|
ສິງກະໂປໃຊ້ມາດຕະການຢ່າງຕັ້ງໜ້າຮັບມືກັບການຂົ່ມຂູ່ທີ່ຄົນຕິດພະຍາດໄຂ້ຫວັດສັດປີກ
cri
ຕາມຂ່າວສານຊີນຮວາ,ເພື່ອຮັບມືກັບສະພາບທີ່ຄົນຕິດພະຍາດໄຂ້ ຫວັດສັດປີກ,ປັດຈຸບັນ,ລັດຖະບານສິງກະໂປໄດ້ສ້າງລະບອບເຕືອນໄພລ່ວງໜ້າທີ່ເຄັ່ງຄັດ,ແລະກຽມດຳເນີນການຝຶກຊ້ອມຂ້າມພາກສ່ວນກ່ຽວກັບຮັບມືກັບສະພາບທີ່ເກີດພະຍາດໄຂ້ຫວັດສັດປີກຂະໜາດໃຫຍ່ໃນທົ່ວໂລກໃນຕົ້ນປີໜ້າ,ເພື່ອຮັບປະກັນໃຫ້ບັນດາກົນໄກຮັບມືເສີມຂະຫຍາຍບົດບາດຢ່າງບັງເກີດຜົນ.
ຕາມໜັງສືພິມ ລຽນເຫີຈາວເປົ້າຂອງສິງກະໂປສະບັບວັນທີ10ທັນວາລາຍງານວ່າ,ປັດຈຸບັນ,ກະຊວງສາທາລະນະສຸກສິງກະໂປໄດ້ຈັດແບ່ງລະດັບຮ້າຍແຮງຂອງພະຍາດໄຂ້ຫວັດສັດປີກຕາມສັນຍານເຕືອນໄພລ່ວງໜ້າ ຕ່າງໆ,ຄືສີຂຽວ,ສີເຫຼືອງ,ສີແສດ,ສີແດງແລະສີດຳ,ແລະໃຊ້ມາດຕະການຮັບມືທີ່ຕ່າງກັນຕາມລະດັບຄວາມຮ້າຍແຮງ.ສະເພາະໜ້ານີ້,ສິງກະໂປພວມຢູ່ໃນລະ ດັບສີຂຽວ.
ເພື່ອຮັບມືກັບພະຍາດໄຂ້ຫວັດສັດປີກທີ່ອາດຈະເກີດຂຶ້ນໃນທຸກເວລາ, ປະຈຸບັນ,ກະຊວງສາທາລະນະສຸກສິງກະໂປໄດ້ສະສົມຢາຕ້ານເຊື້ອພະຍາດໄຂ້ຫວັດສັດປີກປະມານ4ແສນ3ໝື່ແກັດ,ຄາດວ່າປີ2006ຍັງຈະມີຢາ6ແສນແກັດສົ່ງໄປຮອດສິງກະໂປ.ນອກນີ້,ສິງກະໂປຍັງໄດ້ສັ່ງຊື້ວັກແຊງປ້ອງກັນຄົນຕິດພະຍາດໄຂ້ຫວັດສັດປີກ.
|
|
