|
|
 |
| (GMT+08:00)
2005-12-11 18:22:29
|
 |
|
ທ່ານວາງຈ້າວໂກຮຽກຮ້ອງໃຫ້ກຳມະບານທຸກຂັ້ນຂອງຈີນເພີ່ມທະວີການປົກປ້ອງສິດແລະຜົນປະໂຫຍດຂອງກຳມະກອນຕື່ມອີກ
cri
Author: MO
ຕາມຂ່າວສານຊີນຮວາ: ວັນທີ 10 ທັນວາຢູ່ທີ່ປັກກິ່ງ, ທ່ານວາງຈ້າວໂກຮອງປະທານຄະນະປະຈຳສະພາປະຊາຊົນແຫ່ງຊາດຈີນ ປະທານສະຫະພັນກຳມະບານແຫ່ງຊາດຈີນຊີ້ອອກວ່າ, ກຳມະບານທຸກຂັ້ນຂອງຈີນຕ້ອງເພີ່ມທະວີການປົກປ້ອງສິດແລະຜົນປະໂຫຍດຂອງກຳມະກອນຕື່ມອີກ.
ທ່ານວາງຈ້າວໂກແມ່ນໃຫ້ທັດສະນະດັ່ງກ່າວໃນກອງປະຊຸມກຳມະບານທີ່ຈັດຂຶ້ນໃນມື້ດຽວກັນ. ທ່ານກ່າວເນັ້ນວ່າ, ກຳມະບານທຸກຂັ້ນຕ້ອງເຕືອນໃຫ້ອົງການປົກຄອງແລະຂະແໜງການທີ່ກ່ຽວຂ້ອງແກ້ໄຂບັນຫາຕິດເງິນເດືອນຂອງກຳມະກອນຢ່າງແທ້ຈິງ, ອອກແຮງຊຸກຍູ້ປະຕິບັດຂໍ້ຜູກພັນການອອກແຮງງານ, ຊຸກຍູ້ໃຫ້ເງິນເດືອນຂອງກຳມະກອນເພີ່ມຂຶ້ນພ້ອມກັນກັບລະດັບປະສິດທິຜົນເສດຖະກິດຂອງວິສາຫະກິດແລະການພັດທະນາເສດຖະກິດສັງຄົມແຫ່ງລັດ; ພ້ອມທັງເອົາໃຈໃສ່ໃນລະດັບສູນຕໍ່ບັນຫາຄວາມປອດໄພດ້ານການອອກແຮງງານຂອງກຳມະກອນ, ຫລີກເວັ້ນບໍ່ໃຫ້ເກີດອຸບັດຕິເຫດໃຫຍ່ທີ່ອັນຕະລາຍຕໍ່ຄວາມປອດໄພດ້ານຊີວິດຂອງກຳມະກອນ. ທ່ານຍັງຮຽກຮ້ອງໃຫ້ກຳມະບານທຸກຂັ້ນຊ່ອຍແກ້ໄຂຄວາມຫຍຸ້ງຍາກແລະບັນຫາຕົວຈິງໃນການຜະລິດແລະການດຳລົງຊີວິດຂອງກຳມະກອນຢ່າງຕັ້ງໜ້າ.
|
|
|
