|
|
 |
| (GMT+08:00)
2005-12-08 17:06:43
|
 |
|
ທ່ານເວີນເຈຍປາວເລີ່ມຢ້ຽມຢາມສະໂລວາກີຢ່າງເປັນທາງການ
cri
Author: da
ຕາມຂ່າວCRI: ໂດຍຕອບສະໜອງຄຳເຊີນຂອງທ່ານຈູລິນດາ ນາຍົກລັດຖະມົນຕີສະໂລວາກີ,ທ່ານເວີນເຈຍປາວ ນາຍົກລັດຖະມົນຕີຈີນເລີ່ມຢ້ຽມຢາມສະໂລວາກີຢ່າງເປັນທາງການໃນວັນທີ 7 ທັນວາ.
ພາຍຫຼັງເດີນທາງໄປຮອດສະໂລວາກີແລ້ວ,ທ່ານບຼາຕີສລາວາ ປະທານາທິບໍດີແລະທ່ານຈູລິນດາ ນາຍົກລັດຖະມົນຕີສະໂລວາກີຕ່າງໄດ້ພົບປະແລະເຈລະຈາກັບທ່ານເວີນເຈຍປາວ.ທ່ານເວີນເຈຍປາວໄດ້ສະເໜີເຈດຈຳນົງຫຼາຍຂໍ້ກ່ຽວກັບການຊຸກຍູ້ການພົວພັນລະຫວ່າງສອງປະເທດໃຫ້ກ້າວຂຶ້ນສູ່ຂັ້ນໄດໃໝ່,ຫວັງເພີ່ມທະວີການຮ່ວມມືສອງຕໍ່ສອງທີ່ຕ່າງຝ່າຍຕ່າງມີຜົນປະໂຫຍດຕື່ມອີກ.ທ່ານເວີນເຈຍປາວຍັງໄດ້ຍ້ອງຍໍລັດຖະບານສະໂລວາກີໄດ້ຍຶດໝັ້ນນະໂຍບາຍຈີນດຽວໃນບັນຫາໄຕ້ຫວັນ.
ທ່ານບຼາຕີສລາວາແລະທ່ານຈູລິນດາລ້ວນແຕ່ກ່າວລື້ມວ່າ,ຝ່າຍສະໂລວາກີຍຶດໝັ້ນນະໂຍບາຍຈີນດຽວ.ສະໂລວາກີເອົາໃຈໃສ່ນຳການພົວພັນກັບຈີນ,ສອງຝ່າຍມີຄວາມບົ່ມຊ້ອນອັນໃຫຍ່ຫຼວງໃນການຮ່ວມມືກັນໃນຫຼາຍຂົງເຂດ,ຫວັງໃຫ້ສອງຝ່າຍພ້ອມກັນພະຍາຍາມ,ຊຸກຍູ້ການພົວພັນລະຫວ່າງສອງປະເທດຂະຫຍາຍຕົວຢ່າງຮອບດ້ານແລະລົງສູ່ລວງເລິກ.
ພາຍຫຼັງສຳເລັດການເຈລະຈາກັບທ່ານຈູລິນດາ,ຜູ້ຕາງໜ້າຂອງພາກສ່ວນກ່ຽວຂ້ອງຂອງສອງປະເທດໄດ້ເຊັນເອກະສານຕ່າງໆເຊັ່ນ:ສົ່ງເສີມແລະປົກປ້ອງການລົງທຶນ ການຮ່ວມມືໃນຂົງເຂດໂທລະຄົມມະນາຄົມຂໍ້ມູນຂ່າວສານ.
|
|
|
