|
ປະລິມານການຜະລິດນ້ຳມັນເຊື້ອໄຟຂອງຈີນຈະບັນລຸ200ລ້ານໂຕນໃນປະມານປີ2010
cri
ຕາມຂ່າວສານຊີນຮວາ,ວັນທີ10ທັນວາຢູ່ປັກກິ່ງ,ເຈົ້າໜ້າທີ່ກະຊວງຊັບພະຍາກອນດິນແດນແຫ່ງຊາດຈີນເຜີຍໃຫ້ຮູ້ວ່າ,ຮອດປະມານປີ2010, ປະລິມານການຜະລິດນ້ຳມານເຊື້ອໄພຂອງຈີນຈະບັນລຸ200ລ້ານໂຕນ,ແລະສາມາດຮັກສາລະດັບດັ່ງກ່າວເປັນເວລາ15ປີຂຶ້ນໄປຢ່າງຕໍ່ເນື່ອງ.
ໃນເວລາເຂົ້າຮ່ວມເວທີປາໄສພະລັງງານເທື່ອໜຶ່ງທີ່ຈັດຂຶ້ນຢູ່ປັກກິ່ງ, ທ່ານເຊີຊາງໂປ່ ຮອງຫົວໜ້າສູນຄົ້ນຄວ້າຍຸດທະສາດຊັບພະຍາກອນນ້ຳມັນເຊື້ອໄຟແລະອາຍແກັສທຳມະຊາດຂອງກະຊວງຊັບພະຍາກອນດິນແດນແຫ່ງຊາດຈີນໄດ້ແນະນຳກ່ຽວກັບເລື່ອງນີ້.ທ່ານເວົ້າວ່າ,ອີງຕາມຜົນປະເມີນຊັບພະຍາກອນນ້ຳມັນເຊື້ອໄຟແລະອາຍແກັສຫຼ້າສຸດ,ແຕ່ປີ2005ຫາ2020, ປະລິມານສະສົມນ້ຳມັນເຊື້ອໄຟຂອງຈີນທີ່ໄດ້ຄົ້ນພົບແລ້ວນັ້ນຈະເພີ່ມຂຶ້ນຢ່າງໝັ້ນທ່ຽງ,ປະລິມານຜະລິດນ້ຳມັນເຊື້ອໄຟກໍ່ຈະສູງຂຶ້ນຢ່າງຕໍ່ເນື່ອງ.ທ່ານຍັງໄດ້ນຳເອົາການຄາດຄະເນລາຍໜຶ່ງມາອ້າງວ່າ,ປີ2010,ຄວາມຕ້ອງການນ້ຳມັນເຊື້ອໄຟພາຍໃນປະເທດຈີນຈະບັນລຸ380ລ້ານໂຕນ,ໃນນັ້ນ,ມີເຄິ່ງໜຶ່ງຂຶ້ນໄປສາມາດກຸ້ມຕົນເອງ.
ຕາມໄດ້ຊາບ,ໃນສາມໄຕມາດຕົ້ນປີ2005,ຈີນໄດ້ຂາເຂົ້ານ້ຳມັນດິບລວມ90ລ້ານກວ່າໂຕນ.
|
|
