|
|
 |
| (GMT+08:00)
2005-12-01 23:02:59
|
 |
|
ປີໜ້າຈີນຈະສືບຕໍ່ສະແຫວງຫາໃຫ້ເສດຖະກິດເຕີບໂຕຂຶ້ນຢ່າງໜັກແໜ້ນແລະອ່າວໄວ
cri
|
ທ່ານຫູຈິນທ່າວກ່າວຄຳປາໄສໃນກອງປະຊຸມ
ຕາມຂ່າວCRI,ປີໜ້າ,ຈີນຈະສືບຕໍ່ຍຶດໝັ້ນຄວາມສືບເນື່ອງແລະຄວາມໝັ້ນທ່ຽງຂອງນະໂຍບາຍເສດຖະກິດມະຫາພາກ,ເຮັດໃຫ້ເສດຖະກິດຮັກສາການເຕີບໂຕຢ່າງໜັກແໜ້ນແລະອ່າວໄວ.
ນີ້ແມ່ນນັກຂ່າວໄດ້ຊາບຈາກກອງປະຊຸມວຽກງານເສດຖະກິດສູນກາງທີ່ອັດລົງຢູ່ທີ່ປັກກິ່ງໃນວັນທີ1ທັນວາ.ກອງປະຊຸມເທື່ອນີ້ແມ່ນສູນກາງພັກກອມມູນິດຈີນແລະຄະນະລັດຖະບານຈີນເປັນປະທານຈັດຂຶ້ນ.ທ່ານຫູຈິນທ່າວ ເລຂາທິການໃຫຍ່ສູນກາງພັກກອມມູນິດຈີນ,ທ່ານເວິນເຈຍປາວ ນາຍົກລັດຖະມົນຕີຈີນຕ່າງໄດ້ກ່າວຄຳປາໄສໃນກອງປະຊຸມ,ໄດ້ວາງຄາດໝາຍອັນແຈ່ມແຈ້ງຕໍ່ແລວຄວາມຄິດແຫ່ງການພັດທະນາເສດຖະກິດໃນປີໜ້າ.
ກອງປະຊຸມຊີ້ອອກວ່າ,ປີໜ້າ,ຈີນຈະຍຶດໝັ້ນປະຕິບັດນະໂຍບາຍການເງິນແລະນະໂຍບາຍເງິນຕາທີ່ໝັ້ນທ່ຽງ,ສືບຕໍ່ເພີ່ມທະວີແລະປົວແປງການດັດສົມຄວບຄຸມມະຫາພາກໃຫ້ສົມບູນຂຶ້ນ,ຖືການເພີ່ມທະວີການບໍລິໂພກຂອງໄທເມືອງໂດຍສະເພາະແມ່ນຊາວກະສິກອນເປັນຈຸດໜັກແຫ່ງການເປີດກວ້າງຄວາມຕ້ອງການດ້ານບໍລິໂພກ,ພ້ອມກັນນັ້ນ,ອອກແຮງປະຢັດຊັບພະຍາກອນພະລັງງານ,ເພີ່ມທະວີການປົວແປງການເຊື່ອມພິດແລະການອະນຸລັກຊີວະພາບ.ກອງປະຊຸມຍັງກ່າວເນັ້ນວ່າ,ຕ້ອງຍຶດໝັ້ນຖືການພັດທະນາເສດຖະກິດຊົນນະບົດເປັນໜ້າທີ່ໃຈກາງ,ສຸມກຳລັງແກ້ໄຂບັນຫາຕົວຈິງທີ່ຮີບດ່ວນກວ່າໝູ່ໃນຊີວິດການເປັນຢູ່ແລະການຜະລິດຂອງຊາວກະສິກອນອັນໄພສານ.
ຈີນຍັງຈະເຮັດໃຫ້ເຂດພັດທະນາເພີ່ມການຊ່ອຍເຫຼືອແລະການສະໜັບສະໜູນເຂດດ້ອຍພັດທະນາຕື່ມອີກ,ຍົກລະດັບໄຂປະຕູສູ່ພາຍນອກໃຫ້ສູງຂຶ້ນຕື່ມອີກ,ອອກແຮງແກ້ໄຂບັນຫາກ່ຽວກັບຜົນປະໂຫຍດຕິດຕົວຂອງປະຊາຊົນເຊັ່ນການປະກອບອາຊີບ,ການສຶກສາ,ການປິ່ນປົວພະຍາດແລະການປະກັນສັງຄົມເປັນຕົ້ນ.
|
|
|
