|
|
 |
| (GMT+08:00)
2005-12-13 15:23:53
|
 |
|
ພໍ່ຄ້າຕ່າງປະເທດຢູ່ຕະຫຼາດສິນຄ້ານ້ອຍເມືອງອີ້ອູ່
cri
|
ເມືອງອີ້ອູ່ແມ່ນເມືອງນ້ອຍຂອງແຂວງເຈີ້ຈ່ຽງພາກຕາເວັນອອກຂອງຈີນ,ມີຊື່ສຽງດົ່ງດັງຍ້ອນຜະລິດແລະຈຳໜ່າຍສິນຄ້ານ້ອຍໃຊ້ປະຈຳວັນ.ຍ້ອນສິນຄ້າຢູ່ແຫ່ງນີ້ມີຫຼາຍຊະນິດແລະລາຄາຖືກ,ໄດ້ດຶງດູດພໍ່ຄ້າຊາວຂາຍຂອງປະເທດຕ່າງໆໃນໂລກມາດຳເນີນທຸລະກິດການຄ້າຢູ່ແຫ່ງນີ້,ແຕ່ລະມື້ຢູ່ແຫ່ງ ນີ້ມີສິນຄ້າຕັ້ງພັນກວ່າຕູ້ສົ່ງໄປທົ່ວໂລກ.ໃນລາຍການມອງຕ່າງມຸມພາກນີ້,ພວກເຮົາຈະເລົ່າສະພາບທີ່ພໍ່ຄ້າຕ່າງປະເທດດຳເນີນທຸລະກິດການຄ້າຢູ່ຕະຫຼາດສິນຄ້ານ້ອຍເມືອງອີ້ອູ່ສູ່ທ່ານຟັງ.
ທ່ານຟຼໍຣຽນແມ່ນພໍ່ຄ້າເຢຍລະມັນທີ່ດຳເນີນທຸລະກິດຢູ່ເມືອງອີ້ອູ່,ແຕ່ລະມື້ສິ່ງທີ່ດີໃຈກວ່າໝູ່ຂອງທ່ານກໍ່ແມ່ນສະໜອງແລະຊອກຫາຂໍ້ມູນຂ່າວ ສານດ້ານສິນຄ້າໃຫ້ລູກຄ້າຂອງຕົນທີ່ຢູ່ແຫ່ງຕ່າງໆໃນໂລກ,ແລະສະໜອງຮູບການຈໍລະຈອນສິນຄ້າປະເພດຕ່າງໆ.ເມື່ອເວົ້າເຖິງທຸລະກິດຂອງຕົນຢູ່ ເມືອງອີ້ອູ່, ທ່ານເວົ້າວ່າ,
ພວກເຮົາພໍໃຈທີ່ສຸດຕໍ່ເມືອງອີ້ອູ່,ຢູ່ແຫ່ງນີ້ພວກເຮົາສາມາດຊື້ຜະລິດຕະ ພັນຊະນິດຕ່າງໆ,ສະດວກຫຼາຍ.ພວກເຮົາສັ່ງສິນຄ້າທັງຕູ້ກໍ່ໄດ້,ສັ່ງສິນຄ້າແບບຢ່າງເປັນຈຳນວນໜ້ອຍກໍ່ໄດ້,ຄົນຢູ່ແຫ່ງນີ້ເຮັດວຽກມີປະສິດທິພາບສູງທີ່ສຸດ,ພວກເຮົາຮ່ວມມືກັນດີທີ່ສຸດ.
ທ່ານຟຼໍຣຽນແມ່ນມາດຳເນີນທຸລະກິດຢູ່ເມືອງອີ້ອູ່ເມື່ອສອງປີກ່ອນ, ທ່ານໄດ້ຕັ້ງບໍລິສັດແຫ່ງໜຶ່ງຢູ່ເມືອງອີ້ອູ່ທີ່ຊື່ວ່າ ຟູ້ຈື້ຮວນຊີວ,ດຳເນີນການຄ້າຂາເຂົ້າຂາອອກໂດຍຈຳເພາະ.ໃນບໍລິສັດຈັດວາງສະແດງສິນຄ້າຫຼາຍຢ່າງທີ່ທ່ານນຳມາຈາກເອີລົບ,ຕົວຢ່າງຄື ເກີບໜັງອີຕາລີ,ເບຍເຢຍລະມັນ,ເຫຼົ້າແວງຝລັ່ງເປັນຕົ້ນ,ແຕ່ສິ່ງທີ່ຫຼາຍກວ່າໝູ່ນັ້ນແມ່ນສິນຄ້ານ້ອຍໃຊ້ປະຈຳວັນທີ່ຜະລິດຢູ່ແຫ່ງຕ່າງໆຂອງຈີນ.
ເມືອງອີ້ອູ່ທີ່ທ່ານຟຼໍຣຽນດຳເນີນທຸລະກິດນັ້ນແມ່ນເມືອງໜຶ່ງທີ່ການຄ້າພັດທະນາທີ່ສຸດ.ໃນປະຊາກອນ1ລ້ານ6ແສນຄົນຂອງເມືອງນີ້,ແຕ່ລະ8ຄົນໃດກໍ່ມີຜູ້ໜຶ່ງດຳເນີນທຸລະກິດ.ຢູ່ຕະຫຼາດສິນຄ້ານ້ອຍອີ້ອູ່ໄດ້ໂຮມສູນຜະລິດຕະພັນຕັ້ງ3ແສນ2ໝື່ນກວ່າຊະນິດທີ່ຜະລິດຢູ່ແຫ່ງຕ່າງໆຂອງໂລກ,ຖືກເອີ້ນເປັນທະເລສິນຄ້ານ້ອຍ,ແດນສະຫວັນຂອງຜູ້ຊື້ຂອງ.ຍອດປະລິມານຄ້າຂາຍ ຂອງຕະຫຼາດດັ່ງກ່າວໄດ້ຄອງຖານະອັນດັບໜຶ່ງໃນຕະຫຼາດສິນຄ້ານ້ອຍໃຫຍ່ຂອງຈີນເປັນເວລາ14ປິລຽນຕິດ,ແລະກໍ່ແມ່ນສູນຈໍລະຈອນເຄື່ອງອຸປະໂພກ ບໍລິໂພກປະຈຳວັນທີ່ໃຫຍ່ກວ່າໝູ່ໃນໂລກ,ແລະແຫຼ່ງສຳຄັນຂອງຈີນທີ່ສົ່ງ ອອກສິນຄ້າທີ່ສຳຄັນຂອງຈີນໃນສະເພາະໜ້ານີ້.
ປັດຈຸບັນ,ຄົນຕ່າງປະເທດທີ່ເຮັດທຸລະກິດຢູ່ອີ້ອູ່ເປັນເວລາຫຼາຍປີຄືທ່ານຟຼໍຣຽນທີ່ພວກເຮົາຫາກໍ່ກ່າວເຖິງນັ້ນໄດ້ລື່ນກາຍ8000ຄົນແລ້ວ.ພວກເຂົາເຈົ້າມາຈາກ100ກວ່າປະເທດແລະເຂດແຄວ້ນໃນໂລກ.ໃນພໍ່ຄ້າຕ່າງປະເທດເຫຼົ່ານີ້,ສ່ວນຫຼາຍມາແມ່ນມາຈາກປະເທດອາຣັບເຊັ່ນຊອກດານີ,ເອຢິບ,ປາເລັສຕິນເປັນຕົ້ນ.
ທ່ານຮາເດຣານເມນາວີທີ່ປີນີ້ອາຍຸ28ປີແມ່ນຄົນປາເລັສຕິນ,ກ່ອນມາເມືອງອີ້ອູ່,ເຄີຍຮຽນຢູ່ມະຫາວິທະຍາໄລຄົມມະນາຄົມຊຽງໄຮ້ຂອງຈີນ. ຍ້ອນຮູ້ຄວາມຈີນ,ໃນເວລາຮຽນຢູ່ມະຫາວິທະຍາໄລເພິ່ນກໍ່ຮູ້ຈັກເມືອງອີ້ອູ່ ແລ້ວ.ປີ2001,ພາຍຫຼັງຮຽນຈົບຈາກມະຫາວິທະຍາໄລຄົມມະນາຄົມຊຽງ ໄຮແລ້ວ,ທ່ານຮາເດຣານເມນາວີທີ່ຮຽນວິຊາວິສະວະການເອເລັກໂຕຼນິກເລີ່ມ ປ່ຽນທິດອາຊີບ,ໄປສ້າງບໍລິສັດຂາເຂົ້າຂາອອກແຫ່ງໜຶ່ງຢູ່ເມືອງອີ້ອູ່.
ໃນຜູ້ທີ່ຂ້າພະເຈົ້າພົບພໍ້ນັ້ນ,ຫຼາຍໆຄົນກໍ່ຮູ້ຈັກເມືອງອີ້ອູ່,ພວກເຂົາເຈົ້າລ້ວນແຕ່ເວົ້າວ່າສິນຄ້າຢູ່ນີ້ມີຫຼາຍຊະນິດ,ຄຸນນະພາບກໍ່ດີ.ຈີນພັດທະນາແລ້ວ,ພໍ່ຄ້າຫຼາຍປະເທດໄດ້ຊອກເຫັນໂອກາດການຄ້າຢູ່ແຫ່ງນີ້,ຂ້າພະເຈົ້າກໍ່ບໍ່ຢາກພາດໂອກາດດັ່ງກ່າວນີ້.ບໍລິສັດຂອງຂ້າພະເຈົ້າຕົ້ນຕໍແມ່ນຊ່ວຍພໍ່ຄ້າຈາກປະເທດຕ່າງໆຊອກຫາສິນຄ້າຄຸນນະພາບດີຢູ່ແຫ່ງນີ້.
ທ່ານຮາເດຣານເມນາວີບອກນັກຂ່າວວ່າ,ເຖິງວ່າສິນຄ້າທີ່ທ່ານສົ່ງໄປເຂດຕາເວັນອອກກາງນັ້ນມີຫຼາຍຢ່າງຫຼາຍແນວກໍ່ຕາມ,ແຕ່ສິ່ງທີ່ຫຼາຍກວ່າໝູ່ນັ້ນແມ່ນເຄື່ອງໂລຫະນ້ອຍແລະປະເພດເຄື່ອງເອ້.ປັດຈຸບັນ,ຄຽງຄູ່ກັບພໍ່ຄ້າຕ່າງ ປະເທດທີ່ມາຄ້າຂາຍຢູ່ເມືອງອີ້ອູ່ນັບມື້ນັບຫຼາຍຂຶ້ນ,ການແກ່ງແຍ່ງກໍ່ນັບມື້ນັບດຸເດືອດຂຶ້ນ,ແຕ່ທ່ານຍັງສາມາດສົ່ງອອກສິນຄ້າປະມານ10ຕູ້ບັນຈຸເຄື່ອງໃນແຕ່ລະເດືອນ.
ແຕ່ກາງຊຸມປີ90ສະຕະວັດແລ້ວນີ້ເປັນຕົ້ນມາ,ແຕ່ລະປີເມືອງອີ້ອູ່ກໍ່ໄດ້ຈັດງານມະຫາກຳສິນຄ້ານ້ອຍ.ງານມະຫາກຳໄດ້ເຕົ້າໂຮມສິນຄ້າຂອງຈີນແລະແຫ່ງຕ່າງໆຂອງໂລກ,ແຕ່ລະເທື່ອກໍ່ໄດ້ດຶງດູດພໍ່ຄ້າຈຳນວນຫຼວງຫຼາຍທັງພາຍໃນແລະຕ່າງປະເທດ.ໃນງານມະຫາກຳສີນຄ້ານ້ອຍທີ່ຈັດຂຶ້ນຢູ່ເມືອງອີ້ອູ່ໃນປາຍເດືອນຕຸລາປີນີ້,ພໍ່ຄ້າຕ່າງປະເທດທີ່ມາທ່ຽວຊົມແລະຊື້ສິນຄ້າມີ ຮອດ1ໝື່ນກວ່າຄົນ.
ທ່ານຣູບານທີ່ມາຈາກການາດາໄດ້ທຸລະກິດບໍລິສັດຂາເຂົ້າຂາອອກ ແຫ່ງໜຶ່ງ,ປີໃດກໍ່ມາສັ່ງຊື້ສິນຄ້າຢູ່ຈີນຫຼາຍເທື່ອ.ເທື່ອໃດກໍ່ຕ້ອງມາເລາະທ່ຽວເມືອງອີ້ອູ່.ທ່ານບອກນັກຂ່າວວ່າ,ສິນຄ້າຂອງເມືອງອີ້ອູ່ລາຄາຖືກ,ຄຸນນະ ພາບກໍ່ດີ,ເທື່ອໃດທ່ານເອງກໍ່ຈະຊື້ເອົາສິນຄ້າທັງຕູ້ເລີຍ.ໃນງານມະຫາກຳ ສິນຄ້ານ້ອຍຂອງເມືອງອີ້ອູ່ປີນີ້,ທ່ານຍັງເຮັດຄືແຕ່ເກົ່າ,ເບິ່ງສິນຄ້າຖາມລາຄາຕາມທຸກຮ້ານວາງສະແດງ,ເພື່ອຕົກລົງສັ່ງຊື້ສິນຄ້າຂອງຕົນ.
ທີ່ຈິງແລ້ວ,ຂ້າພະເຈົ້າຢາກສັ່ງຊື້ສິນຄ້າຫຼາຍຢ່າງ,ຂ້າພະເຈົ້າຈະຕົກລົງສັ່ງສິນຄ້າໜ້ອຍຫຼາຍເທົ່າໃດຕາມລາຄາສິນຄ້າ.
ພໍ່ຄ້າຕ່າງປະເທດທີ່ໄປຊື້ສິນຄ້າຢູ່ເມືອງອີ້ອູ່ຕ້ອງໄປຕະຫຼາດການຄ້າສາກົນ,ຕະຫຼາດດັ່ງກ່າວແມ່ນຕະຫຼາດສິນຄ້າຂາຍຍົກທີ່ມີເນື້ອທີ່ໃຫຍ່ກວ່າໝູ່ໃນໂລກປັດຈຸບັນ.ສິ່ງກໍ່ສ້າງແຫ່ງນີ້ເປັນຮູບມັງກອນຍາວ,ລວງຮອບລື່ນກາຍ 6ກິໂລແມັດ.ມີຄົນເຄີຍຄິດໄລ່ແລ້ວວ່າເລາະທ່ຽວຕະຫຼາດການຄ້າສາກົນເມືອງອີ້ອູ່,ຖ້າຄ້າງຢູ່ຮ້ານລະໜຶ່ງນາທີ,ໄລ່ຕາມມື້ລະ8ຊົ່ວໂມງ,ຕ້ອງການເວ ລາສອງເດືອນປາຍຈຶ່ງທ່ຽວໃຫ້ໝົດໄດ້.
ພໍ່ຄ້າຕ່າງປະເທດຫຼາຍຄົນລ້ວນແຕ່ເຫັນວ່າເຮັດທຸລະກິດຢູ່ເມືອງອີ້ອູ່ສະດວກທີ່ສຸດ,ສິ່ງກໍ່ສ້າງຄົບຊຸດຢູ່ແຫ່ງນີ້ຄົບຖ້ວນທີ່ສຸດ,ຄືມີສາງເກັບມ້ຽນ, ການຈໍລະຈອນ,ດ່ານພາສີ,ການທະນາຄານ,ການປະກັນໄພ,ເຄືອຄ່າຍຂໍ້ມູນຂ່າວສານເປັນຕົ້ນ.ພວກເຂົາເຈົ້າເຮັດກິດຈະການຂາເຂົ້າຂາອອກລາຍໜຶ່ງໃຫ້ສຳເລັດຕ້ອງການເວລາພຽງແຕ່ບໍ່ທໍ່ໃດມື້ທໍ່ນັ້ນ,ສົມພໍໃນເວລາທ່ານຟຼໍຣຽນຄົນເຢຍລະມັນໃຫ້ສຳພາດຕໍ່ນັກຂ່າວໄດ້ຍ້ອງຍໍວ່າຢູ່ແຫ່ງນີ້ມີປະສິດທິ ພາບສູງ.
|
|
|
