|
|
 |
| (GMT+08:00)
2005-12-10 17:30:27
|
 |
|
ການຊຳລະບັນຫາໄຕ້ຫວັນຢ່າງເໝາະສົມແມ່ນຂໍກະແຈແຫ່ງການຂະຫຍາຍການພົວພັນລະຫວ່າງສອງກອງທັບຈີນອາເມລິກາຢ່າງໜັກແໜ້ນ
cri
Author: MO
ຕາມຂ່າວສານຊີນຮວາ: ວັນທີ 9 ທັນວາ, ທ່ານຊົງກວງຄາຍ ຮອງເສນາທິການໃຫຍ່ຂອງກອງທັບປົດປ່ອຍປະຊາຊົນຈີນກ່າວເນັ້ນວ່າ, ການຊຳລະບັນຫາໄຕ້ຫວັນຢ່າງເໝາະສົມແມ່ນຂໍກະແຈແຫ່ງການຂະຫຍາຍການພົວພັນລະຫວ່າງສອງກອງທັບຈີນອາເມລິກາຢ່າງໜັກແໜ້ນ.
ໃນເວລາພົບປະສະມາຊິກຂອງຄະນະຜູ້ແທນສອງຝ່າຍຈີນອາເມລິກາທີ່ເຂົ້າຮ່ວມການພົບປະເຮັດວຽກລະຫວ່າງກະຊວງປ້ອງກັນປະເທດຈີນອາເມລິການັ້ນ, ທ່ານຊົງກວງຄາຍຊີ້ອອກວ່າ, ການຄັດຄ້ານແລະສະກັດກັ້ນໄຕ້ຫວັນເປັນເອກະລາດ ປົກປັກຮັກສາສັນຕິພາບແລະສະຖຽນລະພາບຂອງຊ່ອງແຄບໄຕ້ຫວັນແມ່ນສອດຄ່ອງກັບຜົນປະໂຫຍດຮ່ວມຂອງສອງຝ່າຍຈີນອາເມລິກາ. ຝ່າຍຈີນຫວັງໃຫ້ຝ່າຍອາເມລິກາປະຕິບັດຄຳໝັ້ນສັນຍາຢ່າງແທ້ຈິງ, ພ້ອມກັນກັບຝ່າຍຈີນຄັດຄ້ານແລະສະກັດກັ້ນໄຕ້ຫວັນເປັນເອກະລາດ, ບໍ່ສົ່ງສັນຍານຜິດພາດໃຫ້ໄຕ້ຫວັນ, ປົກປັກຮັກສາສັນຕິພາບແລະສະຖຽນລະພາບຂອງຊ່ອງແຄບໄຕ້ຫວັນແລະຜົນປະໂຫຍດຮ່ວມຂອງຈີນອາເມລິກາ.
ຕາມຊາບວ່າ, ໃນການພົບປະເທື່ອນີ້, ສອງຝ່າຍຈີນອາເມລິກາໄດ້ແລກປ່ຽນຄວາມເຫັນກ່ຽວກັບບັນຫາການພົວພັນລະຫວ່າງສອງກອງທັບຈີນອາເມລິກາ, ແຜນການໄປມາຫາສູ່ກັນລະຫວ່າງສອງກອງທັບ, ພ້ອມດ້ວຍການປຶກສາຫາລືຄວາມປອດໄພດ້ານການທະຫານເທິງທະເລຈີນອາເມລິກາເປັນຕົ້ນ. ສອງຝ່າຍເປັນເອກະສັນກັນເຫັນວ່າ, ການພົບປະແມ່ນຕັ້ງໜ້າ ກົງໄປກົງມາ ຕິດແທດຕົວຈິງແລະໄດ້ຮັບຜົນອຸດົມສົມບູນ. ຜ່ານການພົບປະ, ສອງຝ່າຍບໍ່ພຽງແຕ່ຊອກເຫັນພື້ນຖານສຳຄັນແຫ່ງການຮ່ວມມືເທົ່ານັ້ນ, ຫາກຍັງໄດ້ປະກົດເຫັນຄວາມເຫັນຂັດກັນແລະສະແຫວງຫາຊ່ອງທາງແກ້ໄຂຢ່າງຕັ້ງໜ້າ.
|
|
|
