|
|
 |
| (GMT+08:00)
2005-12-06 15:14:45
|
 |
|
ບຸກຄົນເສດຖະກິດຂອງຈີນ:ທ່ານມາຢຸນ ຜູ້ມີຊື່ສຽງດົ່ງດັງດ້ານອີນເຕີເນັດ
cri
|
ນັບແຕ່ອີນເຕີເນັດເລີ່ມຈະເລິນຂຶ້ນຢູ່ຈີນກາງຊຸມປີ90ສະຕະວັດແລ້ວນີ້,ເປັນຕົ້ນມາ,ໄດ້ຂະຫຍາຍຕົວຢ່າງວ່ອງໄວໃນເວລາອັນສັ້ນໆ,ໃນໄລຍະນີ້ໄດ້ປະກົດມີບຸກຄົນທີ່ມີຊື່ສຽງດົ່ງດັງຂຶ້ນໃນມື້ໜຶ່ງຄືນດຽວຍ້ອນສ້າງເວັບໄຊຢ່າງສຳເລັດຜົນ.ໃນລາຍການມອງຕ່າງມຸມພາກນີ້,ພວກເຮົາຈະແນະນຳບຸກຄົນຜູ້ມີຊື່ສຽງດົ່ງດັງໃນວົງການອີນເຕິເນັດຈີນຜູ້ໜຶ່ງ,ຄືທ່ານມາຢູນທີ່ຖືກເອີ້ນວ່າ ຄົນບ້າອີນເຕີເນັດ.
ທ່ານມາຢູນເປັນເຈົ້າຂອງເຄືອຂ່າຍການຄ້າເອເລັກໂຕນີກອາລີບາບາທີ່ມີຂະໜາດໃຫຍ່ກວ່າໝູ່ໃນໂລກ.
ເມື່ອ9ປີກ່ອນ,ໃນໝູ່ປະຊາຊົນຈີນຜູ້ຮູ້ອີນເຕີເນັດຍັງໜ້ອຍທີ່ສຸດ,ໃນເວລາຈ່າວຂາຍບໍລິສັດອີນເຕີເນັດ,ທ່ານມາຢູນຕ້ອງໄປເຄາະປະຕູໂຄສະນາໄປແຕ່ລະຄອບຄົວເພື່ອຈຳໜ່າຍເວັບໄຊຂອງຕົນ.ເວລານັ້ນທ່ານມາຢູນຖືກຖືເປັນນັກຕົ້ມເລື້ອຍໆ.ແຕ່ຫຼັງຈາກນັ້ນມາ9ປີ,ໃນງານຖະແຫຼງຂ່າວເທື່ອໜຶ່ງທີ່ຈັດຂຶ້ນຢູ່ປັກກິ່ງໃນເດືອນສິງຫາປີ2005,ທ່ານມາຢູນໄດ້ປະກາດວ່າ,ບໍລິສັດອາລີບາບາທີ່ທ່ານນຳພາໄດ້ຊື້ເອົາຊັບສິນທັງໝົດຂອງສາຂາບໍລິສັດຢາຫູຢູ່ຈີນຢ່າງສຳເລັດຜົນ,ພ້ອມກັນນັ້ນຍັງໄດ້ຮັບເງິນລົງທຶນຂອງບໍລິສັດຢາຫູ ໜຶ່ງຕື້ໂດລາ,ນີ້ແມ່ນເລື້ອງກວມຊື້ບໍລິສັດລາຍໃຫຍ່ກວ່າໝູ່ໃນປະຫວັດອີນເຕີເນັດຂອງຈີນໃນສະເພາະໜ້ານີ້.ເມື່ອເວົ້າເຖິງການກວມຊື້ຄັ້ງນີ້,ທ່ານມາຢູນ ພູມໃຈທີ່ສຸດ,ວັນທີ26ກໍລະກົດປີ2005,ຂ້າພະເຈົ້າໄປອາເມລິກາ,ພໍລົງຍົນ ຂ້າພະເຈົ້າກໍ່ເວົ້ານຳພວກທະນາຍຄວາມວ່າ,ຈື່ໄວ້ເດີ້,ນີ້ແມ່ນອາລີບາບາຊື້ ເອົາຢາຫູຈີນ,ບໍ່ແມ່ນບໍລິສັດຮ່ວມທຶນແລະກໍ່ບໍ່ແມ່ນຢາຫູຊື້ເອົາອາລີບາບາ.ຖ້າບໍ່ມີພື້ນຖານນີ້ກໍ່ບໍ່ຈຳເປັນເຈລະຈາກັນຕໍ່ໄປແລ້ວ.
ໃນການຊື້ບໍລິສັດເທື່ອນີ້,ບໍລິສັດອາລີບາບາບໍ່ພຽງແຕ່ໄດ້ເງິນລົງທຶນໜຶ່ງຕື້ໂດລາທໍ່ນັ້ນ,ຍັງໄດ້ຮັບຂອງແຖມເປັນພວງຍືດຍາວ,ເຊັ່ນເວັບໄຊຫຼັກ ການຊອກຄົ້ນ ການສື່ສານທັນທີ ໂຄສະນາສິນຄ້າຂອງບໍລິສັດຢາຫູຈີນ,ຍັງມີສິດນຳໃຊ້ທີ່ບໍ່ມີເວລາກຳນົດຂອງຍີຫໍ້ຢາຫູຢູ່ຈີນ.ສ່ວນຄ່າຕອບແທນທີ່ບໍລິສັດອາລີບາບາໄດ້ຈ່າຍນັ້ນແມ່ນຫຸ້ນສ່ວນ40% ສິດປ່ອນບັດ35%ແລະ ທີ່ນັ່ງບ່ອນໜຶ່ງໃນຄະນະກຳມະການບໍລິສັດ.
ຂ້າພະເຈົ້າກໍບໍ່ແມ່ນຜູ້ມີຫົວຫຼາຍກວ່າຜູ້ອື່ນ,ຄົນກໍຈ່ອຍ,ໜ້າຕາກໍ່ຂີ້ຮ້າຍ.ແຕ່ຂ້າພະເຈົ້າຮູ້ສຶກວ່າ,ໜ້າຕາຂອງຜູ້ຊາຍພໍດີກົງກັນຂ້າມກັບສະຕິປັນຍາຂອງເຂົາ.
ນີ້ກໍ່ແມ່ນຄວາມເວົ້າຄວາມໜຶ່ງທີ່ທ່ານມາຢູນມັກເວົ້າເລື້ອຍໆ.ຜູ້ທີ່ເຄີຍເຫັນທ່ານມາຢູນລ້ວນແຕ່ຮູ້ວ່າ,ເບິ່ງໄປແລ້ວທ່ານເປັນຄົນທຳມະດາທີ່ສຸດ,ຄົນທັງຫຼາຍແມ່ນຄຶດບໍ່ອອກດອກວ່າລາວມີສ່ວນກ່ຽວພັນຫຍັງກັບຄຳວ່າຄົນບ້າອີນເຕີເນັດ.ປີ1964,ທ່ານມາຢູນເກີດຢູ່ນະຄອນຮາງໂຈ່ວແຂວງເຈີ້ຈຽງພາກຕາເວັນອອກຂອງຈີນ.ເທື່ອທຳອິດທີ່ທ່ານເຂົ້າຮ່ວມການສອບເສັງເຂົ້າມະຫາ ວິທະຍາໄລ,ຄະນິດສາດຂອງທ່ານໄດ້ແຕ່21ຄະແນນ, ເສັງສາມເທື່ອ,ທ່ານຈຶ່ງໄດ້ເສັງເຂົ້າໂຮງຮຽນວິຊາສະເພາະຫຼັງໜຶ່ງຮຽນພາສາອັງກິດ.ພາຍຫຼັງຮຽນຈົບແລ້ວ,ທ່ານໄດ້ສອນໜັງສືຢູ່ວິທະຍາຄານການຊ່າງເອເລັກໂຕນິກຮາງໂຈ່ວ.ທ່ານມາຢູນແມ່ນຄົນທຳມະດາທີ່ບໍ່ມີເບື້ອງຫຼັງເຕັກນິກ,ທັງບໍ່ມີຊັບສິນຫຼວງຫຼາຍ,ມູນເຫດທີ່ພາໃຫ້ທ່ານໄດ້ຮັບຜົນສຳເລັດ,ສຳຄັນແມ່ນຍ້ອນທ່ານມີຄວາມເຊື່ອໝັ້ນຕົນເອງແລະມີຈິດໃຈຍຶດໝັ້ນສະແຫວງໃນພາລະກິດ.
ເລື່ອງນີ້ຕ້ອງຫວນຄືນໄປຫາປີ1996,ເມື່ອທ່ານມາຢູນໂຄສະນາຈຳ ໜ່າຍເວັບໄຊຂອງຕົນໄປແຕ່ລະຫຼັງເຮືອນຢູ່ປັກກິ່ງ,ແຕ່ບໍ່ມີລູກຄ້າແລ້ວ,ບໍ່ດົນທ່ານກັບຄະນະຂອງທ່ານກໍປະລະວຽກງານນີ້,ແລ້ວຈາກປັກກິ່ງໄປດ້ວຍ ຄວາມເສຍໃຈ.ປີ1999,ທ່ານໄດ້ກັບຄືນນະຄອນຮາງໂຈ່ວ,ແລ້ວຕັ້ງບໍລິສັດອາລີບາບາຂຶ້ນ.ເວົ້າສຳລັບທ່ານມາຢູນແລ້ວ,ນີ້ແມ່ນບາດລ້ຽວໃນພາລະກິດຂອງທ່ານ.
ບໍລິສັດອາລິບາບາຂອງທ່ານມາຢູນແມ່ນເດີນຕາມເບົ້າແບບBTOB,ເວົ້າ ແບບເຂົ້າໃຈງ່າຍໆກໍ່ແມ່ນໃຫ້ວິສາຫະກິດຂະໜາດກາງແລະນ້ອຍຄ້າຂາຍ ກັນໂດຍກົງໃນອີນເຕິເນັດ,ເບົ້າແບບຊະນິດນີ້ເວົ້າໄດ້ວ່າ,ແມ່ນເບົ້າແບບລຳ ບາກທີ່ສຸດແລະອິດເມື່ອຍກວ່າໝູ່ໃນຂະແໜງການອິນເຕິເນັດ,ເຖິງຈະຢູ່ປະເທດທີ່ຂະແໜງການອີນເຕິເນັດພັດທະນາກວ່າໝູ່ຄືອາເມລິກາເປັນຕົ້ນ, ບໍລິສັດທີ່ເຮັດສຳເລັດກໍໜ້ອຍທີ່ສຸດ.
ປີ2001,ບໍລິສັດອາລິບາບາໄດ້ຮັບເງິນລົງທຶນແບບສ່ຽງຈາກບໍລິສັດຊ້ອຟແບງຄ໌ເປັນຈຳນວນ20ລ້ານໂດລາ.ເມື່ອມີເງິນກ້ອນນີ້ແລ້ວ,ທ່ານມາຢູນໄດ້ຜ່ານພົ້ນໄລຍະລຳບາກທີ່ສຸດ. ປີ2003,ເຖິງວ່າຈີນຖືພະຍາດSARSກະໜ່ຳ ຢ່າງກະທັນຫັນ,ຫ້ອງການບໍລິສັດອາລິບາບາກໍຖືກກັກກັນ,ແຕ່ກິດຈະການບໍລິສັດຂອງທ່ານຍັງໝູນເດີນເປັນປົກກະຕິ,ການຄ້າເອເລັກໂຕຼນິກໄດ້ເສີມຂະຫຍາຍພະລັງແຮງບົ່ມຊ້ອນອັນມະຫາສານ,ທ່ານມາຢູນໄດ້ຫັນການທ້າທາຍເທື່ອນີ້ໃຫ້ກາຍເປັນໂອກາດທີ່ດີ,ໃນໄລຍະເກີດພະຍາດSARS,ທຸລະ ກິດຂອງບໍລິສັດອາລິບາບາເພີ່ມຂຶ້ນ6ເທົ່າ,ກໍ່ແມ່ນໃນປີ2003ນັ້ນເອງ,ບໍລິສັດອາລິບາບາທີ່ໄດ້ກຳໂອກາດນັ້ນມີລາຍໄດ້ມື້ລະລ້ານຢວນ,ປີ2004,ອາລີບາ ບາໄດ້ຂະຫຍາຍຕົວຢ່າງເປັນໜ້າງຶດງໍ້,ຈົນເຖິງຂັ້ນໄດ້ກຳໄລມື້ລະລ້ານຢວນ.
ການເຝິກຝົນໃນວົງການການຄ້າຫຼາຍປີບໍ່ໄດ້ເຮັດໃຫ້ທ່ານມາຢູນກາຍເປັນຄົນແປດຫຼ່ຽມ,ຜົນສຳເລັດດ້ານພາລະກິດກໍ່ບໍ່ໄດ້ເຮັດໃຫ້ທ່ານກາຍເປັນຄົນຂີ້ອວດຂີ້ອົ່ງ.ເມື່ອເວົ້າເຖິງນິດໄສເຊື່ອໝັ້ນຕົນເອງແລະຈົດຈໍ່ຕໍ່ພາລະກິດ ຂອງທ່ານມາຢູນນັ້ນ,ທ່ານເຊີນອານຈືຜູ້ຊ່ຽວຊານຊັບພະຍາກອນມະນຸດຕີ ລາຄາວ່າ,
ໃນໂລກນີ້ບໍ່ມີຄູ່ຕໍ່ສູ້ຜູ້ໃດທີ່ຕີໃຫ້ຜ່າຍແພ້ບໍ່ໄດ້,ເຖິງວ່າເຂົາຈະແມ່ນຄົນ ອັດສະຈັນຫຼືຈະແມ່ນບຸກຄົນເທບນິຍາຍໃນຂົງເຂດທີ່ກ່ຽວກໍ່ຕາມ,ຊຶ່ງກໍ່ໝາຍຄວາມວ່າ,ຄົນຕ້ອງສຳຫຼວດຕົນເອງໃນຄວາມໝັ້ນໃຈຕໍ່ຕົນເອງ.ຂ້າພະເຈົ້າເຫັນວ່າຕ້ອງເປັນແນວນີ້,ຈຶ່ງບໍ່ຖືກຜາບແພ້ຢ່າງງ່າຍດາຍໃນຄັ້ງຕໍ່ໄປ.ຂ້າພະເຈົ້ານັບຖືຄວາມເຊື່ອໝັ້ນຕົນເອງຂອງທ່ານມາຢູນທີ່ສຸດ,ແຕ່ຄວາມເຊື່ອໝັ້ນຕົນເອງບໍ່ໝາຍຄວາມວ່າອວດເກ່ງ.
ແຕ່ວ່າ,ບໍ່ວ່າຜູ້ອື່ນຈະເບິ່ງໄປແນວໃດກໍ່ຕາມ,ທ່ານມາຢູນໄດ້ຍຶດໝັ້ນເດີນຕາມເສັ້ນທາງຂອງຕົນເອງ.ໃນສາຍຕາຂອງທ່ານມາຢູນ,ມີແຕ່ການຄ້າເອເລັກໂຕຼນິກຈຶ່ງແມ່ນບໍ່ຄຳອິນເຕິເນັດທີ່ຍັງບໍ່ທັນຖືກຂຸດຄົ້ນອອກມາຢ່າງແທ້ຈິງ.ທ່ານມາຢູນອາໄສຄວາມຈົດຈໍ່ຂອງຕົນເອງ,ເຮັດວຽກລຳບາກຍາກເຂັນທີ່ສຸດໃນອີນເຕີເນັດໃຫ້ກາຍເປັນວຽກທີ່ໄດ້ກຳໄລດີທີ່ສຸດ.ມູນເຫດທີ່ບໍລິສັດຢາຫູຍອມຊື້ເອົາຫຸ້ນສ່ວນຂອງບໍລິສັດອາລີບາບາດ້ວຍລາຄາສູງ,ກໍ່ຍ້ອນວ່າແນ່ໃຈຕໍ່ຕະຫຼາດອິນເຕີເນັດຈີນທີ່ເຕີບໂຕຢ່າງວ່ອງໄວ.
|
|
|
