|
ຫມາກໄມ້ທີ່ເນົ່າແລ້ວ,ບາງຄົນປາດເອົາບ່ອນເນົ່າຖິ້ມແລ້ວ,ກິນບ່ອນທີ່ບໍ່ເນົ່າເທື່ອ,ເຮັດແບບນີ້ໄດ້ບໍ່?ທີ່ຈຂິງແລ້ວ,ເຮັດແບບນີ້ແມ່ນບໍ່ຖືກຕ້ອງ,ຕາມ ກວດສອບ,ໃນນວນຫມາກໄມ້ທຳມະດາທີ່ຫ່າງຈາກບ່ອນເນົ່າ 1 ເຊັນກໍຍັງໄດ້ມີທາດເບື່ອຢູ່.ຖ້າຄົນກິນທາດເບື່ອໃນຫມາກໄມ້ເນົ່,ກໍອາດຈະວິນຫົວ ເຈັບ ຫົວ ປວດຮາກ ຮາກແລະຍື່ງທ້ອງເປັນຕົ້ນ,ຜູ່ເປັນຫນັກອາດຈະຊັກ ສູບລົມ ສະຫຼົບຈົນກະທັ້ງອັດຕະລາຍເຖິງແກ່ຄວາມຕາຍ.
ດ້ວຍເຫດນີ້,ເພື່ອສຸຂະພາບ,ເວລາກິນຫມາກໄມ້ຕ້ອງເລືອກເອົາຫນ່ວຍທີ່ເປືອກກ້ຽງເຫຼື້ອມ ສີລາມ ນວນສົດແລະນຸ້ມ ຫອມ.ຖ້າມີຈຸດດ່າງຫຼືມີຮອຍແມງເຈະ,ຕ້ອງໃຊ້ມີດເຈະເອົາບ່ອນເນົາແລະອ້ອມແອ້ມບ່ອນເນົ່າປະມານຫນຶ່ງເຊັນຖິ້ມ,ຖ້າເນົ່າກາຍ 1 ສ່ວນ 3 ກໍໃຫ້ຖິ້ມໂລດ ເພື່ອບໍ່ໃຫ້ເປັນພະຍາດຕາມທິຫຼັງ,
ໃນຊີວິດປະຈຸບັນ,ຄົນທັງຫຼາຍກິນເຂົ້າໄປນຳ,ດື່ມນ້ຳຫມາກໄມ້ໄປນຳ.
ໃນເວລາກິນເຂົ້າ,ກິນນ້ຳຫມາກໄມ້ແມ່ນມີສິ່ງທີ່ຕ້ອງລະວັງ,ທຳມະດາແລ້ວ ໃນອາຫານເຊົ້າຂອງຄົນທັງຫຼາຍບໍ່ຄ່ອຍມີຜັກແລະຫມາກໄມ້,ສະນັ້ນ,ການກິນນ້ຳຫມາກໄມ້ສົດຈອກຫນຶ່ງໃນຕອນເຊົ້າຄວນຖືເປັນຄວາມຊິນເຄີຍທີ່ດີ,ເພາະໄດ້ເພີ່ມຕື່ມທາດນ້ຳແລະທາດບຳລຸງທີ່ຮ່າງກາຍຕ້ອງ ການ,ແຕ່ເສຍດາຍຄົນທັງຫຼາຍມັກກິນນ້ຳນົມຈອກຫນຶ່ງກ່ອນ,ຈຶ່ງບໍ່ມີບ່ອນຫວ່າງກິນນ້ຳຫມາກໄມ້ໄດ້ອີກ,ສິ່ງທີ່ຕ້ອງລະວັງນັ້ນແມ່ນໃນເວລາທ້ອງເປົ່າ,ຢ່າກິນນ້ຳຫມາກໄມ້ທີ່ສົ້ມຫຼາຍ,ຖ້າຈະກິນກໍຕ້ອງກິນອາຫານກ່ອນ,ເພື່ອບໍ່ໃຫ້ກະເພາະບໍ່ສະບາຍ,ບໍ່ວ່າແມ່ນນ້ຳຫມາກໄມ້ປະເພດໃດ,ໃນເວລາກິນເຂົ້າທ່ຽງແລະຄາບຄ່ຳກໍຢ່າກິນນ້ຳຫມາກໄມ້ຫຼາຍ,ເພາະວ່າທາດອາຊິດໃນນ້ຳຫມາກໄມ້ກະກະທົບກະເທືອນເຖິງທາດກົດໃນກະເພາະລຳໄສ້ໂດຍກົງ,ນ້ຳຍ່ອຍອາຫານໃນກະເພາະຈາງລົງ,ແລະອາຊິດໃນນ້ຳຫມາກໄມ້ຖ້າໄປປະສົມກັບທາດບຳລຸງໃດຫນຶ່ງໃນອາຫານ ແລ້ວຈະກະທົບກະເທືອນເຖິງການຮັບເອົາທາດບຳລຸງເຫຼົ່ານີ້,ເຮັດໃຫ້ຄົນຮູ້ສຶກຍື່ງທ້ອງ,ກິນເຂົ້າບໍ່ລົງ,ອາຫານກໍ່ບໍ່ຍ່ອຍ,ທ້ອງບໍ່ສະບາຍ,ສະນັ້ນ,ນອກຈາກອາຫານເຊົ້າແລ້ວ,ຄາບທ່ຽງກັບຄາບຄ່ຳຢ່າກິນນ້ຳຫມາກໄມ້ຫຼາຍ.
ຜູ້ເຖົ້າແລະເດັກນ້ອຍກິນນ້ຳຫມາກໄມ້ຈັກຫນ້ອຍຫນຶ່ງ,ຈະຊ່ອຍຍ່ອຍອາຫານ,ພາໃຫ້ຖ່າຍສະດວກ,ຕາບຈູນທາດບຳລຸງບາງຢ່າງທີ່ບໍ່ມີໃນອາຫານ,ໃນນ້ຳຫມາກໄມ້ໄດ້ຮັກສາທາດບຳລຸງສ່ວນຫຼາຍຂອງຫມາກໄມ້,ຕົວຢ່າງຄື ວິຕາມິນ ທາດແຮ່ ທາດນ້ຳຕານແລະທາດວຸ້ນໃນເຍື້ອໃຍອາຫານເປັນຕົ້ນ,ລົດຊາດກໍແຊບກວ່ານ້ຳລ້າ,ເມື່ອທ່ຽບກັບນ້ຳລ້າແລະນ້ຳອັດລົມແລ້ວ,ນ້ຳຫມາກໄມ້ແມ່ນດີກວ່າແທ້,ແຕ່ວ່າ ນ້ຳຫມາກໄມ້ຫຼາຍຢ່າງແຊບແມ່ນຍ້ອນວ່າໄດ້ໃສ່ນ້ຳຕານແລະເຄື່ອງຫອມອື່ນໆ.
ຕ້ອງເຕືອນເພື່ອນທັງຫຼາຍກວ່າ,ທາດບຳລຸງຂອງນ້ຳຫມາກໄມ້ແມ່ນຕ່າງກັບຫມາກໄມ້ຫຼາຍ,ນ້ຳຫມາກໄມ້ແມ່ນເຂົ້າແທນຫມາກໄມ້ບໍ່ໄດ້,ດ້ວຍເຫດນີ້,ເວົ້າສຳລັບຜູ່ທີ່ກິນຫມາກໄມ້ສົດໄດ້ນັ້ນ,ທາດບຳລຸງຂອງຫມາກໄມ້ສົດແມ່ນດີທີ່ສຸດໃນວິຊາໂພຊະນາການ.
|
