|
|
 |
| (GMT+08:00)
2005-12-14 11:04:28
|
 |
|
ອາຊຽນແຍກອອກຈັດກອງປະຊຸມສຸດຍອດປະຈຳປີກັບສ.ເກົາຫຼີ ຍີ່ປຸ່ນແລະອິນເດຍ
cri
Author: zhangshuo
ຕາມຂ່າວສານຊິນຮວາ:ວັນທີ13ທັນວາ,ຢູ່ສູນປະຊຸມກົວລາລຳເປີໄດ້ໄຂກອງປະຊຸມສຸດຍອດປະຈຳປີລະຫວ່າງອາຊຽນກັບປະເທດຄູ່ຂາສົນທະນາ ຄື ສ.ເກົາຫຼີ ຍີ່ປຸ່ນແລະອິນເດຍ.ກອງປະຊຸມກ່າວເນັ້ນວ່າ,ຈະເປີດກວ້າງການຮ່ວມມືດ້ວຍໄມຕີຈິດໃນທຸກຂົງເຂດລະຫວ່າງສອງຝ່າຍຕື່ມອີກຢູ່ພາຍໃນຂອບສັນຍາສອງຝ່າຍແລະຫຼາຍຝ່າຍທີ່ໄດ້ເຊັນກັນແລ້ວ.
ໃນກອງປະຊຸມສຸດຍອດອາຊຽນກັບສ.ເກົາຫຼີຄັ້ງທີ9ທີ່ຈັດຂຶ້ນໃນວັນທີ13ທັນວາ,ສອງຝ່າຍໄດ້ເຊັນສັນຍາຂອບການຮ່ວມມືເສດຖະກິດອາຊຽນ-ສ.ເກົາຫຼີແລະແຜນການດຳເນີນງານກ່ຽວກັບການປະຕິບັດຄຳຖະແຫຼງການຮ່ວມການພົວພັນຄູ່ຂາຮ່ວມມືຮອບດ້ານລະຫວ່າງອາຊຽນກັບສ.ເກົາຫຼີ.
ໃນກອງປະຊຸມສຸດຍອດອາຊຽນກັບຍີ່ປຸ່ນຄັ້ງທີ9,ທ່ານບາດາວີ ນາຍົກລັດຖະມົນຕີມາເລ ເຊຍ ປະເທດປະທານຝຽນຂອງອາຊຽນກ່າວວ່າ,ຫວັງໃຫ້ຍີ່ປຸ່ນປະຕິບັດຕໍ່ປະເທດພາຄີຂອງອາຊຽນຢ່າງສະເໝີພາບໃນເວລາຂະຫຍາຍການຮ່ວມມືເສດຖະກິດສອງຕໍ່ສອງ,ແລະສະເໜີໃຫ້ຍີ່ປຸ່ນເຊັນສັນຍາຄູ່ຂາເສດຖະກິດຮອບດ້ານກັບປະເທດພາຄີທັງໝົດຂອງອາຊຽນ.
ໃນກອງປະຊຸມສຸດຍອດອາຊຽນກັບອິນເດຍຄັ້ງທີ4,ທ່ານບາດາວີກ່າວວ່າ,ອາຊຽນເອົາໃຈໃສ່ນຳການສ້າງເຂດການຄ້າເສລີກັບອິເດຍ,ຫວັງໃຫ້ອິນເດຍທຳຄວາມພະຍາຍາມຢ່າງແທ້ຈິງເພື່ອສ້າງເຂດການຄ້າເສລີອາຊຽນ-ອິນເດຍ.
|
|
|
