|
|
 |
| (GMT+08:00)
2005-12-10 20:42:10
|
 |
|
ກອງປະຊຸມເວທີປາໄສພາກພື້ນອາຊີ-ໂອຊຽນນີຂອງສະມາຄົມນັກກິລາໂອລິມປິກໂລກຄັ້ງທີ 2 ໄດ້ຈັດຂຶ້ນຢູ່ປັກກິ່ງ
cri
Author: MO
ຕາມຂ່າວCRI：ວັນທີ 10 ທັນວາ, ກອງປະຊຸມເວທີປາໄສພາກພື້ນອາຊີ-ໂອຊຽນນີຂອງສະມາຄົມນັກກິລາໂອລິມປິກໂລກຄັ້ງທີ 2 ໄດ້ຈັດຂຶ້ນຢູ່ປັກກິ່ງ.
ຜູ້ແທນນັກກິລາໂອລິມປິກ 21 ຄົນທີ່ມາຈາກ 19 ປະເທດແລະເຂດແຄວ້ນຂອງອາຊີແລະທະວີບໂອຊຽນນີ, ພ້ອມດ້ວນທ່ານສະມິດ ປະທານສະມາຄົມນັກກິລາໂອລິມປິກໂລກ ກຳມະການຄະນະກຳມະການໂອລິມປິກສາກົນໄດ້ເຂົ້າຮ່ວມເວທີປາໄສເທື່ອນີ້. ຜູ້ຕາງໜ້າຈີນເຂົ້າຮ່ວມກອງປະຊຸມເວທີປາໄສນັ້ນແມ່ນນາງຢາງຢາງ ແຊມປຽນແລ່ນສະເກັດໄວໄລຍະສັ້ນຂອງງານກິລາໂອລິມປິກລະດູໜາວປີ 2002. ຫົວຂໍ້ຂອງກອງປະຊຸມເວທີປາໄສເທື່ອນີ້ແມ່ນ: ສ້າງສາງຂໍ້ມູນຂ່າວສານນັກກິລາໂອລິມປິກແລະສະພາບວຽກງານຂອງສະມາຄົມນັກກິລາໂອລິມປິກບັນດາປະເທດເປັນຕົ້ນ. ຄະນະກຳມະການຈັດງານກິລາໂອລິມປິກປັກກິ່ງໄດ້ແຈ້ງສະພາບຄວາມຄືບໜ້າຂອງວຽກງານກະກຽມງານກິລາໂອລິມປິກປັກກິ່ງໃຫ້ຜູ້ແທນບັນດາປະເທດຊາບ.
ສະມາຄົມນັກກິລາໂອລິມປິກໂລກໄດ້ສ້າງຕັ້ງຂຶ້ນເມື່ອປີ 1995, ຜູ້ລິເລີ່ມແມ່ນທ່ານຊາມາລານສ໌ ອະດີດປະທານຄະນະກຳມະການໂອລິມປິກສາກົນ. ອົງການດັ່ງກ່າວມີວັດຖຸປະສົງຮ່ວມສຳພັນກັບນັກກິລາໂອລິມປິກໃນແຫ່ງຕ່າງໆຂອງໂລກ, ພ້ອມກັນເຜີຍແຜ່ທັດສະນະຄະຕິຄຸນຄ່າໂອລິມປິກແລະດຳເນີນການເຄື່ອນໄຫວສັງຄົມຕ່າງໆທີ່ກ່ຽວພັນກັບກິລາ. ກອງປະຊຸມເວທີປາໄສເທື່ອນີ້ຈະອັດລົງໃນວັນທີ 11 ທັນວາ.
|
|
|
