|
|
 |
| (GMT+08:00)
2005-12-01 22:38:33
|
 |
|
ເຄືອຂ່າຍວິທະຍຸໂທລະພາບມີສາຍຫວຽດນາມຮັບລາຍການໂທລະພາບທ້ອງຖິ່ນຂອງຈີນເປັນຄັ້ງທຳອິດ
cri
ຕາມຂ່າວສານຈີນ,ຫວ່າງມໍ່ໆນີ້,ລາຍການໂທລະພາບຂອງໂທລະພາບດາວທຽມຢຸນນານຈີນໄດ້ເລີ່ມ ອອກອາກາດຢ່າງເປັນທາງການໃນເຄືອຂ່າຍວິທະຍຸໂທລະພາບມີສາຍຂອງນະຄອນຮ່າໂນ້ຍແຫ່ງຫວຽດນາມ.ເຈົ້າໜ້າທີ່ຊັ້ນສູງຂອງແຂວງຢຸນນານທີ່ແປະກັບຫວຽດນາມກ່າວວ່າ,ຢຸນນານໄດ້ກາຍເປັນແຂວງທຳອິດຂອງຈີນທີ່ເຂົ້າສູ່ເຄືອຂ່າຍໂທລະພາບມີສາຍຂອງປະເທດອາຊຽນ.
ໃນພິທີອອກອາກາດ,ທ່ານຊີຈ້ຽນກົວ ເອກອັກຄະລັດຖະທູດຈີນປະຈຳຫວຽດນາມກ່າວວ່າ,ລາຍການໂທລະພາບດາວທຽມຢຸນນານເຂົ້າຮ່າໂນ້ຍເທື່ອນີ້,ຈະເພີ່ມຄວາມເຂົ້າໃຈກັນລະຫວ່າງປະຊາຊົນຢຸນນານກັບຫວຽດນາມ ເພີ່ມທະວີມິດຕະພາບລະຫວ່າງປະຊາຊົນສອງປະເທດຕື່ມອີກ,ແລະໂຄສະນາແຂວງຢຸນນານໃຫ້ດີກວ່າເກົ່າ.
ທ່ານຫງວຽນວຽດຮັງ ຫົວໜ້າວິທະຍຸໂທລະພາບຮ່າໂນ້ຍກ່າວວ່າ,ຜູ້ຊົມ ຫວຽດນາມມັກເບິ່ງລາຍການໂທລະພາບຂອງຈີນທີ່ສຸດ,ໂທລະພາບຮ່າໂນ້ຍເຄີຍອອກອາກາດລາຍການທ່ຽວຢຸນນານທີ່ຖ່າຍທຳໂດຍໂທລະພາບແຂວງຢຸນນານ,ໄດ້ຮັບຄວາມນິຍົມຊົມຊອບຈາກຜູ້ຊົມຮ່າໂນ້ຍຫຼາຍ.
|
|
|
