ຕາມຂ່າວcri:ວັນທີ8 ທັນວາ, ຢູ່ກົວລາລຳເປີ ນະຄອນຫລວງມາເລເຊຍ, ທ່ານຊຸຍທ່ຽນໄຂ ຫົວຫນ້າກົມອາຊີກະຊວງການຕ່າງປະເທດຈີນກ່າວ ວ່າ,ຈີນຫວັງໃຫ້ກອງປະຊຸມສຸດຍອດອາຊີຕາເວັນອອກຄັ້ງປະຖົມມະເລີກຈະໄດ້ຮັບຜົນສຳເລັດ,ຈີນຈະເຂົ້າຮ່ວມກອງປະຊຸມສຸດຍອດຢ່າງຕັ້ງຫນ້າແລະຍິນດີປະກອບສ່ວນເຂົ້າໃນກອງປະຊຸມສຸດຍອດ.
ພາຍຫລັງໄດ້ເຂົ້າຮ່ວມກອງປະຊຸມກະກຽມຂອງເຈົ້າຫນ້າທີ່ອາວຸໂສກອງປະຊຸມສຸດຍອດອາຊີຕາເວັນອອກຄັ້ງປະຖົມມະເລີກແລ້ວ,ທ່ານຊຸຍທ່ຽນໄຂໃຫ້ທັດສະນະດັ່ງກ່າວຕໍ່ນັກຂ່າວ.ທ່ານກ່າວວ່າ,ຈີນຫວັງໃຫ້ບັນດາຝ່າຍກ່ຽວຂ້ອງລ້ວນແຕ່ໃຊ້ທ່າທີທີ່ມີລັກສະນະສ້າງສັນແລະໄຫວພິບ,ສະຫນັບສະຫນູນມາເລເຊຍທີ່ເປັນເຈົ້າພາບກອງປະຊຸມແລະອາຊຽນ,ເຮັດໃຫ້ກອງປະຊຸມສຸດຍອດຄັ້ງນີ້ຮັບຜົນສຳເລັດ.
ວັນທີ14 ທັນວາ,ກອງປະຊຸມສຸດຍອດອາຊີຕາເວັນອອກຄັ້ງປະຖົມມະເລີກຈະຈັດຂຶ້ນຢູ່ກົວລາລຳເປີ,ບັດນີ້ຈະມີຜູ້ນຳຂອງ10ປະເທດສະມາຊິກອາຊຽນ,ຈີນ,ຍີ່ປຸ່ນ,ອິນເດຍ,ອົສຕຣາລີ,ນູແວນເຊລັງເຂົ້າຮ່ວມກອງປະຊຸມ.
|