|
ຕີມໍຕາເວັນອອກຫວັງເຂົ້າຮ່ວມອາຊຽນພາຍໃນຫ້າປີ
cri
Author: zhangshuo
ຕາມຂ່າວສານຊິນຮວາ:ວັນທີ2ທັນວາ,ຢູ່ທີ່ກົວລາລຳເປີ ນະຄອນຫຼວງມາເລເຊຍ,ເຈົ້າໜ້າທີ່ຕີມໍຕາເວັນອອກເວົ້າວ່າ,ຕີມໍຕາເວັນອອກຫວັງເຂົ້າຮ່ວມອາຊຽນພາຍໃນຫ້າປີ.
ອຸປະທູດຊົ່ວຄາວຕີມໍຕາເວັນອອກປະຈຳມາເລເຊຍເວົ້າວ່າ,ປະຈຸບັນນີ້ຕີມໍຕາເວັນອອກພຽງແຕ່ແມ່ນ"ປະເທດແຂກຜູ້ມີກຽດ"ຂອງອາຊຽນເທົ່ານັ້ນ,ຫວັງກາຍເປັນປະເທດນັກສັງເກດການຂອງອາຊຽນໃນໄວໆນີ້,ແລ້ວພະຍາຍາມກາຍເປັນສະມາຊິກທາງການຂອງອາຊຽນ.ທ່ານເວົ້າວ່າ,ດຽວນີ້,ຕີມໍຕາເວັນອອກຍັງບໍ່ໄດ້ຕັ້ງສະຖານທູດຢູ່ປະເທດພາຄີທັງໝົດຂອງອາຊຽນ,ການຕັ້ງສະຖານທູດແມ່ນເງື່ອນໄຂຕົ້ນຕໍອັນໜຶ່ງແຫ່ງການເຂົ້າຮ່ວມອາຊຽນ.ທ່ານກ່າວວ່າ,ເຊື່ອວ່າ,ເມື່ອຕີມໍຕາເວັນອອກເຂົ້າຮ່ວມອາຊຽນແລ້ວ,ຍ່ອມຈະໄດ້ຮັບຜົນປະໂຫຍດຈາກແຜນການພັດທະນາເສດຖະກິດແລະສັງຄົມຂອງອາຊຽນ.
|
|
