|
|
 |
| (GMT+08:00)
2005-12-05 09:03:25
|
 |
|
ລາຍການພິເສດເນື່ອງໃນໂອກາດວັນຊາດລາວ(ສຽງ)
cri
Author: zhangshuo
|
ທີ່ນີ້ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ້ຟັງທີ່ໂຄລົບ,ຊົມເຊີຍທ່ານຮັບຟັງລາຍ ການນັດພົບໃນວັນອາທິດ.ມື້ນີ້ແມ່ນວັນທີ4ທັນວາ,ກົງກັບມື້ທີສາມຂອງມື້ພັກວັນຊາດລາວ.ທ່ານຜູ້ຟັງທັງຫຼາຍຍັງຢູ່ທ່າມກາງບັນຍາກາດມ່ວນຊື່ນເບີກບານ.ໃນລາຍການພາກນີ້,ຂ້າ ພະເຈົ້າໄດ້ເລືອກເອົາເພງພື້ນເມືອງຈີນປະມວນໜຶ່ງທີ່ທ່ານຜູ້ຟັງທັງຫຼາຍຂຽນຈົດໝາຍມາວ່າມັກຟັງທີ່ສຸດໃນລາຍການພາກກ່ອນ,ຫວັງວ່າທ່ານຄົງຈະມັກ.
ກ່ອນອື່ນເຊີນຟັງເພງ "ອ່າລ່າມູ້ຮ້ານ" ເພງພື້ນເມືອງເຜົ່າເວີຍຫວູເອີ.ອ່າລ່າມູ້ຮ້ານແມ່ນຊື່ຂອງນາງສາວເຜົ່າເວີຍຫວູເອີຜູ້ໜຶ່ງ.ເພງນີ້ໄດ້ສັນລະເສີນນາງອ່າລ່າມູ້ຮ້ານ ຜູ້ສາວທີ່ງາມປານດອກໄມ້ແລະສະແດງຄວາມຮັກແພງຕໍ່ນາງດ້ວຍທຳນອງເພງທີ່ມ່ວນຊື່ນແລະຄວາມເວົ້າທີ່ຊວນຫົວ.
ໃນເພງພື້ນເມືອງເຜົ່າເວີຍຫວູເອີອັນມະຫາສານ,ມີເພງຮັກຫຼາຍກວ່າເພິ່ນ.ເພງເຫຼົ່ານີ້ໄດ້ສະແດງໃຫ້ເຫັນຍິງຊາຍເຜົ່າເວີຍຫວູເອີມີຄວາມຊື່ສັດຕໍ່ຄວາມຮັກຫາອັນປຽບບໍ່ໄດ້ແລະການສະແຫວງຫາຄວາມຮັກຢ່າງຟົດຟື້ນ.ຕໍ່ໄປ,ເຊີນຟັງເພງ "ຢູ່ເທິງທ້ອງຟ້າຂອງເຈົ້າມີດວງຈັນບໍ່" ເຊິ່ງເປັນເພງຮັກທີ່ມີຊື່ສຽງເພງໜຶ່ງຂອງເຜົ່າເວີຍຫວູເອີ.ເພງນີ້ມີທຳນອງອ່ອນໂຍນອອນຊອນ,ໄດ້ສະແດງຄູ່ຮັກສອງຄົນໂອ້ລົມກັນຢ່າງສະໜິດສະໜົມ.
ຊາວເຜົ່າເກົາຫຼີຂອງຈີນສ່ວນຫຼາຍຕັ້ງພູມລຳເນົາຢູ່ພາກຕາເວັນອອກສຽງເໜືອຂອງຈີນ,ພວກເຂົາເຈົ້າຊ່າງຮ້ອງເພງຊ່າງຟ້ອນຊ່າງລຳ,ມີເພງພື້ນເມືອງທີ່ໜ້າຟັງຈຳນວນຫຼວງຫຼາຍ. ເພງ "ໂດລ່າຈີ່" ແມ່ນເພງທີ່ປະຊາຊົນຈີນຊົນເຜົ່າຕ່າງໆນິຍົມຫຼາຍ. "ໂດລ່າຈີ່"ແມ່ນຜັກປ່າຊະນິດໜຶ່ງທີ່ຊາວເຜົ່າເກົາຫຼີມັກກິນ.ເພງນີ້ມີທຳນອງຫຼ່ຽນໄຫຼມ່ວນຊື່ນ, ຈັງຫວະເໝາະສຳ ລັບຟ້ອນ,ສະແດງພາບທີ່ປະຊາຊົນເຜົ່າເກົາຫຼີຂອງຈີນອອກແຮງງານຢ່າງເບີກບານມ່ວນຊື່ນ.ຕໍ່ໄປເຊີນຟັງເພງ "ໂດລ່າຈີ່" ທີ່ຂັບຮ້ອງໂດຍຄະນະຮ້ອງຮວມໝູ່ສຽວຈົ້ງ.
ເພງພື້ນເມືອງທຳນອງຍາວແມ່ນເພງພື້ນເມືອງເຜົ່າມົງໂກທາງພາກເໜືອຂອງຈີນທີ່ມີລັກສະນະຕົວແທນທີ່ສຸດ,ມີທຳນອງແກ່ສຽງຍາວໆ,ຈັງຫວະຕາມໃຈ,ມີກິ່ນອາຍທົ່ງຫຍ້າອັນ ເຂັ້ມຂຸ້ນ. "ເພງລ້ຽງສັດ"ແມ່ນເພງທີ່ຊາວມົງໂກມັກຮ້ອງທີ່ສຸດ,ມັນໄດ້ບັນລະຍາຍພາບວິວ ທົ່ງຫຍ້າອັນກວ້າງໃຫຍ່ໄພສານຂອງເຂດມົງໂກໃນຈີນ,ເຊິ່ງສະແດງໃຫ້ເຫັນຄວາມຮັກ ແພງຕໍ່ບ້ານເກີດເມືອງນອນຂອງຊາວລ້ຽງສັດ.
ສຸດທ້າຍ,ເຊີນຟັງເພງ "ເພງຟ້ອນເດັດໃບຊາ".ເພງນີ້ແມ່ນເພງພື້ນເມືອງທີ່ນິຍົມກັນຢູ່ແຂວງເຈີ້ຈ່ຽງທາງພາກຕາເວັນອອກຂອງຈີນ,ເພງນີ້ມີທຳນອງທີ່ມ່ວນຊື່ນ,ໄດ້ສະແດງໃຫ້ເຫັນພາບທີ່ນາງສາວທັງຫຼາຍທັງເດັດໃບຊາຕາມພູ,ທັງຮ້ອງເພງໄປນຳຢ່າງມ່ວນຊື່ນ.ເນື້ອຮ້ອງມີຢູ່ວ່າ: "ນ້ຳຫ້ວຍໃສສະອາດ ໄຫຼລິດໆຢູ່ບໍ່ເຊົາ,ສອງຝັ່ງນ້ຳຫ້ວຍຂຸ້ນເດັດຊາ.ທັງໄວທັງໄດ້ຫຼາຍ,ຊາລົງຈິງ ປີໃດກໍເດັດໄດ້ຫຼາຍ."
ທ່ານຜູ້ຟັງທີ່ໂຄລົບ,ລາຍການນັດພົບໃນວັນອາທິດພາກນີ້ຂໍສ້ຽງສຸດລົງພຽງທໍ່ນີ້,ຂອບໃຈທ່ານທີ່ຮັບຟັງ,ຂໍອວຍພອນທ່ານຜູ້ຟັງທັງຫຼາຍຈົ່ງມີຄວາມມ່ວນຊື່ນເບີກບານໃນໄລຍະວັນພັກວັນຊາດລາວ,ແລະຂໍອວຍພອນສປປລາວນັບມື້ນັບຈະເລີນຮຸ່ງເຮືອງຂຶ້ນເລື່ອຍໆ.ສະ ບາຍດີ.
|
|
|
