|
ຜູ້ນຳຍີ່ປຸ່ນຕ້ອງໃຊ້ການເຄື່ອນໄຫວຕົວຈິງເຮັດໃຫ້ການພົວພັນຈີນຍີ່ປຸ່ນບໍ່ຖືກລົບກວນແລະທຳລາຍ
cri
ຕາມຂ່າວcri,ວັນທີ12ທັນວາຢູ່ກົວລາລຳເປີ,ທ່ານເວີນເຈຍປາວ ນາຍົກລັດ ຖະມົນຕີຈີນກ່າວວ່າ,ຜູ້ນຳຍີ່ປຸ່ນຕ້ອງໄປຕາມປ່ອງລ່ອງຕາມກະແສຂອງໂລກ,ຖືປະຫວັດສາດເປັນແວ່ນແຍງ,ອວ່າຍໜ້າໄປສູ່ອະນາຄົດ,ໃຊ້ການເຄື່ອນໄຫວຕົວຈິງ,ເຮັດໃຫ້ການພົວພັນຈີນຍີ່ປຸ່ນບໍ່ຖືກລົບກວນແລະທຳລາຍ.
ທ່ານເວີນເຈຍປາວແມ່ນໃຫ້ທັດສະນະດັ່ງກ່າວໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ.ທ່ານກ່າວວ່າ,ການພົບປະລະຫວ່າງຜູ້ນຳຈີນຍີ່ປຸ່ນແລະສ.ເກົາຫຼີແມ່ນພາກສ່ວນໜຶ່ງຂອງກອງປະຊຸມສຸດຍອດຕ່າງໆຂອງອາຊຽນ.ການພົບປະຄັ້ງນີ້ຖືກເລື່ອນເວລານັ້ນ,ໜ້າທີ່ຮັບຜິດຊອບບໍ່ຢູ່ນຳຝ່າຍຈີນ, ຝ່າຍຈີນກໍບໍ່ຢາກເຫັນສະພາບດັ່ງກ່າວ.ທ່ານກ່າວວ່າ,ມູນເຫດຕົ້ນຕໍທີ່ການພົວພັນຈີນຍີ່ປຸ່ນຊຸດຮ້າຍລົງແມ່ນຜູ້ນຳຍີ່ປຸ່ນບໍ່ສາມາດປະຕິບັດຕໍ່ບັນຫາປະຫວັດສາດຢ່າງຖືກຕ້ອງ,ໄປນະມັດສະການວັດຢາຊຶຄູນີທີ່ຕັ້ງປ້າຍອາດສະຍາກອນສົງຄາມຊັ້ນກ.ຂອງສົງຄາມໂລກຄັ້ງທີສອງຫ້າເທື່ອລຽນຕິດ,ໄດ້ບາດໃຈປະຊາຊົນປະເທດອາຊີຊຶ່ງລວມທັງປະຊາຊົນຈີນຢ່າງຮ້າຍແຮງທີ່ສຸດ.
ພ້ອມກັນນັ້ນທ່ານກ່າວເນັ້ນວ່າ,ຝ່າຍຈີນມີຄວາມເຫັນຕະຫຼອດມາວ່າ, ການຂະຫຍາຍການພົວພັນຈີນຍີ່ປຸ່ນທີ່ໜັກແໜ້ນຍາວນານສອດຄ່ອງກັບຜົນປະໂຫຍດກົກຮາກຂອງປະຊາຊົນສອງຊາດ,ແມ່ນທິດທາງຂອງຈີນທີ່ໝັ້ນໜຽວບໍ່ປ່ຽນແປງ.ເຖິງວ່າໃນເວລາຫຍຸ້ງຍາກທີ່ສຸດ,ທິດທາງດັ່ງກ່າວຂອງຈີນກໍ່ບໍ່ໄດ້ຫວັ່ນໄຫວຄອນແຄນຈັກເທື່ອ.
|
|
