|
|
 |
| (GMT+08:00)
2005-12-11 19:15:52
|
 |
|
ສປປເກົາຫຼີຕິຕຽນອາເມລິກາຕັ້ງແກ້ງທຳລາຍການເຈລະຈາຫົກຝ່າຍ
cri
ຕາມຂ່າວສານຊິນຮວາ,ວັນທີ10ທັນວາຢູ່ພຽງຢາງ,ໂຄສົກກະຊວງການຕ່າງປະເທດສປປເກົາ ຫຼີໄດ້ກ່າວຄຳປາໄສ,ກ່າວຕີໂຕ້ທ່ານເວີສໂບເອກອັກຄະລັດຖະທູດອາເມລິກາປະຈຳສ.ເກົາຫຼີທີ່ໄດ້ໃສ່ຮ້າຍປ້າຍສີໃນຫວ່າງກ່ອນນີ້ວ່າສປປເກົາຫຼີແມ່ນອຳນາດການປົກຄອງຕ້ອງໂທດ,ແລະຕິຕຽນອາເມລິກາຕັ້ງແກ້ງຂັດຂວາງສປປເກົາຫຼີເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານິວເຄຼຍແຫຼມເກົາຫຼີ,ເພື່ອບັນລຸຈຸດປະສົງທີ່ທຳລາຍການເຈລະຈາຫົກຝ່າຍ.
ໂຄສົກກະຊວງການຕ່າງປະເທດສປປເກົາຫຼີກ່າວວ່າ,ຫວ່າງກ່ອນນີ້ບໍ່ດົນ,ອາເມລິກາຕິຕຽນສປປເກົາຫຼີດຳເນີນການເຄື່ອນໄຫວທີ່ຜິດກົດໝາຍ. ສປປເກົາຫຼີໄດ້ກວດກາ"ຂໍ້ມູນ"ທີ່ອາເມລິກສະເໜີອອກມາ,ແລ້ວປະກົດເຫັນວ່າສິ່ງເຫຼົ່ານີ້ແມ່ນເສກສັນປັ້ນແຕ່ງທັງນັ້ນ.ໂຄສົກຜູ້ນີ້ເຫັນວ່າ,ການກະທຳຕ່າງໆນາໆຂອງລັດຖະບານອາເມລິກາສະແດງໃຫ້ເຫັນວ່າ,ອາເມລິກາບໍ່ມີເຈດຈຳນົງຈັກຕີ້ທີ່ແກ້ໄຂບັນຫານິວເຄຼນໂດຍຜ່ານຈາກການເຈລະຈາກັນ,ແລະພວມລະເມີດຫຼັກການພື້ນຖານເທື່ອລະຂໍ້ທີ່ຖະແຫຼງການຮ່ວມຂອງການ ເຈລະຈາຫົກຝ່າຍກຳນົດນັ້ນເທື່ອລະກ້າວ.
ຕາມລາຍງານວ່າ,ຫວ່າງກ່ອນນີ້,ທ່ານເວີສໂບໄດ້ກ່າວຄຳປາໄສຢູ່ເຊ ອຸ່ນ ນະຄອນຫຼວງສ.ເກົາຫຼີ,ເອີ້ນສປປເກົາຫຼີເປັນອຳນາດການປົກຄອງຕ້ອງໂທດ,ແລະເວົ້າວ່າອາເມລິກາຈະບໍ່ເຈລະຈາກັບສປປເກົາຫຼີກ່ຽວກັບບັນຫາລົງໂທດດ້ານການເງິນ.
|
|
|
