ຜູ້ວ່າການເຂດບໍລິຫານພິເສດຮົງກົງກ່າວວ່າ ມີຄວາມໝັ້ນໃຈຈັດກອງປະຊຸມຂັ້ນລັດຖະມົນຕີອົງການການຄ້າໂລກຢູ່ຮົງກົງໃຫ້ດີໄດ້
cri
ຕາມຂ່າວສານຊິນຮວາ: ວັນທີ 2 ທັນວາ, ຢູ່ທີ່ຮົງກົງ, ທ່ານເຈິ່ງອິ່ນສວນ ຜູ້ວ່າການເຂດບໍລິຫານພິເສດຮົງກົງເວົ້າວ່າ, ກອງປະຊຸມຂັ້ນລັດຖະມົນຕີຄັ້ງທີ 6 ຂອງອົງການການຄ້າໂລກທີ່ຈະຈັດຂຶ້ນໃນໄວໆນີ້ມີການທ້າທາຍຫຼາຍຢ່າງ, ແຕ່ອົງການປົກຄອງເຂດບໍລິຫານພິເສດຮົງກົງມີຄວາມໝັ້ນໃຈຮັບມືກັບເຫດການແລະບັນຫາຍາກໃດໆທີ່ເກີດຂຶ້ນຢູ່ໃນແລະນອກສະຖານທີ່ປະຊຸມ.
ກອງປະຊຸມຂັ້ນລັດຖະມົນຕີຄັ້ງນີ້ຈະຈັດຂຶ້ນແຕ່ວັນທີ 13 ຮອດວັນທີ 18 ທັນວາ. ທ່ານເຈິ່ງອິ່ນສວນເວົ້າວ່າ, ການຈັດກອງປະຊຸມເທື່ອນີ້ແມ່ນເລື່ອງໃຫຍ່ຂອງຮົງກົງ. ອົງການການຄ້າໂລກມອບໝາຍໃຫ້ຮົງກົງຈັດກອງປະຊຸມສຳຄັນເທື່ອນີ້, ແມ່ນຮັບຮູ້ຄວາມສາມາດຂອງຮົງກົງທີ່ເປັນເມືອງໃຫຍ່ສາກົນ.
ພ້ອມນີ້, ທ່ານເຈິ່ງອິ່ນສວນຍັງເວົ້າວ່າ, ກອງປະຊຸມທີ່ຈະຈັດຂຶ້ນໃນໄວໆນີ້ມີຄວາມໝາຍສຳຄັນຕໍ່ການຊຸກຍູ້ໃຫ້ທົ່ວໂລກຫັນເປັນແບບເສລີແລະລະບອບການຄ້າຫຼາຍຝ່າຍ, ຮົງກົງໃນຖານເປັນຜູ້ສະໜັບສະໜູນລະບອບການຄ້າຫຼາຍຝ່າຍ, ຈະຊ່ອຍປັບປຸງລະບອບດັ່ງກ່າວຈົນສຸດຄວາມສາມາດຂອງຕົນ.
|
|