|
|
(GMT+08:00)
2005-12-12 14:21:43
|
|
ການພັດທະນາໂດຍສັນຕິຂອງຈີນໄດ້ນຳເອົາໂອກາດຫຼາຍກວ່າເກົ່າມາໃຫ້ປະເທດອາຊີຕາເວັນອອກ
cri
ຕາມຂ່າວCRI,ວັນທີ12ທັນວາ,ຢູ່ມາເລເຊຍ,ທ່ານເວິນເຈຍປາວ ນາຍົກລັດຖະມົນຕີຈີນກ່າວວ່າ,ການພັດທະນາໂດຍສັນຕິຂອງຈີນບໍ່ພຽງແຕ່ໄດ້ສ້າງຄວາມສຸກໃຫ້ແກ່ປະຊາຊົນຈີນ1ຕື້300ລ້ານຄົນເທົ່ານັ້ນ,ແລະກໍໄດ້ນຳເອົາໂອກາດຫຼາຍກວ່າເກົ່າມາໃຫ້ປະເທດອາຊີຕາເວັນອອກອີກດ້ວຍ.
ວັນທີ12ທັນວາ,ໃນການປະຊຸມສົນທະນາຂອງຜູ່ນຳຂອງກອງປະຊຸມສຸດຍອດອາຊີຕາເວັນອອກ,ທ່ານເວິນເຈຍປາວໄດ້ກ່າວປາຖະກະຖາທີ່ພາດຫົວເລື່ອງວ່າ"ການພັດທະນາໂດຍສັນຕິຂອງຈີນກັບໂອກາດຂອງອາຊີຕາເວັນອອກ".ທ່ານກ່າວວ່າ,ໃນ5ປີຂ້າງໜ້າ,ຈີນຈະນຳເຂົ້າສິນຄ້າທີ່ມີມູນຄ່າ2ພັນຕື້ຢວນຂຶ້ນໄປຈາກອາຊີ,ບໍລິມາດຕະຫຼາດຈະຂະຫຍາຍກວ້າງອອກຕື່ມອີກ.ຄຽງຄູ່ກັບກຳລັງຕົວຈິງຂອງວິສາຫະກິດໄດ້ແຂງແຮງຂຶ້ນ,ຈີນຈະເສີມຂະຫຍາຍບົດບາດຫຼາຍກວ່າເກົ່າໃນດ້ານຊຸກຍູ້ໃຫ້ເສດຖະກິດພາກພື້ນເຕີບໂຕ.ພ້ອມກັນນັ້ນ,ຈີນຈະຕັ້ງໜ້າເຂົ້າຮ່ວມການຮ່ວມມືດ້ານພະລັງງານທີ່ຕ່າງຝ່າຍຕ່າງມີຜົນປະໂຫຍດ,ຕໍ່ໄປພາຍໜ້າ,ຈີນຍັງຈະສືບຕໍ່ພິຈາລະນາເຖິງປັດໄຈດ້ານເສດຖະກິດແລະການເງິນຂອງປະເທດຕົນ,ເຂດອ້ອມຂ້າງແລະທົ່ວໂລກ, ປະຕິຮູບລະບອບອັດຕາແລກປ່ຽນເງິນຢວນຈີນ.
ທ່ານເວິນເຈຍປາວກ່າວເນັ້ນວ່າ,ຈີນເລືອກເອົາເສັ້ນທາງພັດທະນາໂດຍສັນຕິແມ່ນຕັດສິນຢູ່ນຳຄວາມຕ້ອງການດ້ານການພັດທະນາຂອງຕົນ.ການພັດທະນາຂອງຈີນຕົ້ນຕໍແມ່ນອາໄສຕະຫຼາດກວ້າງໃຫຍ່ແລະຊັບພະຍາກອນແຮງງານອັນອຸດົມສົມບູນພາຍໃນປະເທດ,ພ້ອມກັນນັ້ນກໍຕ້ອງການດຳເນີນການຮ່ວມມືລະຫວ່າງຊາດຢ່າງກວ້າງຂວາງ.
ບຸກຄົນວົງການອຸດສາຫະກຳການຄ້າຂອງບັນດາປະເທດອາຊຽນປະມານ600ຄົນໄດ້ຮັບຟັງປາຖະກະຖາຂອງທ່ານເວິນເຈຍປາວ.
|
|
|