|
|
 |
| (GMT+08:00)
2005-12-11 20:40:55
|
 |
|
ທ່ານເວີ່ນເຈ່ຍປາວເດີນທາງໄປຮອດກົວລາລຳເປີ
cri
Author: mo
|
ຕາມຂ່າວCRI: ວັນທີ 11 ທັນວາ, ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ຂີ່ຍົນພິເສດເດີນທາງໄປຮອດກົວລາລຳເປີ ນະຄອນຫລວງມາເລເຊຍ, ເຂົ້າຮ່ວມກອງປະຊຸມຜູ້ນຳຈີນອາຊຽນຄື 10+1 ຄັ້ງທີ 9, ກອງປະຊຸມຜູ້ນຳອາຊຽນຈີນຍີ່ປຸ່ນສ.ເກົາຫລີຄື 10+3 ຄັ້ງທີ 9, ແລະກອງປະຊຸມສຸດຍອດອາຊີຕາເວັນອອກຄັ້ງປະຖົມມະເລີກທີ່ຈະຈັດຂຶ້ນຢູ່ແຫ່ງນີ້ໃນໄວໆນີ້, ແລະຈະຢ້ຽມຢາມມາເລເຊຍຢ່າງເປັນທາງການ.
ໃນຄຳປາໄສທາງລາຍລັກອັກສອນຢູ່ເດີ່ນຍົນ, ທ່ານເວີ່ນເຈ່ຍປາວເວົ້າວ່າ, ທ່ານຄອງຄອຍແລກປ່ຽນຄວາມເຫັນຢ່າງເລິກເຊິ່ງກັບຜູ້ນຳບັນດາປະເທດກ່ຽວກັບການຊຸກຍູ້ການຮ່ວມມືອາຊີຕາເວັນອອກໃນກອງປະຊຸມຕ່າງໆ, ປະກອບສ່ວນເພື່ອສ້າງອາຊີຕາເວັນອອກທີ່ກົມກຽວກັນແລະຈະເລີນຮຸ່ງເຮືອງ. ຝ່າຍຈີນຍິນດີພ້ອມກັນພະຍາຍາມກັບຝ່າຍມາເລເຊຍ, ຊຸກຍູ້ໃຫ້ການພົວພັນຈີນມາເລເຊຍກ້າວໄປໜ້າຢ່າງບໍ່ຢຸດຢັ້ງ; ເຊື່ອວ່າ, ການຢ້ຽມຢາມເທື່ອນີ້ຍ່ອມຈະເພີ່ມທະວີມິດຕະພາບອັນມີມູນເຊື້ອຂອງປະຊາຊົນສອງປະເທດ, ບຸກເບີກແລະລົງເລິກການຮ່ວມມືຍຸດທະສາດຂອງສອງປະເທດຕື່ມອີກ.
ຕາມຮູ້ວ່າ, ໃນໄລຍະຢ້ຽມຢາມມາເລເຊຍ, ທ່ານເວີ່ນເຈ່ຍປາວຈະແຍກອອກພົບປະກັບນາຍົກລັດຖະມົນຕີແລະປະມຸກລັດສູງສຸດຂອງມາເລເຊຍ, ແລະຈະພົບພໍ້ບຸກຄົນວົງການຕ່າງໆຢ່າງກວ້າງຂວາງ.
ມາເລເຊຍແມ່ນປະເທດສຸດທ້າຍໃນການຢ້ຽມຢາມເອີລົບອາຊີຂອງທ່ານເວີ່ນເຈ່ຍປາວເທື່ອນີ້. ກ່ອນໜ້ານີ້, ທ່ານໄດ້ຢ້ຽມຢາມຝຼັ່ງ ສະໂລວັກກີ ເຊັກ ແລະປອກຕຸຍການ.
|
|
|
