|
ນາຍົກລັດຖະມົນຕີນຈີນເຢຍລະມັນເປັນເອກະສັນກັນກ່າວວ່າຈະຊຸກຍູ້ການພົວພັນຂອງສອງປະເທດໃຫ້ຂະຫຍາຍຕົວຢ່າງບໍ່ຢຸດຢັ້ງ
cri
ຕາມຂ່າວສານຊີນຮວາ,ຕອນຄ່ຳວັນທີ1ທັນວາ,ທ່ານເວີ່ນເຈຍປາວ ນາຍົກລັດຖະມົນຕີຈີນໄດ້ໂທລະສັບລົມກັບທ່ານນາງເມີເກນນາຍົກລັດຖະ ມົນຕີເຢຍລະມັນ,ຊົມເຊີຍທ່ານນາງຂຶ້ນດຳລົງຕຳແໜ່ງນາຍົກເຢຍລະມັນແລະແລກປ່ຽນຄວາມຄິດຄວາມເຫັນກ່ຽວກັບການເສີມສ້າງການພົວພັນໄມຕິຈິດຮ່ວມມືລະຫວ່າງຈີນເຢຍລະມັນຕື່ມອີກ.ສອງຝ່າຍເປັນເອກະສັນກັນກ່າວວ່າຈະພ້ອມກັນພະຍາຍາມຊຸກຍູ້ການພົວພັນຈີນເຢຍລະມັນໃຫ້ຂະຫຍາຍຕົວຢ່າງບໍ່ຢຸດຢັ້ງ.
ທ່ານເວີ່ນເຈຍປາວກ່າວລື້ມວ່າ,ລັດຖະບານຈີນຈະເອົາໃຈໃສ່ນຳການຂະຫຍາຍການພົວພັນກັບເຢຍລະມັນຄືແຕ່ເກົ່າເມືອຫຼັງ.ທ່ານຫວັງໃຫ້ຂັ້ນສູງຂອງສອງຝ່າຍຮັກສາການໄປມາຫາສູ່ກັນ,ເພີ່ມທະວີການສົນທະນາແລະປຶກສາຫາລືກັນທາງການເມືອງ,ຕັ້ງໜ້າຊຸກຍູ້ການຮ່ວມມືຂອງສອງປະເທດໃນຂົງເຂດເສດຖະກິດການຄ້າ,ເຕັກນິກວິທະຍາສາດ,ການສຶກສາ, ວັດທະນະທຳແລະອະນຸລັກສິ່ງແວດລ້ອມເປັນຕົ້ນ.
ທ່ານນາງເມີເກນກ່າວເນັ້ນວ່າ,ລັດຖະບານຊຸດໃໝ່ຂອງເຢຍລະມັນປະຕິບັດນະໂຍບາຍຈີນດຽວຢ່າງໝັ້ນໜຽວ,ຫວັງຢາກເດີນຕາມໂຄຈອນທີ່ການພົວພັນເຢຍລະມັນຈີນຂະຫຍາຍຕົວຢ່າງສະດວກໃນຫຼາຍປີມານີ້,ເປີດກວ້າງແລະລົງເລິກການຮ່ວມມືກັບຈີນໃນທຸກຂົງເຂດຢ່າງບໍ່ຢຸດຢັ້ງ.
|
|
