|
ປະເທດຊາດຢູ່ໃນດວງໃຈຂອງຂ້າ(ສຽງ)
cri
Author: mo
|
ວັນທີ 2 ທັນວາ,ແມ່ນວັນສະຖາປະນາສປປລາວຄົບຮອບ 30 ປີ,ໃນໂອກາດທີ່ປິຕິຊົມຊື່ນນີ້, ນັກສຶກສາລາວ 200 ກວ່າຄົນທີ່ມາຮຽນຢູ່ແຫ່ງຕ່າງໆຂອງຈີນໄດ້ທະຍອຍກັນຈັດການເຄື່ອນໄຫວຫຼາຍຮູບຫຼາຍແບບ, ສະເຫຼີມສະຫຼອງວັນເກີດຂອງປະເທດຊາດຄົບຮອບ 30 ປີຢ່າງຟົດຟື້ນ. ເນື່ອງໃນໂອກາດນີ້, ນັກຂ່າວພວກເຮົາໄດ້ໂທລະສັບສຳພາດນັກສຶກສາລາວ 3 ຄົນທີ່ມາຮຽນຢູ່ຈີນ,ໃນລາຍການພາກນີ້,ພວກເຮົາພ້ອມກັນຟັງຄວາມຮູ້ສຶກແລະຄວາມຄຶດເຫັນຂອງພວກເຂົາເຈົ້າໃນທ່າມກາງສຽງເພງອັນມ່ວນຊື່ນ.
ທ້າວໂຈສົ່ງ ບົວສີເນັ່ງມາແມ່ນປະທານສະມາຄົມນັກສຶກສາລາວຢູ່ຈີນ,ລາວໄດ້ແນະນຳການປ່ຽນແປງຢ່າງໃຫຍ່ຫຼວງຂອງລາວໃນການພັດທະນາເສດຖະກິດແລະສັງຄົມແຕ່ສ້າງຕັ້ງສປປລາວໃນ 30 ປີມານີ້,ແລະໄດ້ແນະນຳສະພາບນັກສຶກສາລາວທີ່ຮຽນຢູ່ແຫ່ງຕ່າງໆຂອງຈີນຈັດການເຄື່ອນໄຫວສະເຫຼີມສະຫຼອງວັນຊາດໃຫ້ພວກເຮົາຊາບ, ລາວເວົ້າວ່າ:
ນ.ສຸດທິດາ.ວົງປະຈິດ, ດຽວນີ້, ພວມຮຽນຢູ່ມະຫາວິທະຍາໄລເສດຖະກິດການຄ້ານະຄອນຫຼວງປັກກິ່ງ, ນາງບອກພວກເຮົາວ່າ,ເຖິງວ່າປີນີ້ບໍ່ໄດ້ສະຫຼອງວັນຊາດຢູ່ບ້ານກໍຕາມ, ແຕ່ບໍ່ວ່າຢູ່ໃສ, ນາງກໍ່ຊົມເຊີຍປະເທດຊາດຂອງຕົນ, ຈິດໃຈອວຍພອນປະເທດຊາດແມ່ນບໍ່ປ່ຽນແປງ, ນາງເວົ້າວ່າ:
ນ.ແສງລັດສະໝີ.ສຸວັດແມ່ນນາງສາວລາວທີ່ຮຽນຢູ່ນະຄອນຊຽງໄຮ້, ນາງເວົ້າວ່າ, ວັນຊາດລາວແມ່ນວັນອາໄລມູນເຊື້ອປະຕິວັດຂອງຮຸ້ນອາວຸໂສ,ອີກບໍ່ເທົ່າໃດມື້, ຄືວັນທີ 13 ທັນວາ, ກໍ່ແມ່ນວັນຄ້າຍວັນເກີດຂອງທ່ານປະທານໄກສອນ.ພົມວິຫານ ນັກປະຕິວັດຮຸ້ນອາວຸໂສຂອງລາວ, ນາງເວົ້າວ່າ, ນາງຈະສືບທອດມູນເຊື້ອປະຕິວັດຂອງຮຸ້ນອາວຸໂສ, ພະຍາຍາມຮ່ຳຮຽນໃຫ້ດີແລ້ວກັບຄືນໄປເຮັດວຽກ, ຕອບບຸນແທນຄຸນປະເທດຊາດ, ນາງເວົ້າວ່າ:
ເມື່ອໄດ້ຟັງຄວາມເວົ້າຂອງນັກສຶກສາລາວ 3 ຄົນແລ້ວ, ພວກເຮົາໄດ້ຮູ້ສຶກເຖິງຄວາມຮັກຫອມປະເທດຊາດຂອງນັກສຶກສາລາວທີ່ຮຽນຢູ່ຕ່າງປະເທດຢ່າງເລິກເຊິ່ງ, ບໍ່ວ່າຈະໄປຢູ່ແຫ່ງໃດ, ພວກເຂົາເຈົ້າກໍຄຶດຮອດຄຶດເຖິງປະເທດຊາດຢູ່ສະເໝີ. ສຸດທ້າຍ, ໃນທ່າມກາງສຽງເພງ《ມິດຕະພາບລາວຈີນ》,ພວກເຮົາຂໍອວຍພອນໃຫ້ສປປລາວຈົ່ງຈະເລີນຮຸ່ງເຮືອງ, ມັ່ງຄັ່ງເຂັ້ມແຂງ！
|
|
