|
|
 |
| (GMT+08:00)
2005-12-12 15:41:36
|
 |
|
ອ່ານຈົດໝາຍຜູ້ຟັງ1209(ສຽງ)
cri
|
ສະບາຍດີທ່ານຜູ້ຟັງທີ່ໂຄລົບ, ຕໍ່ໄປແມ່ນໂມງອ່ານຈົດໝາຍຜູ້ຟັງ.
ນ້ອງສົມຊາຍ ທ່າວ ທີ່ເປັນນັກສຶກສາທີ່ກຳລັງຮຽນຢູ່ວິທະຍາໄລຂະແໜງການທຸລະກິດນັ້ນ ແມ່ນມິດລາຍການຂອງວິທະຍຸພວກເຮົາ, ຫວ່າງແລ້ວນີ້, ນ້ອງສົມຊາຍໄດ້ຂຽນຈົດໝາຍມາເລົ່າຄວາມຮູ້ສຶກຂອງຕົນໃນການຮັບຟັງວິທະຍຸຊີອາໄອພວກເຮົາ, ຕໍ່ໄປໃຫ້ພວກເຮົາພ້ອມກັນມາຟັງຄວາມຮູ້ສຶກຂອງນ້ອງສົມຊາຍ.
ເຖິງວ່າທີ່ຜ່ານມານ້ອງຍັງບໍ່ທັນໄດ້ຂຽນຈົດໝາຍມາຫາວິທະຍຸຊີອາໄອຈັກເທື່ອ, ແຕ່ນ້ອງກໍ່ຕິດຕາມຟັງຂ່າວເລື້ອຍໆຈາກທາງລາຍການວິທະຍຸຊີອາໄອພາກພາສາລາວ. ໃນແຕ່ລະວັນ ນ້ອງໄດ້ຕິດຕາມຟັງລາຍການຂ່າວຕ່າງໆແລະລາຍການສອນພາສາຈີນຂອງອ້າຍເອື້ອຍທີ່ໄດ້ສິດສອນໃນວິທະຍຸແຕ່ລະເທື່ອແຕ່ລະວັນຢູ່ໃນລາຍການ. ນັບແຕ່ມື້ທີ່ນ້ອງໄດ້ຮູ້ຈັກວິທະຍຸຊີອາໄອພາກພາສາລາວເປັນຕົ້ນມາ, ແມ່ນນ້ອງໄດ້ຟັງຂ່າວຕະຫຼອດມາແລະນ້ອງຢາກຟັງສຽງເວົ້າອັນມ່ວນໆຈາກທາງລາຍການແບບນີ້ຕະຫຼອດໄປແລະນ້ອງຢາກໃຫ້ບັນດາອ້າຍເອື້ອຍທຸກໆທ່ານຢູ່ໃນລາຍການພາກພາສາລາວນີ້ຢູ່ນຳພວກເຮົາແບບນີ້ຕະຫຼອດໄປ.
ປະຈຸບັນ, ນ້ອງເອງແມ່ນສົນໃຈນຳລາຍການກ່ຽວກັບພາສາຈີນ, ສະນັ້ນນ້ອງຈິ່ງຖືໂອກາດນີ້ຂໍປຶ້ມແບບຮຽນພາສາຈີນລະດັບເລີ່ມຕົ້ນ-ລະດັບກາງພ້ອມດ້ວຍຊີດີມາສຶກສາຈາກທາງລາຍການພາກພາສາຈີນ, ຍ້ອນວ່າພາສາຈີນເປັນພາສາໜຶ່ງທີ່ມີການນຳໃຊ້ຢູ່ສປປລາວຫຼາຍ, ນອກນັ້ນແລ້ວພາສາຈີນເປັນພາສາໜຶ່ງທີ່ມີການນຳໃຊ້ທົ່ວໂລກ, ດັ່ງນັ້ນນ້ອງເອງຄິດວ່າພາສາຈີນມີຜົນດີຫຼາຍທີ່ສຸດໃນປະຈຸບັນີ້.
ຂອບໃຈນ້ອງສົມຊາຍທີ່ໄດ້ຂຽນຈົດໝາຍມາໃຫ້ພວກເຮົາແລະພວກເຮົາກໍດີໃຈຫຼາຍທີ່ໄດ້ຮູ້ວ່ານ້ອງສົມຊາຍໄດ້ຕິດຕາມຮັບຟັງລາຍການວິທະຍຸພວກເຮົາມາໂດຍຕະຫຼອດ, ປຶ້ມແບບຮຽນພາສາຈີນທີ່ນ້ອງຕ້ອງການນັ້ນ, ພວກເຣົາຈະຝາກໄປໃຫ້ນ້ອງໃນໄວໆນີ້, ໃຫ້ນ້ອງຈົ່ງຕິດຕາມ. ພ້ອມກັນນັ້ນ, ພວກເຮົາຂໍບອກຜູ້ຟັງທັງຫຼາຍວ່າ, ແບບຮຽນພາສາຈີນສະບັບໃໝ່ຂອງວິທະຍຸພວກເຮົາໄດ້ຮຽບຮຽງດີແລ້ວ, ຖ້າຜູ້ຟັງທ່ານໃດຕ້ອງການ, ຈົ່ງໃຫ້ທ່ານຂຽນຈົດໝາຍມາບອກພວກເຮົາໂລດ, ພວກເຮົາຈະຝາກໄປໃຫ້ທ່ານໃນເວລາອັນເໝາະສົມ.
ສຸດທ້າຍ, ນ້ອງສົມຊາຍຍັງຢາກຂໍຟັງເພງນຳວິທະຍຸພວກເຮົາ, ແລະຂໍມອບໃຫ້ທຸກໆທ່ານທີ່ກຳລັງຮັບຟັງລາຍການວິທະຍຸຊີອາໄອຢູ່ດຽວນີ້. ຕໍ່ໄປ, ພວກເຮົາຂໍຈັດເພງcaihong ແປວ່າສາຍຮຸງ ສູ່ນ້ອງສົມຊາຍຟັງ, ພ້ອມກັນນັ້ນ, ກໍມອບໃຫ້ຜູ້ຟັງທັງຫຼາຍທີ່ພວມຟັງລາຍການວິທະຍຸຢູ່ດຽວນີ້, ຫວັງວ່າທ່ານຄົງຈະມັກ.
|
|
|
