຂຶ້ນຢ່າງບໍ່ຢຸດຢັ້ງ,ມີເຕັກນິກສູງຂຶ້ນຢ່າງເດັ່ນຊັດ.ຂະແໜງການລົງທຶນຕົ້ນຕໍກວມເຖິງຂະແໜງການສື່ຂ່າວ ຂະແໜງການບໍລິການຄອມພິວເຕີ ການປຸງແຕ່ງ ຂະແໜງການອຸດສາຫະກຳບໍ່ແຮ່ແລະຂະແໜງການບໍລິການການຄ້າເປັນຕົ້ນ.
ສະຖິຕິສະແດງໃຫ້ເຫັນວ່າ,ປະຈຸບັນ ວິສາຫະກິດຊະນິດຕ່າງໆຂອງຈີນທີ່ການລົງທຶນແລະທຸລະກິດຢູ່ນອກແດນຈີນມີ 3 ໝື່ນກວ່າແຫ່ງ,ຈໍ່ຕົວເປັນບໍລິສັດຂ້າມຊາດທີ່ມີກຳລັງແຂງແຮງງວດໜຶ່ງ. ວິສາຫະກິດເຫຼົ່ານີ້ໄດ້ປະກອບສ່ວນສຳຄັນເຂົ້າໃນການພັດທະນາເສດຖະກິດຂອງປະເທດທີ່ຖືກລົງທຶນ. ຝ່າຍທາງການຂອງຈີນຄາດຄະເນວ່າ,ໃນ 5 ປີຂ້າງໜ້າ,ຈີນຈະລົງທຶນຢູ່ຕ່າງປະເທດໂດຍກົງນັ້ນ ນັບລວມເຂົ້າກັນແລ້ວ ຈະຫຼາຍກວ່າ 60 ຕື້ໂດລາສະຫະລັດ.
|
|
|
