|
ລາຄານ້ຳມັນດິບທີ່ຊື້ຂາຍລ່ວງໜ້າໃນຕະຫຼາດສາກົນຖີບສູງຂຶ້ນຢ່າງຫຼວງຫຼາຍ
cri
ຕາມຂ່າວCRI,ຍ້ອນຖືກຜົນສະທ້ອນຈາກປັດໄຈຕ່າງໆເຊັ່ນອົງການໂອເປັກຈະສືບຕໍ່ຮັກສາໂກຕາຈຳກັດການຜະລິດນ້ຳມັນດິບຕໍ່ມື້ໃນປັດຈຸບັນບໍ່ປ່ຽນແປງແລະອື່ນໆ,ວັນທີ12ທັນວາ,ລາຄານ້ຳມັນດິບທີ່ຊື້ຂາຍລ່ວງໜ້າໃນຕະຫຼາດສາກົນໄດ້ສູງຂຶ້ນຢ່າງຫຼວງຫຼາຍ,ໃນນັ້ນລາຄາໃນຕະຫຼາດນິວຢອກໄດ້ສູງຂຶ້ນເກືອບ2ໂດລາ.
ມື້ດຽວກັນ,ລາຄານ້ຳມັນດິບທາດເບົາທີ່ຊື້ຂາຍລ່ວງໜ້າແລະຈະມອບ ສິນຄ້າໃນເດືອນມັງກອນປີ2006ຂອງຕະຫຼາດຊື້ຂາຍສິນຄ້ານິວຢອກໄດ້ສູງກວ່າມື້ຄ້າຂາຍທີ່ຜ່ານມາ1,91ໂດລາຕໍ່ບາເລນ,ລາຄາເລີກຕະຫຼາດແມ່ນ61,30ໂດລາ.ລາຄານ້ຳມັນດິບເບຼນດທະເລເໜືອທີ່ຊື້ຂາຍລ່ວງໜ້າແລະຈະມອບສິນຄ້າໃນເດືອນມັງກອນປີ2006ໃນຕະຫຼາດນ້ຳມັນເຊື້ອໄຟສາກົນລອນດອນໄດ້ສູງກວ່າມື້ຄ້າຂາຍທີ່ຜ່ານມາ1,09ໂດລາຕໍ່ບາເລນ,ລາຄາເລີກຕະຫຼາດແມ່ນ58,40ໂດລາ.ລາຄານ້ຳມັນເຊື້ອໄຟ,ນ້ຳມັນແອັດຊັງແລະອາຍແກັສທຳມະຊາດທີ່ຊື້ຂາຍລ່ວງໜ້າໃນຕະຫຼາດນິວຢອກໃນມື້ດຽວກັນກໍ່ໄດ້ຖີບສູງຂຶ້ນເລັກໜ້ອຍ.
|
|
