|
ທ່ານອູປາງໂກຮຽກຮ້ອງໃຫ້ປະເທດອາຊີເອີລົບຮ່ວມມືໂຈມຕີການຕ້ອງໂທດຂ້າມຊາດທີ່ມີການຈັດຕັ້ງ
cri
|
ຕາມຂ່າວສານຊີນຮວາ,ວັນທີ9ທັນວາ,ກອງປະຊຸມອະທິໄອຍະການຂອງກອງປະຊຸມອາຊີເອີລົບໄດ້ຈັດຂຶ້ນຢູ່ນະຄອນເຊີນເຈີ້ນຂອງຈີນ.ໃນພິທີໄຂກອງປະຊຸມ,ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນຮຽກຮ້ອງໃຫ້ປະເທດອາຊີເອີລົບຮ່ວມມືໂຈມຕີການຕ້ອງໂທດຂ້າມຊາດທີ່ມີການຈັດຕັ້ງ.
ພາຍຫຼັງວິເຄາະສະຖານະການຄວາມໝັ້ນຄົງຂອງໂລກແລະພາກພື້ນ ອາຊີເອີລົບແລ້ວ,ທ່ານອູປາງໂກຊີ້ອອກວ່າ,ການຕ້ອງໂທດແບບໃໝ່ຈຳ ນວນໜຶ່ງເພີ່ມຂື້ນຢ່າງບໍ່ຢຸດຢັ້ງ,ໂດຍສະເພາະແມ່ນການຕ້ອງໂທດຂ້າມຊາດທີ່ມີການຈັດຕັ້ງ,ຄືກໍ່ການຮ້າຍ,ສໍ້ລາດບັງຫຼວງ,ຟອກເງິນ,ຢາເສບຕິດເປັນຕົ້ນໄດ້ກາຍເປັນສາທາລະນະໄພຂອງປະຊາຄົມໂລກແລ້ວ.ການເພີ່ມທະວີການຮ່ວມມືລະຫວ່າງຊາດ,ພ້ອມກັນໂຈມຕີການຕ້ອງໂທດຂ້າມຊາດທີ່ມີການຈັດຕັ້ງນັ້ນ,ແມ່ນຄວາມມຸ່ງມາດປາຖະໜາຮ່ວມຂອງປະຊາຊົນບັນດາປະເທດອາ ຊີແລະເອີລົບ,ແລະກໍ່ແມ່ນພາລະໜ້າທີ່ທີ່ຫຼີກເວັ້ນບໍ່ໄດ້ຂອງອົງການໄອຍະການຂອງບັນດາປະເທດອາຊີເອີລົບ.
ກອງປະຊຸມອະທິໄອຍະການຂອງກອງປະຊຸມອາຊີເອີລົບແມ່ນອົງການໄອຍະການປະຊາຊົນສູງສຸດຂອງຈີນກັບອົງການໄອຍະການຂອງປະເທດຕ່າງໆຄື ດານມາກ,ສ.ເກົາຫຼີເປັນຕົ້ນຮ່ວມກັນລິເລີ່ມ,ອົງການໄອຍະການປະຊາຊົນສູງສຸດຂອງຈີນເປັນເຈົ້າພາບຈັດຂຶ້ນ.
|
|
