|
|
 |
| (GMT+08:00)
2005-12-06 17:07:36
|
 |
|
ບັນດາປະເທດອາຊີຄວນເພີ່ມທະວີການຮ່ວມມືໃນການປ້ອງກັນຄວບຄຸມພະຍາດໄຂ້ຫວັດສັດປີກຢ່າງບັງເກີດຜົນໃນຫຼາຍໆດ້ານ
cri
Author: da
ຕາມຂ່າວCRI: ວັນທີ 6 ທັນວາ ຢູ່ເມືອງຄຸນມິງ ເທດສະບານແຂວງຢຸນນານຈີນ,ທ່ານອີນເຊີງເຈ ຮອງລັດຖະມົນຕີກະຊວງກະສິກຳຈີນເວົ້າວ່າ, ເພື່ອປ້ອງກັນຄວບຄຸມພະຍາດໄຂ້ຫວັດສັດປີກຢ່າງບັງເກີດຜົນ,ບັນດາປະເທດອາຊີຄວນເພີ່ມທະວີການຮ່ວມມື ໃນການແລກປ່ຽນເຕັກນິກແລະຂໍ້ມູນຂ່າວສານ ການຕິດຕາມກວດກາ ພະຍາດແລະຄົ້ນຄວ້າພະຍາດຕິດແປດເປັນຕົ້ນ.
ໃນກອງປະຊຸມຂັ້ນລັດຖະມົນຕີອາຊີກ່ຽວກັບການຮ່ວມມຶປ້ອງກັນຄວບຄຸມພະຍາດໄຂ້ຫວັດສັດປີກທີ່ໄຂຂຶ້ນໃນມື້ດຽວກັນ,ທ່ານອີນເຊີງເຈເວົ້າວ່າ,ປະເທດອາຊີຄວນຄວນເພີ່ມທະວີການແລກປ່ຽນເຕັກນິກແລະຂໍ້ມູນຂ່າວສານ,ດຳເນີນການຮ່ວມມືຕິດຕາມກວດການົກຍ້າຍແກ່ນພາຍໃນພາກພູມ,ສືບຕໍ່ແຈ້ງສະພາບພະຍາດໃຫ້ອົງການຈັດຕັ້ງສາກົນແລະປະເທດທີ່ກ່ຽວຂ້ອງໃຫ້ຊາບຢ່າງທັນການ;ພ້ອມກັນນັ້ນ,ຊຸກຍູ້ການແລກປ່ຽນແລະການປະສານງານດ້ານເຕັກນິກໃນການຄົ້ນຄວ້າວັກແຊງແລະຢຸກຢາ,ຊອກຄົ້ນພາຫະນະເຕັກນິກໃໝ່ຂອງການປ້ອງກັນຄວບຄຸມພະຍາດໄຂ້ຫວັດສັດປີກ. ທ່ານເວົ້າວ່າ,ຈີນຍິນດີເພີ່ມທະວີການອົບຮົມສັດຕະວະແພດແລະພະນັກງານໃນຫ້ອງທົດລອງຂອງປະເທດແລະພາກພື້ນອາຊີ,ສະໜອງຄວາມສະໜັບສະໜູນທາງເຕັກນິກທີ່ຈຳເປັນ.
ກອງປະຊຸມຄັ້ງນີ້ຈະດຳເນີນ 2 ມື້,ເຈົ້າໜ້າທີ່ຊັ້ນສູງດ້ານກະສິກຳແລະສາທາລະນະສຸກຂອງ 17 ປະເທດອາຊີພ້ອມດ້ວຍຜູ້ຕາງໜ້າອົງການຈັດຕັ້ງສາກົນທີ່ກ່ຽວຂ້ອງໄດ້ເຂົ້າຮ່ວມກອງປະຊຸມ.
|
|
|
