|
|
 |
| (GMT+08:00)
2005-12-06 17:54:39
|
 |
|
ພາລະກິດບຳບັດຄວາມທຸກຍາກຂອງຈີນຍັງຕ້ອງການປະຊາຄົມໂລກເຂົ້າຮ່ວມ
cri
Author: da
ຕາມຂ່າວສານຊິນຮວາ: ວັນທີ 6 ທັນວາ ຢູ່ປັກກິ່ງ ທ່ານລິນຈ່ຽນ ຫົວໜ້າຫ້ອງການໜ່ວຍການນຳພາການບຳບັດຄວາມທຸກຍາກແລະການພັດທະນາຂອງລັດຖະບານຈີນເວົ້າວ່າ,ລັດຖະບານຈີນຫວັງໃຫ້ເພີ່ມທະວີການຮ່ວມມືແລະແລກປ່ຽນກັບປະຊາຄົມໂລກຕື່ມອີກໃນວຽກງານບຳບັດຄວາມທຸກຍາກແລະການພັດທະນາໃນອະນາຄົດ.
ທ່ານລິວຈ່ຽນແມ່ນໃຫ້ທັດສະນະດັ່ງກ່າວໃນກອງປະຊຸມສຳມະນາກ່ຽວກັບການຫວນຄືນແລະຈ້ອງມອງການບຳບັດຄວາມທຸກຍາກດ້ວຍທຶນຕ່າງປະເທດຂອງຈີນ. ທ່ານເວົ້າວ່າ,ເຖິງວ່າວຽກງານບຳບັດຄວາມທຸກຍາກແລະການພັດທະນາຂອງຈີນໄດ້ຮັບຄວາມຄືບໜ້າຢ່າງຕັ້ງໜ້າກໍຕາມ,ແຕ່ວຽກງານບຳບັດຄວາມທຸກຍາກຍັງໜັກໜາຫຼາຍ,ຍັງຕ້ອງການຖອດຖອນເອົາບົດຮຽນຂອງປະຊາຄົມໂລກ,ຊອກຄົ້ນແລະທົດລອງຮູບແບບແລະວິທີໃໝ່ແຫ່ງການບຳບັດຄວາມທຸກຍາກ,ບູລະນະກົນໄກບຳບັດຄວາມທຸກຍາກແລະການພັດທະນາຂອງຈີນໃຫ້ສົມບູນຕື່ມອີກ. ສະນັ້ນ,ຈີນຊົມເຊີຍອົງການຈັດຕັ້ງສາກົນ ອົງການຈັດຕັ້ງສອງຕໍ່ສອງພ້ອມດ້ວຍອົງການບໍ່ແມ່ນລັດຖະບານທີ່ອອກແຮງເຂົ້າໃນພາລະກິດຫຼຸດຄວາມທຸກຍາກຂອງມະນຸດ ແລະສົນໃຈນຳການລົບລ້າງຄວາມທຸກຍາກຂອງຈີນນັ້ນ ຕັ້ງໜ້າເຂົ້າຮ່ວມຂະບວນການບຳບັດຄວາມທຸກຍາກແລະການພັດທະນາຂອງຈີນ.
|
|
|
