|
|
 |
| (GMT+08:00)
2005-12-11 20:38:40
|
 |
|
ພິທີມອບລາງວັນໂນເບນຈັດຂຶ້ນຢູ່ສະຕົກໂຄມ
cri
|
ຕາມຂ່າວສານຊີນຮວາ,ວັນທີ10ທັນວາ,ພິທີມອບລາງວັນໂນເບນປີ 2005ໄດ້ຈັດຂຶ້ນຢູ່ສະຕົກໂຄມ ນະຄອນຫຼວງຊູແອັດ.
ຕອນບ່າຍວັນທີ10ທັນວາ,ສົມເດັດການລັດຊະການທີ16ກຸສຕາຟເຈົ້າຊີວິດຊູແອັດພ້ອມກັບບຸກຄົນສຳຄັນໃນວົງການການເມືອງຊູແອັດແລະບຸກຄົນທີ່ມີຊື່ສຽງຂອງວົງການຕ່າງໆລວມ2000ກວ່າຄົນໄດ້ເຕົ້າໂຮມກັນຢູ່ໂຮງດົນຕີເມືອງສະຕົກໂຄມ,ເຂົ້າຮ່ວມພິທີມອບລາງວັນອັນຄຶກຄື້ນທີ່ກອງທຶນໂນເບນຊູແອັດຈັດຂຶ້ນເພື່ອເປັນກຽດແກ່ຜູ້ໄດ້ຮັບລາງວັນໂນເບນຟິຊິກສາດ,ເຄມີສາດ,ຊີວະສາດຫຼືແພດສາດ,ວັນນະຄະດີແລະເສດຖະສາດ11ທ່ານ.
ໃນພິທີມອບລາງວັນ,ປະທານກອງທຶນໂນເບນໄດ້ສະແດງຄວາມຂອບ ໃຈຕໍ່ຜູ້ໄດ້ຮັບລາງວັນໂນເບນທີ່ໄດ້ປະກອບສ່ວນອັນໃຫຍ່ຫຼວງເຂົ້າໃນການ ຊຸກຍູ້ເຕັກນິກວິທະຍາສາດແລະເສດຖະກິດຂອງໂລກໃຫ້ມີການພັດທະນາແລະເຮັດໃຫ້ວັນນະຄະດີຂອງໂລກຈະເລີນຮຸ່ງເຮືອງ.
ວັນທີ10ທັນວາແມ່ນວັນລະລຶກການເຖິງແກ່ກຳຂອງທ່ານໂນເບນ ນັກວິທະຍາດສາດຊູແອັດ.ແຕ່ລະປີງານມອບລາງວັນໂນເບນລ້ວນແຕ່ຈັດຂຶ້ນໃນວັນທີ10ທັນວາ.
|
|
|
