|
ບຸກຄົນຄັດຄ້ານສົງຄາມຈັດງານໂຮມຊຸມນຸມສັນຕິພາບ,ຮຽກຮ້ອງໃຫ້ກອງທະຫານອາເມລິກາແລະອັງກິດຖອນອອກຈາກອີຣັກໂດຍໄວ
cri
Author: zhangshuo
ຕາມຂ່າວສານຊິນຮວາ:ວັນທີ10ທັນວາ, "ກອງປະຊຸມສັນຕິພາບສາກົນ"ທີ່ມີຈຸດປະສົງຄັດ ຄ້ານອາເມລິກາແລະອັງກິດກໍ່ສົງຄາມອີຣັກນັ້ນໄດ້ຈັດຂຶ້ນຢູ່ທີ່ລອນດອນ.ມີບຸກຄົນຄັດຄ້ານ ສົງຄາມປະມານ1500ຄົນໄດ້ເຂົ້າຮ່ວມງານໂຮມຊຸມນຸມ,ກ່າວປະນາມຢ່າງຮຸນແຮງຕໍ່ອາເມລິກາແລະອັງກິດກໍ່ສົງຄາມອີຣັກ,ຮຽກຮ້ອງໃຫ້ກອງທະຫານອາເມລິກາແລະອັງກິດຖອນອອກຈາກອີຣັກໂດຍໄວ.
ກອງປະຊຸມເທື່ອນີ້ແມ່ນຈັດຂຶ້ນໂດຍສະຫະພັນຢຸດຕິສົງຄາມ ເຊິ່ງເປັນອົງການຈັດຕັ້ງການເມືອງທີ່ຄັດຄ້ານສົງຄາມທີ່ໃຫຍ່ກວ່າໝູ່ຂອງອັງກິດ.ກອງປະຊຸມໄດ້ອອກຖະແຫຼງການວ່າ,ສົງຄາມອີຣັກທີ່ກອງທະຫານອາເມລິກາແລະອັງກິດກໍ່ຂຶ້ນນັ້ນໄດ້ລະເມີດກົດບັດສະຫະປະ ຊາຊາດ,ກອງທະຫານອາເມລິກາແລະອັງກິດໄດ້ທຳລາຍການພັດທະນາສັງຄົມ ເສດຖະ ກິດແລະວັດທະນະທຳຂອງອີຣັກ,ແລະມີຄວາມອັນຕະລາຍຕໍ່ສັນຕິພາບຂອງພາກພື້ນຕາເວັນອອກກາງຕະຫຼອດຮອດຂອງໂລກ.ຖະແຫຼງການຮຽກຮ້ອງໃຫ້ກອງທະຫານຂອງອາເມລິກາແລະອັງກິດສິ້ນສຸດການຍຶດຄອງອີຣັກໃນທັນທີ,ສົ່ງຄືນອະທິປະໄຕແຫ່ງຊາດໃຫ້ປະ ຊາຊົນອີຣັກ.
|
|
