|
ແຕ່ວັນທີ8 ພະຈິກຫາວັນທີ12 ພະຈິກ,ງານມະຫະກຳຮູບເງົາຈິນຈີເບຮວ່າຄັ້ງທີ14ຂອງຈີນໄດ້ຈັດຂຶ້ນຢູ່ຊານຢ້າ ເມືອງແຄມທະເລຢູ່ພາກໃຕ້ຂອງຈີນ.ໃນລາຍການວັດທະນະທຳຈີນເທື່ອນີ້,ເຊີນຟັງການລາຍງານຂ່າວຂອງນັກຂ່າວcriພວກເຮົາ.
ລາງວັນຈິນຈີຂອງຮູບເງົາຈີນແມ່ນສ້າງຕັ້ງຂຶ້ນໃນປີ1981,ລາງວັນນີ້ກັບລາງວັນເບຮວ່າຂອງຮູບເງົາມະຫາຊົນທີ່ສ້າງຂຶ້ນໃນປີ1962ແມ່ນລາງວັນສອງລາຍທີ່ສຳຄັນກວ່າຫມູ່ຂອງຈີນ,ລາງວັນຈິນຈີກຳເນີດຂຶ້ນໂດຍໃຫ້ຜູ້ຊ່ຽວຊານຂອງວົງການຮູບເງົາຈີນປ່ອນບັດຄັດເລືອກ,ລາງວັນເບຮວ່າກຳເນີດຂຶ້ນໂດຍໃຫ້ຜູ້ຊົມຮູບເງົາຈີນປ່ອນບັດຄັດເລືອກ.
ເນື້ອໃນຕົ້ນຕໍຂອງງານມະຫະກຳຮູບເງົາຈິນຈີເບຮວ່າປີນີ້ແມ່ນປະກວດລາງວັນ16ລາຍຂອງລາງວັນຈິນຈີຮູບເງົາຈີນຄັ້ງທີ25.
ທ່ານຜູ້ຟັງທີ່ໂຄລົບ,ທີ່ທ່ານພວມຟັງຢູ່ນີ້ແມ່ນອັດສຽງຂອງຮູບເງົາເລື່ອງ"ເຄີເຄີສິລີ".
ຮູບເງົາເລື່ອງ"ເຄີເຄີສິລີ"ແລະເລື່ອງ"ຢູ່ເທິງພູທ້າຍຫາງ"ໄດ້ຮັບລາງວັນຮູບເງົາເລື້ອງທີ່ດີກວ່າຫມູ່ຂອງລາງວັນຈິນຈີນຄັ້ງນີ້.ຮູບເງົາເລື່ອງເຄີເຄີສິລີ ແມ່ນຮຽບຮຽງຕາມນິທານເລື່ອງຈິງ,ແມ່ນຮູບເງົາຜະຈົນໄພພາກຕາເວັນຕົກເລື່ອງທຳອິດຂອງຈີນ.ທ່ານລູ້ຊວນ ຜູ້ກຳກັບການສະແດງທີ່ຫນຸ່ມນ້ອຍແລະຫນ່ວຍງານຂອງທ່ານໄດ້ຖ່າຍຮູບເງົາທີ່ສະເທືອນຈິດໃຈຂອງຜູ້ຊົມເລື່ອງນີ້ຢູ່ເຂດອະນຸລັກທຳມະຊາດເຄີເຄີສິລີຂອງພູພຽງຊິນໄຮຕີເບດທີ່ສູງກວ່າລະດັບນ້ຳທະເລ5000ກວ່າແມັດ.
ເນື້ອໃນຂອງຮູບເງົາແມ່ນສະມາຊິກລາດຕະເວນພູ8ຄົນໄດ້ເຂົ້າສູ່ເຄີເຄີສິລີ,ໄປຂັດຂວາງບໍ່ໃຫ້ຜູ້ລັກລ່າເນື້ອຂ້າເຍືອງຕີເບດ,ຢູ່ກາງທາງພວກເພີ່ນໄດ້ປະສົບອຸປະສັກຕ່າງໆນາໆທີ່ບໍ່ໄດ້ຄາດໄວ້,ສະມາຊິກທັງຫລາຍໄດ້ຕໍ່ສູ້ກັບສະພາບແວດລ້ອມທຳມະຊາດອັນຂີ້ຮ້າຍ,ລອງລິດກັບຜູ້ລັກລ່າເນື້ອ,ສຸດທ້າຍມີພຽງມີສອງຄົນລອດຕາຍ.ພາບໃນຮູບເງົາທີ່ທາລຸນແລະແທ້ຈິງ,ແລະຫົວຂໍ້ລັກສະນະສາກົນທີ່ເອົາໃຈໃສ່ນຳສິ່ງແວດລ້ອມດຳລົງຄົງຕົວຂອງມະນຸດ,ເຮັດໃຫ້ຮູບເງົາເລື່ອງນີ້ໄດ້ຮັບລາງວັນຕ່າງໆຢູ່ພາຍໃນປະເທດແລະຕ່າງປະເທດແລະໄດ້ຮັບຜົນງານອັນດີເດັ່ນໃນດ້ານຂາຍຂາຍປີ້.
ແຕ່ປີນີ້ມາ,ຜົນງານຂອງນັກຮູບເງົາໄວຫນຸ່ມຂອງຈີນທີ່ຖືທ່ານລູ້ຊວນເປັນຕົວແທນໄດ້ຖືການສ່ອງແສງຊີວິດການເປັນຢູ່ຕົວຈິງຂອງຈີນເປັນຕົ້ນຕໍ,ຝີມືໃນການດຳເນີນເລື້ອງແມ່ນງ່າຍດາຍ,ແລະລະອຽດລະອໍ,ເຈາະຈົງສະແດງໂລກໃນໃຈຂອງສາມັນຊົນ.ທ່ານນາງມາລີ້ເວິນ ຜູ້ທີ່ໄດ້ຮັບລາງວັນຜູ້ກຳກັບການສະແດງທີ່ດີເດັ່ນຂອງລາງວັນຈິນຈີເທື່ອນີ້ກໍ່ແມ່ນຜູ້ຫນຶ່ງໃນນັ້ນ.
ນາງມາລີ້ເວິນ ຜູ້ກຳກັບການສະແດງທີ່ຫນຸ່ມນ້ອຍໄດ້ຮຽນຈົບຈາກສະຖາບັນລະຄອນງິ້ວສູນກາງຈີນ,ຮູບເງົາເລື່ອງ"ພວກເຮົາສອງຄົນ"ຂອງນາງມາລີ້ເວິນທີ່ໄດ້ຮັບລາງວັນໃນເທື່ອນີ້ແມ່ນຮູບເງົາເລື່ອງຫນຶ່ງທີ່ລົງທຶນບໍ່ຮອດ3ລ້ານຢວນ, ແມ່ນຜົນງານເລື່ອງທີ່ສອງຂອງນາງມາລີ້ເວິນ.ໄດ້ບັນລະຍາຍການປ່ຽນແປງຂອງອາລົມຈິດລະຫວ່າງຜູ້ເຖົ້າປ່ຽວພອຍຜູ້ຫນຶ່ງທີ່ພັກໃນບ້ານຊື້ເຫີຢ້ວນຂອງປັກກິ່ງກັບນັກຮຽນຜູ້ຍິງຫນຸ່ມຜູ້ຫນຶ່ງທີ່ເຊົ່າເຮືອນເພິ່ນ,ຄືເລີ່ມຈາກການປັດເຂ່ຍຖົກຖຽງກັນເຖິງການພັດພາກຈາກກັນບໍ່ໄດ້ໃນທີ່ສຸດ.ຮູບເງົາໄດ້ສ່ອງແສງເຖິງລວງເລິກຂອງດວງໃຈຄົນໂດຍຜ່ານຈາກເລື່ອງເລັກໆນ້ອຍໆເຊິ່ງ,ສະແດງອອກເຖິງສີມືຂອງຜູ້ກຳກັບການສະແດງ.
ຫວ່າງມໍ່ໆນີ້,ຮູບເງົາເລື່ອງ"ພວກເຮົາທັງສອງຄົນ" ໄດ້ຮັບລາງວັນນັກສະແດງເພດຍິງດີເດັ່ນໃນງານມະຫະກຳຮູບເງົາໂຕກຽວຄັ້ງທີ18,ໃນເວລານັ້ນ,ຄະນະປະກວດປະຊາຊົນທີ່ປະກອບດ້ວຍນັກວິຈານຮູບເງົາຜູ້ອາວຸໂສຂອງຍີ່ປຸ່ນໄດ້ໃຫ້ຄະແນນແກ່ຮູບເງົາເລື່ອງສູງເຖິງ31ດາວ(ຄະແນນເຕັມມີ35ດາວ),ລື່ນກາຍຮູບເງົາອື່ນໆທີ່ເຂົ້າຮ່ວມການປະກວດ.ນາງມາລີ້ເວິນແມ່ນຄົນໃຫມ່ຜູ້ຫນຶ່ງທີ່ຈົດຈໍ່ນຳສິລະປະກຳຮູບເງົາທີ່ສຸດ,ຂຽນບົດລະຄອນ,ຫ້າງຫາເງິນລ້ວນແຕ່ຕ້ອງເຮັດເອງ,ຄວາມລຳບາກໃນນັ້ນເຮັດໃຫ້ນາງມາລີ້ເວິນຈົນນ້ຳຕາໄຫລຫລາຍເທື່ອພາຍຫລັງໄດ້ຮັບລາງວັນ,ນາງເວົ້າວ່າ:
"ໃນເວລາເລີ່ມຕົ້ນ,ເຈົ້າໄດ້ຮັບການລົງທຶນກ້ອນໃຫຍ່ແມ່ນຍາກທີ່ສຸດ,ນີ້ແມ່ນສະພາບຕົວຈິງທີ່ເປັນໄປບໍ່ໄດ້,ຕ້ອງມີຂະບວນການຖືກຮັບຮອງ."
ລາງວັນຈິນຈີປີນີ້ມີການປະຕິຮູບສຳຄັນລາຍຫນຶ່ງ,ເຊິ່ງກໍ່ຄືຮູບເງົາທີ່ຮົງກົງ,ມາກ້າວ,ໄຕ້ຫວັນແລະເຂດໃນຈີນຮ່ວມມືຖ່າຍແລະຫນ່ວຍງານຖ່າຍ,ສາມາດເຂົ້າຮ່ວມການປະກວດລາງວັນຈິນຈີເປັນເທື່ອທຳອິດ.ທ່ານເສີນຫລົງ ດາລາໃຫຍ່ຮູບເງົາກົງຟູຮົງກົງໄດ້ຮັບລາງວັນນັກສະແດງເພດຊາຍດີເດັ່ນຈິນຈີຂອງຮົງກົງໄຕ້ຫວັນຜູ້ທຳອິດດ້ວຍການສະແດງອັນດີເດັ່ນໃນຮູບເງົາເລື່ອງນິທານຂອງຕຳຫລວດໃຫມ່.
ປີນີ້ແມ່ນວັນເກີດຂອງຮູບເງົາຈີນຄົບຮອບ100ປີ,ທ່ານອູອີກອງ ປະທານສະມາຄົມນັກຮູບເງົາຈີນເວົ້າວ່າ:
"ປະຈຸບັນ,ຮູບເງົາຈີນໄດ້ປະກົດມີຮ່ອງຮອຍຟື້ນຄືນ,ແຕ່ປີ2003ຫາປີ2004,ບໍ່ວ່າມູນຄ່າຂາຍປີ້,ຈຳນວນຮູບເງົາແລະຈຳນວນຜູ້ຊົມລ້ວນແຕ່ໄດ້ສູງຂຶ້ນຢ່າງຫລວງຫລາຍ.ຮອດທ້າຍປີນີ້,ອາດຈະມີສະຖິຕິເທື່ອຫນຶ່ງ,ແຕ່ເບິ່ງຈາກຕົວເລກທີ່ຮູ້ໃນປະຈຸບັນແລ້ວເຫັນວ່າ,ຈະມີ່ການກ້າວກະໂດດເມື່ອທຽບກັບປີ2004."
|
