|
|
 |
| (GMT+08:00)
2005-12-09 09:11:46
|
 |
|
ຜູ້ໃຊ້ຄອມພິວເຕີຍາວນານຈະລົດຜ່ອນຜົນຮ້າຍຂອງມັນແນວໃດ?
cri
 ໃນຊູ່ມື້ນີ້,ມີຜູ້ໃຊ້ຄອມພິວເຕີເຮັດວຽກແລະຮ່ຳຮຽນນັບມື້ນັບຫຼາຍ,ມີຫຼາຍໆຄົນນັ່ງຢູ່ໜ້າຄອມພິວເຕີເປັນເວລາດົນນານຊູ່ມື້,ການຄົ້ນຄວ້າວິທະຍາສາດໄດ້ປະກົດເຫັນວ່າ,ການໃຊ້ຄອມພິວເຕີດົນນານຈະມີຜົນສະທ້ອນທາງລົບໃນລະດັບຕ່າງກັນຕໍ່ສຸຂະພາບຂອງພວກເຮົາ.
ກ່ອນອື່ນຂໍເວົ້າເລື່ອງສະໝອງ. ເຖິງວ່າກຳລັງບົ່ມຊ້ອນຂອງສະໝອງໄດ້ບຸກເບີກອອກມາໃຊ້ໜ້ອຍດຽວກໍຕາມ,ແຕ່ເມື່ອໄດ້ເຮັດວຽກໝົດມື້ແລ້ວກໍຈະຮູ້ສຶກເມື່ອຍຍ້ອນໃຊ້ສະໝອງຫຼາຍເກີນຄວນ. ນັ່ງຢູ່ໜ້າຄອມພິວເຕີຖືກລັງສີຊູ່ມື້,ຫົວໃຈແລະປອດກໍບໍ່ສະດວກສະບາຍຢູ່ແລ້ວ,ຫ້ອງແອພັດຂາດອອກຊີແຊນອີກ,ເຮັດວຽກໃນສິ່ງແວດລ້ອມແບບນີ້ຈຶ່ງຮູ້ສຶກແຮ່ງເມື່ອຍສະໝອງ.
ວິທີແກ້ໄຂກໍແມ່ນໃຊ້ເວລາພັກຜ່ອນໃນຕອນທ່ຽງພັກຜ່ອນໃຫ້ດີໆ. ອາຫານທ່ຽງກໍກິນແນວມີທາດບຳລຸງແດ່,ຫຼັງຈາກກິນອາຫານແລ້ວ,ຢ່າຊູ່ກັບຄືນຫ້ອງການໂລດ,ຫາບ່ອນໃດບ່ອນໜຶ່ງທີ່ມິດງຽບ,ຫຼັບຕາພັກຜ່ອນບຶດໜຶ່ງ,ສະໝອງກໍຈະຜ່ອນຄາຍຄວາມຕຶງຄຽດຢ່າງເຖິງຖອງ.
ຖັດມາແມ່ນຜິວໜັງ.
ໜ້າຈໍຄອມພິວເຕີຈະມີໄຟຟ້າສະຖິດຫຼວງຫຼາຍ,ຈຶ່ງມີຂີ້ຝຸ່ນຈັບຢູ່ຫຼາຍ. ເຮົານ່ງໃກ້ໜ້າຈໍປານນັ້ນ,ຮູຂົນຕາມໃບໜ້າກໍມີຂີ້ຝຸ່ນອັດຕັນ,ເພື່ອໃຫ້ຫາຍໃຈໄດ້,ຜິວໜັງຈຶ່ງເຮັດໃຫ້ຮູຂົນຍະອອກ,ສະນັ້ນ,ຜິວໜັງໃບໜ້າກໍຈະນັບມື້ນັບຫຍາບຊາ.
ວິທີແກ້ໄຂກໍແມ່ນໃຫ້ທາຄີມຮັກສາຄວາມຊຸ່ມໃສ່ໃບໜ້າກ່ອນໃຊ້ຄອມພິວເຕີ,ຫຼືເອົາຕົ້ນຕະບອງເພັດໂຖໜຶ່ງວາງໄວ້ເທິງໂຕະຄອມພິວເຕີ,ເພາະໜາມຕົ້ນຕະບອງເພັດສາມາດດູດເອົາຂີ້ຝຸ່ນ.
ຕໍ່ໄປແມ່ນເວົ້າກ້ານຄໍ.
ຖ້າໂຕະຄອມພິວເຕີສູງເກີນໄປ,ໜ້າຈໍກໍຈະສູງເກີນໄປ,ໃນເວລາເບິ່ງຈໍຄອມພິວເຕີ,ກໍຕ້ອງຍືດຄໍອອກ,ດົນແລ້ວກະດູກກ້ານຄໍກໍຈະແຂງກະດ້າງແລະປ່ຽນຮູບ.
ທ່ານຄວນວາງໂຕ໊ະຄອມພິວເຕີໃຫ້ຕ່ຳລົງ,ຄວາມສູງທີ່ເໝາະສຳລັບຜູ້ຍິງແມ່ນ 67 ເຊັນ,ສຳລັບຜູ້ຊາຍຈະສູງກວ່າໜ້ອຍໜຶ່ງ,ແບບນີ້ສາມາດຮັບປະກັນໃຫ້ກະດູກກ້ານຄໍຄົດລ້ຽວຕາມທຳມະຊາດ,ຜ່ອນຄາຍເຄັ່ງຕຶງຂອງກ້າມເນື້ອກ້ານຄໍ.
ອະໄວຍະວະທີ່ຖືກຜົນສະທ້ອນແຮງກວ່າໝູ່ແມ່ນຕາ
ໃນເວລາໃຊ້ຄອມພິວເຕີນັ້ນ ຍ້ອນໃຈຕ້ອມເກີນໄປ,ການພັບຕາກໍຈະຈາກ 20 ເທື່ອຕໍ່ນາທີໃນຍາມປົກກະຕິຫຼຸດລົງເຫຼືອ 4-5 ເທື່ອຕໍ່ນາທີ. ບັດນັ້ນ ຕາກໍຂາດອອກຊີແຊນ,ນ້ຳຕາໜ້ອຍລົງ,ແຕ່ແສງແລະລັງສີທີ່ເຂົ້າໄປໃນຕາພັດເພີ່ມຂຶ້ນຄົບເທົ່າ,ສະນັ້ນ ຈຶ່ງຮູ້ສຶກຕາແຫ້ງ,ສາຍຕາອ່ອນລົງ,ຫຼອດນ້ຳຕາຖືກອັດຕັນ,ທົ່ວໄປແລ້ວເອີ້ນວ່າພະຍາດຕາແຫ້ງ.
ວິທີແກ້ໄຂແມ່ນປັບຄວາມແຈ້ງຂອງໜ້າຈໍໃຫ້ອ່ອນລົງ,ເຮັດໃຫ້ແສງເຂົ້າຕາໜ້ອຍລົງ,ຄວາມແຈ້ງຂອງໜ້າຈໍຄວນຮຸ່ງກວ່າສິ່ງແວດລ້ອມ 3-4 ເທົ່າ. ນອກນີ້ ຄວນກຽມຢາຕາແບບນ້ຳຕາໄວ້ຂວດໜຶ່ງເພື່ອໄວ້ຢອດບໍ່ໃຫ້ຕາແຫ້ງ,ຢອດຢາຕາຊະນິດນີ້ມື້ໜຶ່ງບໍ່ໃຫ້ເກີນ 6 ເທື່ອ.
ຄອມພິວເຕີຍັງເປັນໂທດຕໍ່ກະເພາະນຳອີກ.
ບາງຄົນທີ່ໃຊ້ຄອມພິວເຕີຫຼາຍມັກເປັນພະຍາດອາຫານບໍ່ຍ່ອຍ,ທັງນີ້ແມ່ນຍ້ອນກະເພາະອາຫານຄັ້ນຮູດບໍ່ສະດວກ,ອາຫານຈຶ່ງຍ່ອຍຊ້າ,ສິ່ງທີ່ກິນເຂົ້າທ້ອງຈຶ່ງໄປອັ່ງກັນຢູ່ຊ່ອງແຄບໆ,ໃນທີ່ສຸດກໍກາຍເປັນສິ່ງຫາບແບກລ້າໆ.
ສະນັ້ນ ຫຼັງຈາກກິນເຂົ້າແລ້ວຄວນຢືນ 20 ນາທີ,ເພື່ອໃຫ້ກະເພາະມີຊ່ອງຫວ່າງຄັ້ນຮູດ. ໃນເວລາຢືນຢູ່ນັ້ນ,ທ້ອງຈະຫົດເຂົ້າຕາມທຳມະຊາດ,ຍັງສາມາດປ້ອງກັນບໍ່ໃຫ້ກະເພາະອາຫານຢ່ອນແລະບໍ່ໃຫ້ໄຂມັນອັ່ງຢູ່ໜ້າທ້ອງ.
ຕໍ່ໄປຂໍລົມເລື່ອງແຂ່ງຂາ.
ຖ້ານັ່ງຢູ່ໜ້າຄອມພິວເຕີດົນນານ,ແຂ່ງຂາທີ່ບໍ່ເຮັດວຽກກໍຈະມີບັນຫາເກີດຂຶ້ນ. ຖ້າເກົ້າອີ້ສູງໂພດ,ສອງຂາຢ່ອນບໍ່ເຖິງພື້ນ,ຈະກົດໜີບເຮັດໃຫ້ເລືອດເດີນຊ້າ,ຫຼືພາໃຫ້ເສັ້ນເລືອດຕັນ; ແຕ່ຖ້າເກົ້າອີ້ຕ່ຳເກີນໄປ,ນັ່ງຂົດຂາໄວ້ຢູ່,ກໍຈະໜີບເຕັງອະໄວຍະວະພາຍໃນ,ກະທົບກະເທືອນເຖິງສັບພະຄຸນຂອງກະເພາະລຳໄສ້.
ສະນັ້ນ ທ່ານຕ້ອງຊື້ເກົ້າອີ້ດີໆໜ່ວຍໜຶ່ງທີ່ປັບພະນັກໄປທາງໜ້າທາງຫຼັງໄດ້; ສິ່ງໜູນແອວກໍປັບຂຶ້ນລົງໄດ້,ຮັບປະກັນໃຫ້ບ່ອນຄ້ຳແອວຢູ່ບ່ອນເໝາະສົມທີ່ສຸດຢູ່ສະເໝີ; ບ່ອນນັ່ງໃຫ້ແຂງແດ່ຈັກໜ່ອຍ,ຄວາມສູງແມ່ນໃຫ້ຫົວເຂົ່າຂົດໄດ້ 90 ອົງສາຢ່າງສະບາຍແລະຕີນສອງເບື້ອງວາງພຽງກັບໜ້າດິນແມ່ນເໝາະສົມທີ່ສຸດ.
ສຸດທ້າຍຂໍເວົ້າເຖິງບ່າໄຫຼ່
ທ່ານຄິດເບິ່ງ,ໃນເວລາທ່ານໃຊ້ຄອມພິວເຕີນັ້ນສອງບ່າໄຫຼ່ແມ່ນຕັ້ງຂຶ້ນຢູ່ພໍປານນັ້ນຢ່າງບໍ່ຮູ້ສຶກຕົວແມ່ນບໍ່?ນີ້ແມ່ນຍ້ອນກ້າມເນື້ອເຄັ່ງຕຶງ,ດົນແລ້ວບ່າໄຫຼ່ກໍທັງເຈັບປວດທັງເຄັ່ງ.
ວິທີແກ້ໄຂແມ່ນໃຫ້ປັບທ່ານັ່ງ. ໃຫ້ກະດູກບ່າໄຫຼ່ເອື່ອຍໃສ່ພະນັກເກົ້າອີ້,ສອງບ່າໄຫຼ່ຢ່ອນລົງ,ເງີຍໜ້າຂຶ້ນ,ເຮັດວຽກໄປຊົ່ວໂມງໜຶ່ງໃຫ້ພັກຜ່ອນ 5 ນາທີຮອດ 10 ນາທີ, ໃຫ້ມີຄວາມຊີນເຄີຍຫຼິ້ນກິລາຢ່າງມີກົດເກນ,ຝຶກແອບແຮງກ້າມເນື້ອບ່າໄຫຼ່,ກ້ານຄໍແລະແຂນ,ເພື່ອເພີ່ມຄວາມໜຽວແລະກຳລັງຂອງກ້າມເນື້ອ.
|
|
|
