|
|
 |
| (GMT+08:00)
2005-12-14 17:24:10
|
 |
|
ກອງປະຊຸມສຸດຍອດອາຊີຕາເວັນອອກຄັ້ງປະຖົມມະເລີກປະກາດຄຳຖະແຫຼງການກົວລາລຳເປີ
cri
Author: da
ຕາມຂ່າວCRI: ວັນທີ 14 ທັນວາ, ກອງປະຊຸມສຸດຍອດອາຊີຕາເວັນອອກຄັ້ງປະຖົມມະເລີກທີ່ອັດລົງຢູ່ກົວລາລຳເປີໄດ້ປະກາດຄຳຖະແຫຼງການກົວລາລຳເປີ,ໄດ້ກຳນົດທາດແທ້ຂອງເວທີປາໄສກອງປະຊຸມແລະບົດບາດນຳທາງຂອງອາຊຽນຢ່າງແຈ່ມແຈ້ງ.ທ່ານເວີນເຈຍປາວ ນາຍົກລັດຖະມົນຕີຈີນໄດ້ເຂົ້າຮ່ວມກອງປະຊຸມແລະກ່າວຄຳປາໄສ.
ຄຳຖະແຫຼງການຂຽນວ່າ,ຜູ້ນຳບັນດາປະເທດທີ່ຮ່ວມປະຊຸມເຫັນດີສ້າງກອງປະຊຸມສຸດຍອດອາຊີຕາເວັນອອກເປັນເວທີປາໄສ,ສົນທະນາກັນກ່ຽວກັບບັນຫາຍຸດທະສາດ ການເມືອງແລະເສດຖະກິດທີ່ສົນໃຈນຳກັນ, ໃນຂະນະທີ່ພະຍາຍາມຊຸກຍູ້ການກໍ່ສ້າງພາກພື້ນແຫ່ງນີ້ໃຫ້ເຊື່ອມໂຍງເຂົ້າກັນນັ້ນ,ກອງປະຊຸມສຸດຍອດອາຊີຕາເວັນອອກຄວນຮັກສາຄວາມເປັນເອກະສັນກັນກັບການສ້າງສາອາຊຽນ.
ຄຳຖະແຫຼງການຂຽນວ່າ,ບັນດາປະເທດທີ່ຮ່ວມປະຊຸມຈະເພີ່ມທະວີການສົນທະນາແລະການຮ່ວມມືທາງຍຸດທະສາດກ່ຽວກັບບັນຫາການເມືອງແລະຄວາມປອດໄພ,ຜ່ານການເພີ່ມທະວີການຍົກຍ້າຍເຕັກນິກ ສ້າງສາພື້ນຖານໂຄງລ່າງ ຊ່ອຍເຫຼືອມະນຸດສະທຳ ມາຊຸກຍູ້ການພັດທະນາຂອງອາຊີຕາເວັນອອກ.
ຄຳຖະແຫຼງການຂຽນວ່າ,ກອງປະຊຸມສຸດຍອດອາຊີຕາເວັນອອກຈະຈັດຂຶ້ນເປັນປະຈຳ,ໃຫ້ປະເທດປະທານອາຊຽນເປັນຜູ້ຈັດແລະເປັນປະທານກອງປະຊຸມ.ຮູບແບບຂອງກອງປະຊຸມສຸດຍອດຈະໃຫ້ອາຊຽນແລະປະເທດອື່ນໆທັງໝົດທີ່ເຂົ້າຮ່ວມກອງປະຊຸມສຸດຍອດອາຊີຕາເວັນອອກພ້ອມກັນພິຈາລະນາ.
ໃນເວລາກ່າວຄຳປາໄສໃນກອງປະຊຸມ,ທ່ານເວີນເຈຍປາວ ນາຍົກລັດຖະມົນຕີຈີນທີ່ເຂົ້າຮ່ວມກອງປະຊຸມສຸດຍອດຊີ້ອອກວ່າ,ຈີນສະໜັບສະໜູນການຮ່ວມມືອາຊີຕາເວັນອອກຮັກສາຄວາມໂປ່ງໃສແລະໄຂປະຕູ.ຈີນຄັດຄ້ານການຮ່ວມມືອາຊີຕາເວັນອອກທີ່ປິດປະຕູ ປັດເຂ່ຍຜູ້ອື່ນແລະແນໃສ່ຝ່າຍໃດຝ່າຍໜຶ່ງໂດຍຈຳເພາະ.
ມື້ດຽວກັນ,ຜູ້ນຳບັນດາປະເທດທີ່ເຂົ້າຮ່ວມກອງປະຊຸມຍັງໄດ້ຜ່ານຮັບຮອງຄຳຖະແຫຼງການກອງປະຊຸມສຸດຍອດອາຊີຕາເວັນອອກກ່ຽວກັບການປ້ອງກັນ ຄວບຄຸມແລະຮັບມືກັບພະຍາດໄຂ້ຫວັດສັດປີກ".
|
|
|
